ادخلوا برجلكم اليمين

[دار..دور]

صباح الخير

مبروك المنتدى الجديد
خطوة حلوة من الاداره
ادخلوا برجلكم اليمين :d او ابدوا المشاركه بحرف من جهة اليمين او اطبعوا باصبع الايد اليمين .

__________________________________________________ ____________


شنو احساسك و انت داخل للموقع الجديد
شنو ملاحظاتك عن اشياء كانت موجوده بالموقع و تتمنى ما تكون موجوده هنا
شنو ملاحظاتك عن الاشياء الي كانت موجوده بالموقع و تتمنى ( وبشده ) تكون موجوده هنا

طبعا مدا اقصد التصميم ... اقصد نوع المواضيع .. المشاركات , الردود .


منو اهم الاشخاص الي تتمناهم يكونون موجودين .

[JaKaL BaGhdaD]

والله حبي اني دخلت برجلي اليمين ض1 ....... احساااسي داخل الموووقع الجديد بالفررررح لان راح نبدي من جديد وراح نبدي تمييزز في تميززز .. والله حبي ملاحظاتي انو ما نريد بعد مواضيع مكرررره و منقووله نريد مواضيع ابداعية و و نريد الردود و الاعتناء بكل شي لان نريده يكون احلى و افضل منتدى عراقي و كذلك عربي .. والله حبي اتمنى كل الاعضاااااااااااااااااااء موجووودين هنا لان كوولهم ووروود .. تحياتي

[حسوني]

السلام عليكم ،،
اولا مشكور على الموضوع
بالنسبة لليمين تعذرني لان اني يسراوي بلاد :D
و بالنسبة لأسئلتك
احساسي و اني داخل ،، فرحان و ضايج بنفس الوقت
فرحان لان المنتدى اتطور بالتصميم
و ضايج على المواضيع الي جانت بذاك المنتدى لان قسم منها مواضيع حلوة
و خسرناها ،، نكدر هسه ننقلها من المنتدى القديم بس هي كانت مواضيع خاصة بأعضاء
معينين فأتمنى من الاعضاء الورود ان كل واحد منهم ينقل مواضيعه الي كانت بارزة بالمنتدى القديم
مثلا المواضيع المثبته بكل الاقسام حتى منبدي من الصفر ،،
ملاحظاتي ،، مو وقتها هسه خليها بعدين لان تحتاج كعده ;)
و الاعضاء الي اتمناهم موجودين ،، طبعا كل الاعضاء الي جانو موجودين اتمنى ينورون المنتدى ،،
تحياتي ،،

[:*:*FULA*:*:]

بسم الله وعلى بركه الله نبدأ

احساس حلو انك جنت تنتظرة من مدة وصار وان شالله نبدي بدايه جديدة حلوة كلنه سوة بدايه مميزة بمواضيع جميله تزيد المنتدى تالق

مشكور على مشاركتك الحلوة تحياتي

[الفنكوش الاسود]

اول شي أني دخلت برجلي اليمين وأخذث ثاني ممر على يسره وبعدين ............. ها صدك هاي جنت داطب للحلاق اول اني كلش فرحان لانه حيصير منتدى كلش مشهور هذا هوه أعتقادي

[ابن الانبار الوفي]

بسم الله .......
اشلونكم يابه شخباركم ان شاء الله زينين ......

اولا شكرا على الموضوع النقاشي الجميل ..
الحمدلله انو المنتدى رجع من جديد ولو هو بادي من الصفر وكل المواضيع
ماكو بس حلو انو الواحد يبدي من الصفر شي جميل ان نبني المنتدى معا
انا اذهب مع الاخ العزيز حسوني اكو مواضي جميله ومفيده وذات قيمه .
يا ربي اتكون ميسره عند اصحابها فيعيدوها لنا من جديد.

ملاحظتي الاولى ورجائي وامنيتي انه عدم تكرار المواضيع او مخالفة القوانين
حتى لا نرجع مثل الاول قسم المحذوف والمكرر انترس مواضيع كوومه ههههههه.

ملاحظتي الثانيه انو نبتعد عن نقل المواضيع من المنتديات الاخرى بنفس اللهجه
اقصد يعني اذا الموضوع باللهجه الخليجيه ننسخه ونلصقه هنا ..هذا محلو اذا كان
الموضوع جميل نصيغة اما بالفصحى او بلهجتنه مع ابقاء كلمة منقول تحت الموضوع.

اتمنى التوفيق لهذا المنتدى ولجميع القائمين عليه وجميع الاعضاء والمشتركين
ويا ربي يجمع كل العراقيين وكل واحد يحب العراق واهل العراق بلا تمييز ولا تفريق.

يا ربي يرجع كل الاعضاء الي كانو معنا في هذا المنتدى
وترجع الابستامه من جديد والهمه والتفاعل والانسجام.

شكرا مرة اخرى امنياتي بالتوفيق.
ابن الانبار الوفي

[حسن الساهر]

السلام عليكم ورحمة الله وبركاته

اهلاااااااا بالجميع ... اشتاقينالكم هواااية ... والله النت ملل بدون موقع العراق ..
طبعا قبل دقائق سجلت ... عضو جديد اني لتنسون ترحبون بية ههههههه

فرحان و مو فرحان ... الشكل الجديد يفرح لكن المنتدى طارن مواضيعه ...

يالله خلي تطير ... علينا بالجاي ابداعكم شباب ... اترسوا للمنتدى بس بأشياء مفيدة
حتى منسوي حملات انقاذ للمنتدى ههههه

سلامي لكل الاعضاء وان شاء الله نتواصل من جديد

اخوكم وصديقكم حسن الساهر

[tweety]

اني دخلت برجلي اليمنه و اليسره و ضربت دقلات حتى اصير دخلت بجسمي كله حتى لا حد يعتب عليا هههههههههه
انشاءالله ياربي كل الاعضاء يجون لهنا و سبق و كلت يديمها اللمه علينه ربي انشاءالله و مع هذا اني همين اضيف صوتي للاخ حسوني على انو كل شخص عاجبه موضوع معين يطلبه من اللي نزله هناك حتى نفس الشخص مالك الموضوع ينزله يعني مثلا اكو مواضيع بمنتدى اللغة الانكليزية فعلا شي مفيد و حلو و استفادينه هوايه و غير و غير من هاي المواضيع الحلوة اتمنه انو ينزل الاحسن منها هنا بس همين هي ما نريد نخسرها ,, الله يوفق الجميع

[دار..دور]

كوكو
والله اني دخلت برجلي اليمين
وهو المطلوب . :cool:
حسوني
بالنسبة لليمين تعذرني لان اني يسراوي بلاد
اني هم يسراويه بس خالفت القاعده هالمره :d
tweety :
اني دخلت برجلي اليمنه و اليسره و ضربت دقلات حتى اصير دخلت بجسمي كله حتى لا حد يعتب عليا
ماكو اي عتب ما دام وصلتي لباب البيت .... سلامات :)


الفنكوش الاسود :
اول شي أني دخلت برجلي اليمين وأخذث ثاني ممر على يسره وبعدين ....
هو بالظبط الباب الي يم الحلاق .. ممتيه وصلت .

[دار..دور]

كو كو
ما نريد بعد مواضيع مكرررره و منقووله
نريد مواضيع ابداعية

ابن الانبار الوفي

ملاحظتي الثانيه انو نبتعد عن نقل المواضيع من المنتديات الاخرى بنفس اللهجه
اقصد يعني اذا الموضوع باللهجه الخليجيه ننسخه ونلصقه هنا ..هذا محلو اذا كان
الموضوع جميل نصيغة اما بالفصحى او بلهجتنه مع ابقاء كلمة منقول تحت الموضوع.


امين بحجم 7 + لونهه احمر + خط عريض




حسوني :
أتمنى من الاعضاء الورود ان كل واحد منهم ينقل مواضيعه الي كانت بارزة بالمنتدى القديم

ابن الانبار الوفي
انا اذهب مع الاخ العزيز حسوني اكو مواضي جميله ومفيده وذات قيمه .
يا ربي اتكون ميسره عند اصحابها فيعيدوها لنا من جديد.

تو يتي (ريا وسكينه سابقا )
كل شخص عاجبه موضوع معين يطلبه من اللي نزله هناك حتى نفس الشخص مالك الموضوع ينزله

فكرة حسوني و ابن الانبار حلوة و ر يــا انطت طريقة لتطبيق الفكره هم حلوة .. كل عضو يكتب مجموعة مواضيع لاعضاء ثانيين يريدهم ينزلوهه حتى الباقين اذا موجوده عندهم مواضيعهم ينقلوهه , و بالمرّه ... نعرف شنو المقياس العام الي المفروض نكتب عليه مواضيعنه القادمه و شنو المواضيع المرغوبه اكثر من غيرها سواء كانت بمنتديات الشعر او بالمنتدى العام او اي منتدى ثاني , من خلال تكرار اسم الموضوع اكثر من مره بالطلب .


حسن الساهر: (بطل الانقاذ القومي ) :)

علينا بالجاي ابداعكم شباب ... اترسوا للمنتدى بس بأشياء مفيدة
حتى منسوي حملات انقاذ للمنتدى ههههه

ان شا الله

الفنكوش الاسود:

اني كلش فرحان لانه حيصير منتدى كلش مشهور هذا هوه أعتقادي
وياك مية بالميه ... و هذي المصيبه , لذلك دنكول يا ريت النقل يكون موضوعي وينكتب بصيغه جديده , يعني الي يقره موضوع بمنتدى ثاني ,يفكر شويه , يعيد الصياغه ويضيف للموضوع افكار من عنده جديده

[عاشقة بغداد]

مساء الخير
مبرووووووووك للمنتدى الجديد
ومشكورين على هذا الموضوع الحلو
اول ما دخلت اكيد فرحانة لان رجع المنتدى ورجعنة واجمعنة مرة ثانية
والله بصراحة اذا هالناس الطيبة موجودين بالمنتدى ميهم الشكل والمواضيع
واتمنى ان كل الاعضاء القديمين يرجعون وينتمون النة اعضاء جديدين

[دار..دور]

شكرا عاشقه

[دار..دور]

مساء النور عاشقة بغداد

والله بصراحة اذا هالناس الطيبة موجودين بالمنتدى ميهم الشكل والمواضيع
واتمنى ان كل الاعضاء القديمين يرجعون وينتمون النة اعضاء جديدين

شكرا .. و و يه طيبتهم نحتاج يكونون مميزين بمواضيعهم همين اكيد .

[roza]

السلام عليكم
اول شي اهنيكم على المنتدى الجديد القديم
واتمنى من رب العالمين يكون منتدى مميز وراقي مثل القديم واحسن اكيد
فرحانه لان رجعنا التمينا اسره وحده اخوان وخوات تحت سقف واحد هوه منتدى موقع العراق
وان شاء الله راح تكونلي خوش كعده حتى اضيف بعض المواضيع المميز منا ورايح منرضى الابلمميز اووووووكي شباب وبنات
تحياتي لكاتب الموضوع

[يوسف التكريتي]

بارك الله بجهود المشرفين والمسووولين على المنتدى وان شاء الله دوم التالق والابداع خطوه خطوه للامام نخلي المنتدى بلقمه بجهود الاخوه والخوات وبارك الله بيكم

[دار..دور]

شكرا روزا و يوسف

[عـــــراقي و افتـــــخر]

اني دخلت بالاثنين طبك حتى انجبحت و ما ادري وين صارت ايدي ورجلي

[دار..دور]

اني دخلت بالاثنين طبك

هاي اسمهه ( كمزة ) :p

[تــ على الراس ــاج]

ما اكدر اكول غير احساس رائع
وحابة ابدي بداية جديدة

تقبل مروري

[تــ على الراس ــاج]

ها نسيت دخلت بيدي اليمين مو رجلي
لان مابيه حيل هههههههههه

[دار..دور]

بدايه حلوه و ممتازه ان شا الله تاج عالراس
:)