الطوبه بملعبيـــ

[حيدر عدنان]

http://up.7oob.net/show.php/uploads/111438_6-10-2006_95356

الف الف الف مبروك
مبروك الكم ومبروك النا
مبروك الى كل كادر عراق واوا
مبروك الى كل اعضاء عراق واوا
الكرام
مبروك الى كل الشعب العراقي
من شماله الى جنوبه
مبروك الى كل عراقي اينما كان
http://www.aliraqaljded.com/userimages/347.jpg
مبروك الى اسود الرافدين الابطال
مبروك الى منتخب المحبه
مبروك مبروك مبروك
فوز العراق العضيم بكأس اسيا
سيبقى العلم العراقي مرفوع
شائو ام أبو
فرحه عراقيه كبيره
مبروك مبروك مبروك
الى كل العراقين




الطوبه ابملعبي



وارفع ضدي انواع الشعارات


الطوبه ابملعبي وأنطيهه هيهات


گطعناهه ابگطع نفس اللواعيب


اوتحملنه لجلهه اشگد اصابات


اسنين ابملعبك جمهوري مذبوح


يصفگلك غصب بلبندقيات


الحكم ميت ضميره او اهل الاعلام


تأشرلك رعب بعظام الاموات


ظلم والكرت الاحمر يعني اعدام


والاصفر مؤبد بلمباراة


عمر ساحتنه مزروعه بسامير


اوثيلكم ترف بي تحلم الشاة


بلكاس افرحت حسبالك ايدوم


موگتلك اخطفه ابغير دورات


هسه آنه الأ قرر وآنه الختار


وآنه انطي الفرص وانطي الجزائات


الطوبه ابلمعبي اوجمهوري موجود


وانا امجرب تره اوضرباتي حرات


والماعاجبه خل يشتعل غيض


اوخل وي الجدار ايسوي كلات


ماانطيهه لو تلاح الغيوم


بعد متصير لو تطبگ سماوات


متفاهم فريقي اومنسجم حيل


اوچذاب اليگلك علخلافات


كلمن عنده خطه اوعده تكتيك


ابنطاق المصلحه كل اجتهادات


اريد افصح ووضح اكثر انوب


ولو بيت القصيد ايگعد المات


گوم العب عراقي اوگلبي وياك


وذا تعثر اگومك بلصلاوات


بلمرجع ادافع ونصرة الدين


اوجيش المهدي كلهم روس حربات


سنه اوشيعه نلعب ضد لارهاب


اوباچر الاحتلال انطلعه دفراتــــــ
_______________
ادام الله ايامكم افراحاً
والف الف الف مبروك