فطور ((كيمر عرب )) اليوم يمنا

[roza]

فطوركم يمنا وعد منا
برعايه منتديات موقع العراق
اليوم اللقاء مع مشرف
واسمه على شي مشهور عدنا

اممممممممممممممممممممم منو؟


كيمر عرب


شلونك كيمر اخبارك

اليوم انت معزوم يمنا
وانت اول ضيف
رمضان كريم عليك

ها بعد وكت على الفطور خلي نسولف شويه
بس اول شي لازم تعرف الفطور على ذوقنا انت متدخل باختيار الاصناف انت عليك تاكل وبس اووووووكي
دكتاتورين احنا

يلا نسولف
اسمك موتكول كيمر لا ياعيني ممنوع
عمر شكد عمرك :p
على ما اظن اسمك عمر مو
تاريخ ميلادك بالهجري والميلادي اوكي تروح تسال باي شهر هجري اجيت هههه
هواياتك مو هويتك احنا مو سيطره هنا
ارتبطاتك بشنو مرتبط لو فري احسن
وين ساكن بالعراق لو مو بالوطن

يلا وهسه جاوب اذا ماجاوبت ماكو فطور وقد اعذر من انذر
هههههههههههههههههههه

[طفولة بريئة]

هلو كل عام وانتم بخير رمضان مبارك

اعاده الله عليكم بالخير والعافيه
ماشاء الله عليج روز نشطه بدينه التحقيق :21:
اهلا بضيفنه العزيز
انا كلت قبل لاصير اسئله هواي ماتكدر تجاوب خلي ابدي اسئلك اول وحده اسئله بسيطه
1_ اريد اعرف ليش هذه النك نيم مالتك يعني شنو سسب اختيارك اله
2_ ايهما تفضل اكثر الجات او المنتدى
3_ لو خيروك على اشراف قسم اخر اي قسم تختار
4_مارأيك بالمساواة بين الرجل والمرأة
5_شنو الي تحب تاكله على الفطور :s(4):
تحياتي
طفولة بريئة

[roza]

اها طفوله زين اذا كال لاكل الي يحبه عمر
انت تطخي لان اني مبيه حيل هههههههههههههه
اشكرك عيوني والبرنامج لازم يمشي ولو المخرج نايم بعده والمذيعه مشمش مدري وينها
بس اني وحدي وحتى كيمر مدري وين
ههههههههههههههههههه

[بنت ديالى الجريحه]

هههههههه وين اشو كيمر اليوم منهزم
وانى راح اسئل اسئله منه
باسم الله الرحمن الرحيم
1_كيمر انت اول مره بلعيد منو تعايد ؟
2_انت شنو تحب ؟وشنو تكره ؟
3_منو اعز واغلى انسان يمك؟
4_شنو تحصيلك الدراسي ؟
5_وتحب يااكل اكثر شي ؟
6_وجم اخ عندك ؟وجم اخت ؟
7_وشنو اسماء اخواتك ؟
8_انت تحب لو لا ؟
ــــــــــــــــــــــــــ
وعيني ارجو تجاوب على اسئلتي واتمني مااكون احرجتك
تحياتي اختك بنت ديالي الجريحه

[احلى عراقية]

هلو كيمر الوردة
شلونك؟
اليوم جبتلك 40 سؤال بس كلت لا خطية خليني اقللهم
وهاي الاسئلة:_
– هواياتك ؟
– لمن تطفة الكهرباء شلون تكضيه وقتك ؟
– اكثر قناة تلفزيونية تعجبك ؟ و اكثر موقع انترنت يعجبك ؟
- اكثر مكان تحب تروحلة ؟
– اكثر مغني و مغنية تحب ؟
– منو اكثر شخص تتمنى تكون انت بمكانة ؟ و ليش ؟
-من اكثر اعضاء تحبهم؟

[:*:*FULA*:*:]

صباح الخير عليكم
شلونك كيمر شخبارك ان شاء الله بخيــــــــــر
يلا نبدي اسئله :s(22)::s(22):

بما انو شفتك بشات على السحـــــــور

كيمر شنو اتسحرت؟

وشنو راح تسوون فطور اليوم

شنو الاشياء اللي فرقت عليك برمضان؟



راح تشوف مسلسلات وشنو هيه اذا تشوف؟؟؟؟؟

هاي هيه قسم من اسئلتي ولي عودة طبعا:s(22)::s(22):


تقبل تحياتي

[roza]

شكرررررررا على تفاعلكم بس الضاهر كيمر اناكل اقصد
نايم هههههههههههههههههه
تحياتي

[* مشتاقه يابغداد *]

http://img516.imageshack.us/img516/9227/e32sp7.gif

اهلا وسهلا بالضيف الاول لبرنامجنا الرمضاني

استريح اخويه لاتوكف هسه انوب تتخربط علينه وانت صايم وهله هله :s(22):

ياهلا بيك اخونا كيمر

اي شكو ماكو اخبارك احوالك ان شاء الله زين

هذا هو سؤالك هههههههههه

لا من صدك خلي انبلش

بالبدايه انرحب بيك طبعا وان شاء الله ايكون هذا اليوم سعيد عليك ويه اسئلتنه المتواضعه جدا :s(7):

السؤال الاول

ماهو شعورك ويه ما الاذان ديكول الله اكبر وانت توك اتخلي التمرايه بحلكك طبعا يعني ممصدك صار الفطور :s(22):
ويندك الباب تطلع مثلا يعني احد اقربائك توه جاي من السفر ويرادلك اقل شي فد ساعه اترتب امورك ويا
وبعدين يطلع كرايبك ناسي الجنطه مالته بالتكسي وانت لازم تركض وره ابو التكسي حته تلحك بي لان اذا راح يعني ماكو امل بعد وبنفس اللحضه وانت دتركض تعثر بحجاره وتوكع بالشارع وطبعا ماكو احد يساعدك لان الكل ملتهيه بالفطور وبعدين اتريد اتكوم تلزم العمود مال كهرباء وتنتل بي تفقد الوعي لمدة ثواني
طبعا وراها وبعد هذا العناء الطويل ترجع للبيت مكسور الجناح والوجدان وميت من الجوع والعطش
وتلكي كرايبك هذا ماكل الفطور كله حته تمرايه ممبقيلك :s(22)::s(22):

لي عووده للسؤال الثاني :s(7):

[:::كيمر عرب:::]

السلام عليكم ورحمه الله وبركاته
اول شي كل عام وانتو بالف الف خير ان شاء الله رمضان كريم علينا وعليكم وعلى امه محمد كلها وندعي من الله يرجع عراقنا بمليون خير ونرجع لبلدنا هسه راح نبدي بالجواب على الاشئله يا الله :.


اسمك موتكول كيمر لا ياعيني ممنوع

اسمي عمر

عمر شكد عمرك

عمري 24 سنه

على ما اظن اسمك عمر مو

اي صح عمر

تاريخ ميلادك بالهجري والميلادي اوكي تروح تسال باي شهر هجري اجيت هههه

17\1\1983 هاي مواليدي الميلاديه بس الهجريه بصراحه ماعرف ما ذكر

هواياتك مو هويتك احنا مو سيطره هنا

هواياتي السباحه بطه مو بشر تكولين والشغل

ارتبطاتك بشنو مرتبط لو فري احسن

والله اني فررري لان غير العراقيه ماخلي تاج على راسي واني بمصر حاليا مشفت عراقيه صادفتني لان ملتهي

وين ساكن بالعراق لو مو بالوطن

اني حاليا بمصر الكشره حشا الشايف او السامع وندعي من الله نرجع لبلدنا

وشكرا جزيلا الكم على هذا الموضوع الحلو والجميل وتقبلو تحياتي

[:::كيمر عرب:::]

هسه راح نجي على اسئله طفوله بريئه ونرد عليها

1_ اريد اعرف ليش هذه النك نيم مالتك يعني شنو سسب اختيارك اله

اولا من جنت صغير يصيحولي كيمر هالكد ما ابيض ثانيا اني احب كيمر عرب كلشششششششششششششش

2_ ايهما تفضل اكثر الجات او المنتدى

الشات اكثر من المنتدى

3_ لو خيروك على اشراف قسم اخر اي قسم تختار

مو اني مشرف بعد شكو بس اذا اختياري اختار قسم الصور التحشيشيه وصور الفنانين الي اني بيها هسه مشرف

4_مارأيك بالمساواة بين الرجل والمرأة

رايي يا طفطف ان المراه الها حق ودور جبير بالمجتمع ولازم تاخذ حقها بهذا الدور غصبا على اليرضى والميرضى

5_شنو الي تحب تاكله على الفطور

تبسي مالدجاج الي امي تسويه فدوه لعينها يخبل تسويه

شكرا الج طفوله بريئه على هاي الاسئله البديعه ورمضان كريم عليج

[tammy1]

رمضان كريم عليكم ولو عدنة باجر ههههههههههههههههههه
شلونكم شلون الصيام وياكم ان شاء الله بخير
يلة عمر خلي نبدي اسألتي كلهة حزازير هههههههههههه
1 أخوان يبصران كل شيء ولكن لا يرى أحدهما الآخر فما هما ؟

2 ما هو الشىء الذى يوجد في القرن مرة و في الدقيقة مرتين ولا يوجد في الساعة ؟

3 ماهو الشيء الذي يكون أخضر في الارض وأسود في السوق وأحمــر في البيت ؟

4 ما هو الشئ الذي يرفع اثقال ولا يقدر يرفع مسمار ؟

5 ما هو الشيء الذي يبقى حارا حتى بعد وضعه في الثلاجة ؟

يلة كافي خطية ماريد اتعبك صايم واكيد تعبان

رمضان الخير على الجميع ياربhttp://www.y1y1.com/data/media/526/Big-Smile-98.gif (http://www.y1y1.com/pic)

[:::كيمر عرب:::]

هسه اجا دور بنت ديالى الجريحه نبدي بالاجوبه

1_كيمر انت اول مره بلعيد منو تعايد ؟

امي ام الوفه اكو اغلى منها

2_انت شنو تحب ؟وشنو تكره ؟

احب الهدوء واكره الهوسه

3_منو اعز واغلى انسان يمك؟

امي
4_شنو تحصيلك الدراسي ؟

كولي تحصيلات مو تحصيللك اني مخلص الى صف رابع كليه علوم حاسبات ببغداد وهسه من جيت لمصر هسه اني بصف ثاني طب اسنان

5_وتحب يااكل اكثر شي ؟

البرياني والدولمه والتشريب احلى 3 شغلات عندي

6_وجم اخ عندك ؟وجم اخت ؟

عندي اخ اصغر مني مواليد 1989 وعندي اخت اكبر مني مزوجه وعندي اخت كتكوته بالسادس ابتدائي يعني احنا 2 ولد و2 بنات

7_وشنو اسماء اخواتك ؟

اني عمر وسنار اخويه الاصغر مني

8_انت تحب لو لا ؟
لا بس معجب بوحده اعجاب جبير كلش بس مواصل درجه الحب

شكرا على الاسئله الحلوه وان شاء رمضان كريم عليج بنوته

[:::كيمر عرب:::]

هسه نجي على احلى عراقيه ونجاوب على اسئلتها
هلو احلى شلونج عيوني رمضان كريم عليكم

– هواياتك ؟

السباحه والشغل

– لمن تطفة الكهرباء شلون تكضيه وقتك ؟

اني مو بالعراق متطفه الكهرباء عدنا

– اكثر قناة تلفزيونية تعجبك ؟ و اكثر موقع انترنت يعجبك ؟

قناه الشرقيه والجزيره الرياضيه والعربيه مالاخبار وموقع العراق وبس من دردشته لمنتداه لكلشي بيه

- اكثر مكان تحب تروحلة ؟

على البحر

– اكثر مغني و مغنية تحب ؟

كاظم الساهر ونوال الزغبي

– منو اكثر شخص تتمنى تكون انت بمكانة ؟ و ليش ؟

ماتمنى اكون بمكان احد احب مكاني

-من اكثر اعضاء تحبهم؟

ماعندي تمييز بين الاعضاء كلكم تاج على راسي وناس ولد عوائل

وشكرا على اسئلتج احلى عراقيه

[:::كيمر عرب:::]

هسه نجي على فله وما ادراك ما فله
فله كل عام وانت بالف خير

كيمر شنو اتسحرت؟

اتسحرت بيض بالجبن وجاي وجكاره :s(5):

وشنو راح تسوون فطور اليوم

تشريب مالحم وشوربه عدس ومقلوبه مالدجاج

شنو الاشياء اللي فرقت عليك برمضان؟

شغل كام يزيد عليه وهسه بعد كم يوم دوام فيصير دوام وشغل وصيام بس يخبل الاجر على كد المشقه :21:


راح تشوف مسلسلات وشنو هيه اذا تشوف؟؟؟؟؟

ههههههههههههههه يامسلسلات اني راح اصير مسلسله بس اذا ردت اتفرج على مسلسله يعني هيه باب الحاره الجزء الثاني لان من لقطاتها الشفتها مبين حلوه

شكرا فلافيلو على اسئلتج الحلوه مثلج ورمضان كريم عليكم

[:::كيمر عرب:::]

هلو مشتاقه الورده الحمد لله اني بخير واسال عنج ورمضان كريم عليكم وينعاد عليكم بالخير والبركه وسلامه الاهل
نجي على اسالتج اقصد مثل متكولين سؤالج انتي مبين ناويتلي موخوش نيه اذا هو سؤال واحد وصفحه كامله الله يستر من السؤال الثاني هههههههههههه المهم الي يعجبكم اسالو عليه واني حاضر

السؤال الاول

ماهو شعورك ويه ما الاذان ديكول الله اكبر وانت توك اتخلي التمرايه بحلكك طبعا يعني ممصدك صار الفطور
ويندك الباب تطلع مثلا يعني احد اقربائك توه جاي من السفر ويرادلك اقل شي فد ساعه اترتب امورك ويا
وبعدين يطلع كرايبك ناسي الجنطه مالته بالتكسي وانت لازم تركض وره ابو التكسي حته تلحك بي لان اذا راح يعني ماكو امل بعد وبنفس اللحضه وانت دتركض تعثر بحجاره وتوكع بالشارع وطبعا ماكو احد يساعدك لان الكل ملتهيه بالفطور وبعدين اتريد اتكوم تلزم العمود مال كهرباء وتنتل بي تفقد الوعي لمدة ثواني
طبعا وراها وبعد هذا العناء الطويل ترجع للبيت مكسور الجناح والوجدان وميت من الجوع والعطش
وتلكي كرايبك هذا ماكل الفطور كله حته تمرايه ممبقيلك


ياشعور هو بقى بيها شعور هاهيه اكعد اغني بالباب على الدنيا السلام وهاي هيه شسوي اكول حسبي الله ونعم الوكيل واسب اليوم الي عرفت بيه هيج كرايب تطوه وفكر :s(5):

شكرا على سؤالج مشتاقه وبارك الله بيج ورمضان كريم مره ثانيه

[:::كيمر عرب:::]

هسه نجي على تامي هلو تامي شلونج كل عام وانتي بالف خير ورمضان كريم عليج
وهسه نبدي نجاوب على الاسئله :.

1 أخوان يبصران كل شيء ولكن لا يرى أحدهما الآخر فما هما ؟

العينان

2 ما هو الشىء الذى يوجد في القرن مرة و في الدقيقة مرتين ولا يوجد في الساعة ؟

حرف القاف

3 ماهو الشيء الذي يكون أخضر في الارض وأسود في السوق وأحمــر في البيت ؟

الشاي

4 ما هو الشئ الذي يرفع اثقال ولا يقدر يرفع مسمار ؟

الماء

5 ما هو الشيء الذي يبقى حارا حتى بعد وضعه في الثلاجة ؟

الفلفل الحار


وشكرا على هاي الاسئله البسيطه ورمضان كريم مره ثانيه عليج تامي :Rose:

[يوسف التكريتي]

مساء الخير عموري الورد شلونك مشتاقون شلون الكدعان وياك:s(20)::s(20):

يلا كيمر حظر نفسك حبيبي خل اسلئلك كم سؤال قبل الفطور وروح

كيموري اكثر مكان تحبه بالعراق؟
واكثر مكان تحبه بمصر؟

بما انو انته بمصر هل عندك اصدقاء مصريين؟ وشنو علاقتك وياهم؟:s(5):

يلا عموري اوصفلي شكللك عالسريع طولك عــــــــــيونك شــــــــعرك ؟:36: يجوز اجي اخطبك :36:

شنو نوع السياراة اللي تحب تمتلكها؟
وشنو الدوله اللي تحب تزورها ومزايرها؟

كم ســــــــــــاعه تكعد بليوم عالنت؟

برة النت وين يحب يقظي عموري وقته؟:002::002:

يلا كـــــــــافي اروح افرفر قبل الفطور بالمنتدى

تحياتي الك حبيبي الغالي:004::004:

[:::كيمر عرب:::]

هلو خويي يويو نورت الموضوع كله بمشاركتك خويي وكل عام وانته بالف خير ورمضان كريم عليكم حبي
وهسه نبدي نجاوب على اسئله يويو

كيموري اكثر مكان تحبه بالعراق؟

منطقتي بغداد شارع فلسطين

واكثر مكان تحبه بمصر؟ما احب اي مكان بمصر اكرهها واكرهم المصريين كلهم


بما انو انته بمصر هل عندك اصدقاء مصريين؟ وشنو علاقتك وياهم؟

ولا واحد صديق مصري بس مو اكثر من سلام عليكم


يلا عموري اوصفلي شكللك عالسريع طولك عــــــــــيونك شــــــــعرك ؟ يجوز اجي اخطبك

هلا بيك حبي شكلي عادي ابيضاني طويل طولي 190 سم عيوني عسلي وشعري كالبه ليوره بس راح ازين اكرع قبل العيد لان ضوجني


شنو نوع السياراة اللي تحب تمتلكها؟

احب البيئم لان هوايه بقت يمي بس الحمد لله على كل شي


وشنو الدوله اللي تحب تزورها ومزايرها؟

احب اروح لباريس لفرنسا مرايح هناك بس سياحه مو اقامه


كم ســــــــــــاعه تكعد بليوم عالنت؟

مو سوه حسب اكو ايام ما اكعد واكو ايام 5 ساعات واكو ايام ساعه مو سوه حسب وقت فراغي

برة النت وين يحب يقظي عموري وقته؟

بالشركه لان جماعتي هناك والتهي بالشغل وماحس بالوقت

وشكرا اللك حبي يويو على الاسئله البديعه مثللك يامللك ورمضان كريم مره ثانيه حبي

[:::كيمر عرب:::]

يله شباب اني اروح افطر وارجعلكم عود واجاوب على اسئلتكم وره الفطور حضرولي اسئله زينه لانفس الاسئله كلسع مكرريها اوكي حلوين يله من رخصتكم صيام مقبول وافطار شهي باذن الله مقدما

[بنت ديالى الجريحه]

مشكور كيمر على الاجوبه كلش حلوه
عود عيني انت هم حضرلي اسئله بلثامن يوم الرمضان زين مو تنسى

[:::كيمر عرب:::]

صار بنوته تدللين من هسه احضرلكم الاسئله

[roza]

يا هلا ويا مرحبا باخونا كيمر

شلونك اخبارك
ان شاء الله فطرت
والفطور عجبكم طبعا هاي طبخ مشتاقه مو اني
يلا هسه مجموعه اساله

*موقف جميل جدا حصل لك في رمضان الي فات؟
*وموقف لا تحسد عليه هم حصل لك برمضان الي فات
* هل ندمت على شي اتخذته بحياتك
* منين تعرفت على المنتدى ومنو اول شخص تعرفت عليه
الاسماء التاليه ماذا تعني لك
*فله
*لؤلؤه بغداد
*يويو (يوسف)
*مشتاقه
وبس
يلا جاوب بسرعه

[* مشتاقه يابغداد *]

نيه سووده لا موو سوده ببسي ههههههههههههههههههههههه :002:

يلا نبلش من جده وعتيك

جده لو الرياض ههههههههههههههههههههههههههه

رياض لو كرة سله هههههههههههه

لا من صدك خلي انبلش :s(20):

بنا انوا انت ساكن في بيبية الدنيا اقصد ام الدنيا مصر احجيلي لول مصري حجيت ويا شنو جان اسمه وشكد عمره ووين يشتغل :36:

وشنو نوعية علاقتك بالكدعان

وكم مره كافخ كدع :36:

وكم مره ماكل فول طعيمه وايهما تفضل :s(21):

هم تتعرف على بنات مصريات :36:

شنو الي تريد تغيره بمصر

بعد بعد امممممممم شسالك

اطيب اكله مصريه

احجيلنه موقف طريف مر بيك بمصر

واخير شي تعرف تحجي مصري يعني كدع لو هم اتجفص بالحجي واذا اجفص احجيلي احلى موقف جفصت بي :s(20):

يلا خلصنه حاليا
ولي عووووده

كااااااااااااااااااااااااااااااااااااات

[:::كيمر عرب:::]

ياهلا بيج خيتي روزه وشكرا على الموضوع والاسئله
وهي الاجوبه

*موقف جميل جدا حصل لك في رمضان الي فات؟

رحنا اني واصدقائي جنا معزومين على فطور وجانو اهل العزيمه ناسين العزيمه وطالعين هم همين ظلينا نفر باذاناتنا :we5:

*وموقف لا تحسد عليه هم حصل لك برمضان الي فات

ماذكر اكو هيج شي صار عندي

* هل ندمت على شي اتخذته بحياتك

اي من طلعت من بغداد ومن فتت بشغله ذبيت بيها كل فلوسي ومنجحت

* منين تعرفت على المنتدى ومنو اول شخص تعرفت عليه

اني جنت ويا حارس وعمر مون وحاكم وبوبو بشات اسمه الواحه من زمان كلش بعدين جوي هم هنا كلهم وبعد فتره من انقطاعي على النت رجعت ولكيتهم هنا

الاسماء التاليه ماذا تعني لك

*فله :. اسم عزيز عليه كلش

*لؤلؤه بغداد :. اخت عزيزه واتشرف بمعرفتها كاخت

*يويو (يوسف) :. تاج على الراس واخويه يوسف الله يحفظه ويستر عليه قمه بالاخلاق

*مشتاقه :. اخت عزيزه ورده قليل بحقها كلمه ادب وتربيه واخلاق

وانتي همين روز وباقي الموجودين كلكم عزيزين عليه وشكرا الج مره ثانيه

[:::كيمر عرب:::]

نرجع علة خيتي مشتاقه


بما انوا انت ساكن في بيبية الدنيا اقصد ام الدنيا مصر احجيلي اول مصري حجيت ويا شنو جان اسمه وشكد عمره ووين يشتغل

ماعندي اي علاقه باي احد مصري غير السلام اتخبل منهم مجرد سلام اول مصري المحامي الي سوالي الشركه مالتي وبس

وشنو نوعية علاقتك بالكدعان

علاقه سطحيه كلش ماعندي اي شي وياهم غير السلام


وكم مره كافخ كدع

مره واحد مصري ضرب سيارتي بالبدايه اتجاوز ضربت راسه بالباب مالسياره وانحجزت اني والسياره

وكم مره ماكل فول طعيمه وايهما تفضل

لو مرتين لو 3 لا هاي ولا هاي افضل


هم تتعرف على بنات مصريات

ابد قطعاااااااااااااااااااااااااااااااااااااااااااااا لااااااااااااااااااااااااااااااااااا

شنو الي تريد تغيره بمصر

كلها من الجذور او بالاحرى اريد اطلع منا


اطيب اكله مصريه

ماكل اكل مصري يعني هيه مالمطاعم الاجنبيه بس وميعتبر اكل مصري

احجيلنه موقف طريف مر بيك بمصر

يعني مديحضرني هسه حاليا شي طريف

واخير شي تعرف تحجي مصري يعني كدع لو هم اتجفص بالحجي واذا اجفص احجيلي احلى موقف جفصت بي

ماحجي مصري احجي عراقي وهاي مشكلتي وياهم كلشي ميفهمون عليه اذا ويايه احد من جماعتي هو يترجم اني غير العراقي ماحجي :002:

[اسد القائم]

السلام عليكم احب اسئل شكم سؤال للورده عمر
وان شا ءالله رمضان كريم عليكم في مصر وان شا ءالله ترجع للعراق الحبيب

1. شوكت رحت لمصر وليش
2. عندك اصدقاء بمصر لو لا
3.شنو المواقف الصعبه الي صارت بيك بمصر وتحديته
4.تحب لو لا وين تحب

تحياتي الك كيمر وان شاء الله ترجع للعراق وكل مغترب يرجع
اول واحد اني كول امييييييييييييييييييييييييييييييييييين
ويرجع بلدنه مثل قبل وافضل وتحياتي للمغتربين

كيمر هاي هديه مني الك
:Rose::Rose::Rose::Rose::Rose:
مايزعج النفس إلا بــــــعد غاليها
ولايسعد القلب إلا شوفة أحبابه
ياعين خلي دموعك فيك خــليها
القلب يكفيه من الاحزان ماصابه
يكفي حياتي غلا الغالين مالــيها
لاشفتهم زال كل الضيق واسباب

وتحياتي لجميع

اسد القائم
http://www.ojqji.net/up_vb/0806/e853ec7c1c.gif

[roza]

عدناااااااااااا من جديد كيمر
اي
هسه اني جنت محضره هواي اسئله وكان كل الي بالي انت اصغر مني وكلت اسال على راحتي
وبعدين طلعت اكبر مني وهنا اني حتى الاسئله نسيته
وشو انت هم شكلك عصبي مدري الفطور معاجبك مدري شنو السالفه
هوه كل اللقاء فكاهي والله
وكل الاسئه القصد منها انو نضحك ونسولف ونبعد عن الجديه
شو انت كالبها جديه حيـــــــــــــــــــــــــــل
ههههههههههههههههههه
سؤالي هسه
*دمك خفيف لو لا؟
* حسب مشفتك بالقاء جدي جدا هل هذا هو طبعك
* اني اشوف الطوال دمهم خفيف وانت طولك 190 فكرت بيوم تلعب باسكت لو لا
وبس
ممكن تفسر ليش انت عصبي ههههههههههههههه
تحياتي

[:::كيمر عرب:::]

هلو اخويه اسد شلونك نورت والله ومن عيوني اي اسئله اسال واني حاضر
هسه نبدي بالجواب

1. شوكت رحت لمصر وليش

رحت لمصر شهر الثالث 2006 بدايته ليش لان صار شغل هنا بمصر وفتحت شركه ويا جماعه

2. عندك اصدقاء بمصر لو لا

عندي اي هوايه وعراقيين بس ماعندي مصريين

3.شنو المواقف الصعبه الي صارت بيك بمصر وتحديته

هوايه مواقف اخويه كلش هوايه والحمد لله عرفت شلون اصرف واوجها


4.تحب لو لا وين تحب
لا والله اخويه ماحب بس معجب بشخص اعجاب كلش قوي بس بعد مواصل درجه الحب


والله خويي نورت بمشاركتك اسودي وانت من المميزين كلش بالمنتده

[:::كيمر عرب:::]

اولا اختي روزه اني دمي خفيف بس مو بكل وقت واني هذا طبعي جدي اكثر مما فكاهي وعصبيتي وراثه بس هسه اني مو عصبي بالعكس كلش متونس بس هيه الاسئله الي دتسؤالها دجاوب عليها

*دمك خفيف لو لا؟

اي خفيف بس مو كلش عندي وكت الشقه شقه ووكت الصدك صدك


* حسب مشفتك بالقاء جدي جدا هل هذا هو طبعك

مو بكل الاوقات كلشي انطيه وكته

* اني اشوف الطوال دمهم خفيف وانت طولك 190 فكرت بيوم تلعب باسكت لو لا؟

اي اني جنت العب باسكت ببغداد ومشارك بنادي بس هسه حاليا لا بطلت

شكرا الج روزه الورده وتقبلي تحياتي

[انمار علي الدليمي]

http://www.arabsys.net/pic/bsm/1.gif (http://www.arabsys.net/pic/index.php)

رمضان كريم عموري الورده.. آني بهيچ مواضيع ما احب اثقل على الضيف بالاسئله..
بس كم سؤال رح اسألك..
س1\شوكت طلعتوا من بغداد بالتحديد وكم دوله كانت المحطه الي بعد بغداد؟
س2\شنو طبيعة عملك؟
س3\ماذا تعني لك الكلمات التاليه..1-الصلاة...2-الغربه....3-الخيانه...4-العراق..؟
س4\بما انه حضرتك طالب طب اسنان.. نوعية معجون الاسنان الي تنصح بي ... ونصيحه للمدخنين الي انت منهم وآني تساعدهم نوعا ما بالحفاظ على اسنانهم عدا ترك الجگاره...؟

شكرا الك ورمضان كريم عليك وعلى العائله ..اخوك انمـــــــــار

[:::كيمر عرب:::]

هلو اخويه نموري اني بالخدمه حبي اسالو اي شي ييجي ببالكم
وهاي اجوبه اسالتك

س1\شوكت طلعتوا من بغداد بالتحديد وكم دوله كانت المحطه الي بعد بغداد؟

اني هوايه مسافر اخويه كلش هوايه بس المحطه الي استقريت بيها مصر واذا تحب تعرف البلدان الي مسافر الها
دبي .الشارقه . سوريا . تركيا . الكويت . عمان . اربد . مصر . المغرب

س2\شنو طبيعة عملك؟

طبيعه عملي اني اشتغل بشركه مقاولات وبناء عالميه واشتغل بالسيارات وادرس


س3\ماذا تعني لك الكلمات التاليه..1-الصلاة...2-الغربه....3-الخيانه...4-العراق..؟

الصلاه :. عماد الدين

الغربه :. اذيه ودمار

الخيانه :. اكثر كلمه اكرهها بحياتي اكثر من اي كلمه ثانيه

العراق :. بلدي وتاج راسي ولو نمشي طول العمر منلكى مثل عراقنا

س4\بما انه حضرتك طالب طب اسنان.. نوعية معجون الاسنان الي تنصح بي ... ونصيحه للمدخنين الي انت منهم
وآني تساعدهم نوعا ما بالحفاظ على اسنانهم عدا ترك الجگاره...؟

الي جربته وخوش معجون للمدخنين سنسوداين صدك زين والتدخين موزين بكل انواعه بس شنسوي مو بيدينا

وشكرا اللك حبي على الاسئله الروعه ورمضان كريم حبي عليكم

[بنت ديالى الجريحه]

اليوم كيمر عرب تعبناك ويا اسئلتنا والله خطيه انى اكتب بدالك شتكول

[:::كيمر عرب:::]

هههههههههههههههههههههههههههه لاعادي بنوته تامروني امر

[medooo]

ههههههههههههههههههه

شكد احراج,,,,,,,,,

[:::كيمر عرب:::]

على شنو الاحراج حبي ييجي دوركم واني الكم ههههههههههههههههه بسيطه

[medooo]

ههههههههههههههههههههههههههههههههههههههه

اويلي يابه

كرعيت من هسه

خخخخخخخخخ

[* توتة *]

صباااااااااااح الخير للكل
اليوم يلا شفت اللقاء والجماعة ممقصرين بالاسئلة :af8:
صباح الخير كيمر
جبتلك كم سؤال بس كلهة سهلة :af8: ملاحضة :كم=اقل من 5 اسئله هع
يلا نبدي

1-اكثر اسم يعجبك ؟ اسم ولد+اسم بنوتة
2-عضو تحب تقرأ ردوده؟يعنى اذا شفت اخر رد فلان تدخل ركض تشوف الرد :we5:

3-عضو تحب تقرأ وتتطلع على مواضيعة ؟

4-عضو يعجبك تشوفة اون لاين ؟

5-عضو تتمنى تشوف صورتة؟

6-عضو تتمنى تلتقي بيه ؟

7-عضو نشيط برأيك ؟

8-عضو (ة) جرئ؟
9-عضو عاجبك توقيعه؟
10-امنية لكيمر ؟
11-عضو عزيز على كيمر -عضوة عزيزة على كيمر
12-احلى يوم مر على كيمر من الاسبوع الماضي؟
14-اكثر قسم يعجبك بالمنتدى؟
15-لو رجعت للعراق وانشالله ترجع وكل المغتربين بألف سلامة منو اول الناس تزوره؟
17-شنو رأيك بكلمة حضرتك اللي يكولوهة المصريين ض14 (انت تستنى هنا حضرتك والعشا حيتجهز فسوانى :af8:)هههههههههه يبو يبو عليهم

سؤال نسيت اكتبة وهو: : جربت المشي على كورنيش النيل والمجادي مسطرين بالكع :af8: هههههههههه شنو شعورك من تتمشى مناك ؟

18- شنو رأيك بالاعضاء
حسن كرادة
طفولة بريئة
حسونى
كوكو
عمر الساهر
دير روز
شيرين البغدادية

19-اكثر مكان تحب تروحلة ببغداد

ولو طولت بالاستجواب ض7
بس من تجي على بالي اسئلة اجي اسئل ض7

تحياتى العطرة
ورمضان مبارك عالجميع

[:::كيمر عرب:::]

هلا بيج توتايه منوره وتدللين بالاسئله وهاي الاجابه

1-اكثر اسم يعجبك ؟ اسم ولد+اسم بنوتة

اسم ولد يوسف وحالف اول ولد ييجيني اسميه يوسف وبنيه نور او رشا

2-عضو تحب تقرأ ردوده؟يعنى اذا شفت اخر رد فلان تدخل ركض تشوف الرد

فله ويويو ولورد ولاصغرن بالكل

3-عضو تحب تقرأ وتتطلع على مواضيعة ؟

الكل بدون استثناء

4-عضو يعجبك تشوفة اون لاين ؟

اليوم يله صار عندي ايميلات كم واحد من المشرفين مجان عندي اي ايميل منهم :s(5):

5-عضو تتمنى تشوف صورتة؟

واحد ببالي ما اكدر اكول اسمه بس هو يعرف روحه زين

6-عضو تتمنى تلتقي بيه ؟

هو نفسه الي اريد اشوف صورته :s(4):

7-عضو نشيط برأيك ؟

نوتيلا اشوفها نشيطه ومشاركاتها حلوه وهوايه

8-عضو (ة) جرئ؟

اني :coffee:

9-عضو عاجبك توقيعه؟

اي توقيع بي علم العراقي يعجبني


10-امنية لكيمر ؟

امنيتي يرجع عراقنا ونرجع كلنا وشكو واحد متغرب ومتاذي بالغربه يرجع لبلده


11-عضو عزيز على كيمر -عضوة عزيزة على كيمر

الكل عزاز على قلبي


12-احلى يوم مر على كيمر من الاسبوع الماضي؟

رحت سفره ويا اصدقائي لمنطقه بمصر اسمها فايد تونست كلش بيومها

14-اكثر قسم يعجبك بالمنتدى؟

قسم صور الفنانين وكلمات الاغاني


15-لو رجعت للعراق وانشالله ترجع وكل المغتربين بألف سلامة منو اول الناس تزوره؟

اروح اشوف باقي اهلي وكرايبي


17-شنو رأيك بكلمة حضرتك اللي يكولوهة المصريين ض14 (انت تستنى هنا حضرتك والعشا حيتجهز فسوانى )هههههههههه يبو يبو عليهم

ههههههههههههههههههههههههه كلمه حلوه بيها احترام

سؤال نسيت اكتبة وهو: : جربت المشي على كورنيش النيل والمجادي مسطرين بالكع هههههههههه شنو شعورك من تتمشى مناك ؟

جربت وتمشيت هوايه شعوري ويا المجادي محلو لان واحد ينقهر عليهم بصراحه بس شعوري قريب من الماي شي كلش حلو


18- شنو رأيك بالاعضاء


حسن كرادة:. ورده مال الله

طفولة بريئة:.اخت عزيزه كلش والله يحفظها

حسونى:. اخويه وصديقي وحبيبي

كوكو:. هذا ابو البيبسي وين اكو منه غير معزه اله بقلبي كوكو

عمر الساهر:.اخ عزيز ومحترم

دير روز:. سارونه الورده اخت غاليه كلش

شيرين البغدادية:. شيرو ورده وريحته عطره واخلاقها بعد اطيب منها

19-اكثر مكان تحب تروحلة ببغداد

بيتي ببغداد بشارع فلسطين

ولو طولت بالاستجواب
بس من تجي على بالي اسئلة اجي اسئل

واني حاضر لاي اسئله وتامريني توتايه وشكرا للاسئله الحلوه ورمضان كريم عليكم اختي

[أمير الدلع]

http://www4.0zz0.com/2007/09/12/16/56930585.gif
كيمر ولو اجيت اني بورة الفطور بس شنسوي العتب على البنات ماعزمنة بس عندي شكم سؤال .

1. شكم علاقة عندك ؟
2. اقرب انسانة لكلبك ؟
3. اكثر بنت حبيتهة وثقيت بيهة ؟
4. شوكت تزوج مو كبرت بعد ؟

http://www2.0zz0.com/2007/09/13/15/27198777.gif
http://www4.0zz0.com/2007/09/13/15/58642150.jpg

[JaKaL BaGhdaD]

كيمرر اي جااوب يلا ونريد الصراحة اذا ما تحجي الصراحة ترى نجااوب ابدالك

ونريد اسم بنية انتَ معجب بيها بالدردشة هسة وتريد تتعرف عليها ... جاوب لا اجاوب ابدالك والله ض1

تحياتي الك حبي .. وصيام مقبوول انشااء الله

[:::كيمر عرب:::]

حبيبي علاوي انت تامرني اي وكت تجي هلا بيك
وهاي اجوبه اسئللتك

1. شكم علاقة عندك ؟

حاليا ماعندي صار 3 سنوات من اجيت لمصر واني صايم والله شاهد على حجيي :action-smiley-034:


2. اقرب انسانة لكلبك ؟

حاليا ماكو اقرب من امي ام الوفه


3. اكثر بنت حبيتهة وثقيت بيهة ؟

محبيت اني ابد بس صادقت اي بس حب لا

4. شوكت تزوج مو كبرت بعد ؟

من تزوج انته وراك باسبوع ازوج ههههههههههههههههه

من الكي بنت الحلال الي تناسبني اعزمك لتخاف
وشكرا خويي علاوي على اسئلتك ورمضان كريم حبي

[بغداد يانور العين]

هلوو اخويه الطيب كيمر عرب ورمضان كريم عليك وعلى الجميع
شلونك ان شاء الله زين ومرتااح وبأحسن حال ومو ضاايج :s(19):

حبيت اسأل كم سؤال لاخونا العزيز منور المنتدى وبرناامج اختى حبيبتي مشمش
وروزه الورده الحبابه :Rose: واكيد ابن الانباار هم هو شرااكه وياهم بالبرنامج هم نسلم عليه

يله طولت عليك نبدي بالاسئله :o015:

* من هو كيمر عرب الذي لانعرفه نحن؟

* ماهو ميولك الشخصي في مجال حياتك؟

* هل تمارس الرياضه ؟ وماهي الرياضه المحببه لك؟

* موقف جميل من الصغر تتذكره الى الان ؟اذكره بالتفصيل؟

* اكبر هديه تلقيتها في حياتك ومازلت تحتفظ بها ؟ ومن منو؟

* اهم الاشخاص في حياتك؟

* شئ يشغل بالك؟

* هل صادفت واحد وندمت على صداقته؟

* موقف سواه احد اصدقائك وكبر بعينك من خلاله؟

..................................


تقبل اسئلتي المتوااضعه :coffee:
واكيد لنا عوده ثاانيه :h035:

تقبل مني احلى تحيه

[:::كيمر عرب:::]

هلا بيج عيوني منوره وتدللين ونورتيني بالاسئله وهاي الاجوبه

* من هو كيمر عرب الذي لانعرفه نحن؟

كيمر عرب هو عمر طالب ويشتغل وعمره 24 سنه وخوش ولد وابن بلد

* ماهو ميولك الشخصي في مجال حياتك؟

الشغل

* هل تمارس الرياضه ؟ وماهي الرياضه المحببه لك؟

السباحه ورفع الاثقال الي امارسهن دائما

* موقف جميل من الصغر تتذكره الى الان ؟اذكره بالتفصيل؟

تخرجي من مرحله الابتدائيه للمتوسطه جان بيها حفله متنسي صادفت ويا يوم نتايجي يعني

* اكبر هديه تلقيتها في حياتك ومازلت تحتفظ بها ؟ ومن منو؟

سياره من والدي

* اهم الاشخاص في حياتك؟

امي وابويه واخوتي واصدقائي

* شئ يشغل بالك؟

التفكير في المستقبل

* هل صادفت واحد وندمت على صداقته؟

اي وحده مو واحد قبل 3 سنوات

* موقف سواه احد اصدقائك وكبر بعينك من خلاله؟

جماعتي هوايه واكفيلي وكفات حلوه والي اذكره حاليا يوم الي سويت عمليه بقو يمي طيله فتره بقائي بالفراش مطلعو حتى نومهم يمي وهذا شي كبرهم بعيني اكبر مما هم كبار

وشكرا على الاسئله الحلوه ورمضان كريم