زنجيل ابوذيه

[احمد الغريب المحمدي]

ان شاء الله تعجبكم الابوذيات


فل شعرك على متونك وحله
سر البي من ربك وحله
ديالى وكوت سامره وحله
يحسدوني عبنك صرت اليه

صرت ليه وسط كلبي اخليك
حبيبي شكثر احبنك واخليك
ابد مايوم تنساني اخليك
ولاشوفك ابد تبعد عليه

علي تبعد اذا تبعد تسلني
دمه دموعي على خدودي تسلني
حبيبي الروح اذا عنك تسلني
اجاوبهه كطعت الوصل بيه

احبك والوصل عينك وشفتك
اسير لجيدك المرمر وشفتك
اذا مريت من يمك وشفتك
اگف مذهول واخذلك تحيه

تحيه اخذ وشبكنك واحضنك
وضمك حيل على صدري واحضنك
اشمك مره بوسك مره حضنك
واقدم الروح الك اجمل هديه

[عاشق الاصدقاء]

شكرا الك اخويه احمد على الزنجيل الجميل
تقبل ردي ومروري
عاشق الاصدقاء

[حجي حشاش]

شكرا اخي العزيز على الزنجيل الابو ذيه

تقبلي مروري

[اكـــ حديقه بر]

عاشت الايادي يا ابو اشهاب هذا الزنجيل الك

[احمد الغريب المحمدي]

احلى مرور منك شباب


تحياتي لكم

[سعد القرصان]

تسلم على الشعر الجميل