اليكم رائعة زمن الغربة

[سفير$$ الحب]

:Rose::Rose::Rose::Rose:


اليكم رائعة زمن الغربة

الى من ....... غير حياتي

بالحرب أو بالنفـــــــــاق
**************************
كافي كام الطفل يصرخ عمت عيني اعله العراق

وعمت عيني اشلون جمله ..... بيهه معنى الإنكسار

تشبه اجروح الخريطــــــــــه النزفت اسنين الحصار

والحصار انكول ماضي .... وهوه مو ماضي الحصار

الحصار اويانه باقــــــــــــــــي اشما بقه ليل ونهار

والنهار العدنه ميت ........ والشمس ما بيهـــــــه روح

بكل مكان الشمس تضحك عدنه من تطلع تنـــــــــوح

ولا تكَلي اشلون ناحت ....لا تكَلي اشلون ناحـــــــت

ما احب هذا السؤال !!!!

عالفرح سلطت شمسي وطلع مأتم بالخيال !!!!!!!

والخيال العندي غربة ..... غربة مشتعله ابحنـــــين

كَمت أشك ابكلشي يضحك من شفت ضحك السنين

والسنين اشلون تضحك ...... مو فرح لكن جنـــــون

طفل شابكله شظيه .... اتكول صدر أمه الحنــــــون

وأمه لا لا تظن ظلت...... مــــــــــــــن بعد ذاك اللقاء

عافت الروح لأبنهه ....... وهيه صعدت للسمــــــــــاء

ولا تكَلي اشلون صعدت ...... حكمة الحي القيـــــــوم

ابقنبله اتفجر جسمهه وشالته اجفوف النجـــــــــــــوم

للنجوم اجفوف....... رادت بالسمـــــــــــــــه لأمه مكان

الهالسبب ثقيت كَامت كل فصل تمطر حنــــــــــــــــان

وانه واحد بس شكَلك .... واحد يمثـــــــــــل ألـــــــوف

أنجمع والموت واحد ..... رغم أشكال الحتـــــــــــــوف

الكل حتف مر ابخيالي ..... تنزرع صرخة شهــــــيــــــد

وآخذ امن ادموع عيني ...... وللوطن اكتب نشــــيـــــــد

والنشيد العندي صافن ....... صفنة الغابة ابخريــــــــــف

كل معانيه مآسي ........ وكل قوافيـــــــــه نــــــــــزيف

والنزيف البيه يكتل ...... لأن من جرح الضمــــــيــــــــــــر

يفتت اضلوعي ويفتني ...... لو ( لجح ) دمعة فــــقيـــــــر

والفقير إنسان ثوري ...... العوز مصنع للرجـــــــــــــــــال

ابجرحه من ايبات جايع ........ تنفتح جبهة قتـــــــــــــــــال !!!!!!!

************************************************** **************************************

[محمد الكاظمي]

مشكور حبيبي سفير وعاشت ايدك على القصيده الجميله
تقبل مروري حبيبي الغالي

[سفير$$ الحب]

حبيب قلبي نورت الموضوع مرورك الطيب وتحياتي الك

[عاشق الاصدقاء]

عاشت ايدك على الكلمات الجمـيــلـه
مــع اطـيـب وارق الـتـــحيــــــات
اخـــــــــــــــــــــــتـــوك
عاشق الاصدقاء

[احلى بنت بغداد]

الله الله الله على هل القصيده المؤلمه عاشت الايادي

[عاشقة الريال]

الله الله كلمات روعة
تسلم الايااااااااااادي
وتقبل التحيااااااااااااااااااتي ياسفيرالحب

[:*:*FULA*:*:]

عاشت ايدك سفير
على كلمات هالقصيدة الحلوة

[* توتة *]

كلمات كلش حلوة
عاشت الايادي
تقبل مروري

[سفير$$ الحب]

شكرآ اخواني وآخواتي على مروركم الطيب وردودكم الجميله والطيفه وتحياتي للجميع

[مهنداور الشمري]

من مهنداور الشمري
الى كل الاصدقاء


:004::004::004::004::004::004::004::004::004::004: :004::004::004::004::004::004::004::004::004::004: :004::004::004::004::004::004::004:

[Ra7l.M3.2-lThakReiT]

شكرا حبيبي سفير على الكلمات الحلوة والحساسه

تقبل مروري... راحــــــل مــــــــع الــــــذكـــــــــــريــــات