قصيدة للنقد بين ايديكم

[الشاعر رعد الفياض]

السلام عليكم
اساتذتي شعرائنا اخواتي
احب ان اضع مأساة طفل تائه للنقد بين يديكم
ويــــــــــن امـــــــــــــــي

عمي ضيعت انه امي
ضيعتهه
ضيعت ذاك الحنان
*
عمي ماشايفهه امي ؟
تيهتهه
وانه اشوفنهه تصيح بكل مكان
*
وين امي ؟
واني بعيوني شفتهه
تصيح دولبني الزمان
*
ظاع ابني
وين اخو زينب يدليني عليه
وين بخت المنقذ لهذا الزمان
*
عمــي فـــدوه ويـــن امـــي
*
جبت عمري
مجلب بذيج العبايه
وياعبايه
الجانت تغطينه بيهه اني وخواتي
*
وياعبايه
العبايه الي ردتهه
جفن في ساعة مماتي
*
وين امي
وانه امي الي ردتهه
تحضر بساعه مماتي
*
ويــــــــن امـــــــي
الجانت الكلشي بحياتي
*
اني اجاوبه
*
عمي
اسكت فدوه اسكت
لاتهيج جروح دلالي عليه
*
هسه تلكاهه انت امك
الطفـــل!
وين الكاهه وهي صارت ضحيه
*
انــــــــي
ياضحيه ؟
الطفـــل
عمي اني امي ولوهه
مثل زينب
من سبوها
اني هم امي سبوهه
بهذا طف الغاضريه
*
كتله انت امك شسمهه
ذبله دمعه موش دمعه
وذبله حسره
شلون حسره
حسره متروسه بأذيه
*
ونطق اسم امه الطفل
وانه هليت الدموع
وضاكت الوسعه عليه
*
كـــــــــال
بغــــــــــــــداد انه امـــــــــي
الحاوطتهه للاسف
جف المنيه
*
كتله امسح دمع عينك
والحزن حوله عليه
*
تبقه بغداد السلام
وتبقه بغدادك ابيه
*
وانه ذيج اللحضه احسن
بجت دم الناصريه
*
كتله عمي لاتخاف
وانه بيدي الي امسحت دمعات عينه
كتله اضحك
يالله كوم خلي ايدك بين اديه
*
طلع ذك الطفل سني
وانه شيعي
أذن تخسه الطائفيه
*
مكدرت تحني ضهرنه
اي وحق حامي الحميه
*
لان مو شيعي كلتله
كتله اني اسمي عراقي
وهو كال اسمي عراقي
اذن هسه احنه العراق
صار النه اجمل هويه

[زياد البصراوي]

الاخ الكريم والشاعر رعد الفياض اهلا بك في قسم النقد وحياك الله ..
بصورة بدائية وعامة لقصيدتك انها كانت قصيدة مفتوحة والقصيدة المفتوحة بطبيعتها
تعطي خيال وسع وفضاء متحرر لقلم الكاتب بتكوين خيالات بعيدة الامد وصور شعرية
واضحة ... كذلك لابد من الاشارة الى ان القصيدة كانت واضحه وصريحة من حيث الموضوع
وبما اننا تطرقنا الى فضاء المفتوح في القصيدة فكان لا بد منك ان تستغل اسلوب المحاكاة
في القصيدة وتنطلق لابعد مدى فيها والى زاوية ورؤية واسعة للصورة الشعرية
.
.
عمي ضيعت انه امي
ضيعتهه
ضيعت ذاك الحنان
*
عمي ماشايفهه امي ؟
تيهتهه
وانه اشوفنهه تصيح بكل مكان
*
..

هنا انت في صدد البحث عن الام عن لسان الطفل
ولكنك تناقضت مع نفسك حينما قلت
.
وين امي ؟
واني بعيوني شفتهه
تصيح دولبني الزمان
.
.
فالطفل على مرأى ومسمع من الوالدة ولم يضيعها ..
.

.
غير هذا .. فأنك كتبت بصورة جيدة ولم تخلو ابدا من الشاعرية
الا انك تحتاج لنقاط بعيدة ابعد من التي استخدمتها الان في القصيدة
وكذلك بحاجة لحداثة النص لديك وأختيار المفردة التي تدل على الحداثة
وعدم المبالغة فيخا بنفس الوقت
.
.
تملكت القصيدة كذلك ابيات تحسد عليها يا رعد كــَ

جبت عمري
مجلب بذيج العبايه
وياعبايه
الجانت تغطينه بيهه اني وخواتي.
.
بيت جميل واهنئك عليه يا رعد وتحياتي لحضورك هنا اولاً ولقلمك ثانيا



.
.

[خالد الفراتي]

الشاعر رعد الفياض..
ــــــــــــ
انا اشكرك اولا لتواصلك معنا .ووضعك قصيدتك للنقد هنا.. فهذا يحسب لك..
المهم..
القصيدة جاءت(من وزن الشبكها*) .. دادة خيعونة الشبكها.؟؟
القصيدة لم تكون مفتوحة حسب ماقال الاخ الشاعر زياد البصراوي بقدر ماكانت(مقفولة)
وهي عبارة عن حوار.. يدور بين اثنين حول سؤال واحد..
وهذه الطريقة بالكتابة(تسمى طريقة الحكاية.. وهي فن شعري قديم الطرح جديد الاسلوب في قصيدة الشاعر رعد الفياض..
يتنبادر الى الذهن في القراءة الاولى للقصيدة..ان الشاعر سوف ياخذك لمتاهات القصيدة بااستخدام المساحة الكافية لممارسة ادوات القصيدة.. ولكن استغربت من الاخ الشاعر رعد الفياض..استخدامه الاسلوب القصصي فقط في الرؤيا الشعرية..
وانا على علم باامكانيته في الطرح..
القصيدة لم تخلو من الصور الشعرية الجميلة ..
وحتى اللعبة الشعرية كانت موجودة..( وهذا يحسب لشاعرها)
المهم من هذا كله قصيدة جميلة المظهر.. تحتوي من الافكار الوطنية الجميلة التي تنم عن فكر شاعر ..
تحتاج الى مساحة اوسع في الاستخدام وايضا اختيار المفردة الاقوى في الصياغة..
حبي لك
يارعد انتظر جميلك وجديدك
اخو الفراتي

[الشاعر رعد الفياض]

الاخ المبدع والشاعر المتميز والناقد الجميل زياد البصراوي ابو ايه
بالبدايه اشكر مرورك هنا على صفحتي المتواضعه وهي تحمل هذيان شاعر مبتدء
شكرأ لك
ولاكن هنا قد تختلف وجهت نضرنا
هنا انت في صدد البحث عن الام عن لسان الطفل
ولكنك تناقضت مع نفسك حينما قلت
.
وين امي ؟
واني بعيوني شفتهه
تصيح دولبني الزمان

انا اقصد وين امي واني بعيوني شفتهه
شافهه اني هاي الكلمه وضفتهه بالخيال يعني مثل كلمت اضنهه او احسهه
فهي تدل على الخيال
كما قلت بالسابق
ماشوفك وطن ......... اتخيلك عباس

هل انا اشوف كل العراق ... او انا نضرت الى العباس
للخيال بصمه في مأساة الطفل
مودتي لك اينما كنت
اخوك الزغير الفياض

[الشاعر رعد الفياض]

الشاعر رعد الفياض..
ــــــــــــ
انا اشكرك اولا لتواصلك معنا .ووضعك قصيدتك للنقد هنا.. فهذا يحسب لك..
المهم..
القصيدة جاءت(من وزن الشبكها*) .. دادة خيعونة الشبكها.؟؟
القصيدة لم تكون مفتوحة حسب ماقال الاخ الشاعر زياد البصراوي بقدر ماكانت(مقفولة)
وهي عبارة عن حوار.. يدور بين اثنين حول سؤال واحد..
وهذه الطريقة بالكتابة(تسمى طريقة الحكاية.. وهي فن شعري قديم الطرح جديد الاسلوب في قصيدة الشاعر رعد الفياض..
يتنبادر الى الذهن في القراءة الاولى للقصيدة..ان الشاعر سوف ياخذك لمتاهات القصيدة بااستخدام المساحة الكافية لممارسة ادوات القصيدة.. ولكن استغربت من الاخ الشاعر رعد الفياض..استخدامه الاسلوب القصصي فقط في الرؤيا الشعرية..
وانا على علم باامكانيته في الطرح..
القصيدة لم تخلو من الصور الشعرية الجميلة ..
وحتى اللعبة الشعرية كانت موجودة..( وهذا يحسب لشاعرها)
المهم من هذا كله قصيدة جميلة المظهر.. تحتوي من الافكار الوطنية الجميلة التي تنم عن فكر شاعر ..
تحتاج الى مساحة اوسع في الاستخدام وايضا اختيار المفردة الاقوى في الصياغة..
حبي لك
يارعد انتظر جميلك وجديدك
اخو الفراتي

للفراتي خالد المبدع نكهه في مروره في متصفحي
الاخ والصديق والاستاذ المحترم خالد الفراتي
اني اشكرك حبيبي ابو زهراء على النقد البناء
واشكرك جزيل الشكر على التوضيح
وانشاء الله الاخطاء سوف تعالج

وانا سوف اكون عند حسن ضنكم

لك كل ودي وحبي واحترامي بدون استئذان