اخبرنا عن ذاك البلد

[tweety]

http://www.openiu.com/upload/070913/200134128646e93f9644187.gif


السلام عليكم و رحمة الله و بركاته ,,,
:6: شلونكم اخوان و اخوات انشاءالله الكل بخير اول شي حبيت اهني بمناسبة حلول شهر رمضان جعل الله ايامه خير و بركه على كل امة محمد عامة و على العراقيين خاصة و ابعد عنا هم الوحشة و الغربة و سهل ايام الاشتياق و الفراق و البعد عن الاهل و الاحبه و الاصدقاء ,, و ادعو من كل قلبي ان يحل الامن و الامان على ارض و شعب العراق حتى نرجع لبلدنه :s: و نتحرر من قيود كلمة غريب ,,,

هسه ابدي موضوعي اللي ردت من زمان اضيفه بس اجلت الفكرة لسبب قرب شهر رمضان فگلت انزله بهذا الشهر المبارك و اخلي اول موضوع يعني مثلما يگولون استبارك بيه بلكي عسى ولا عل يكون فاله خير و تصير مشاركاتكم بيه ذكريات تحتفظون بيها للمستقبل ,, الفكرة انو تحجولنه عن البلد اللي انتو مقيمين بيه او البلد اللي زايريه ابشنو يتميز و شنو عادات اهله شنو الايجابيات و السلبيات , اذا عنده فد رمز او شي صفة معروف بيها تحچلونه عنها اكثر بنظرتكم انتو , و اذا عدكم صور اتضيفوها و تخبرونه معلومات عن هاي الصور اتكون بعد شي احلى و متعة اكثر .... طبعا موضوعي هذا يشمل حتى العراقيين اللي بالعراق اذا جانوا مسافرين من قبل http://www.openiu.com/upload/070913/113544059546e946cc85d18.gif فممكن انو يشاركونه و يخبرونه شنو شافوا و شلون جانت متعهتم بالسفر ... يله اني اترخص هسه و الي عودة للموضوع لانو اني همين اريد احجيلكم عن البلد اللي اني مقيمة بيه حاليا

بالمناسبة بس حبيت اگوللكم حتى لا تصير طويله و تتعاجزون اذا عدكم اكثر من خبرية قسموها لانو اني هيج راح اسوي :s(5): حتى تنقري كلها :coffee:


http://www.openiu.com/upload/070913/30748680846e947324cda8.gif

[sura]

السلام عليكم
شكرا على هذا الموضوع اول شي اي بلد العراقي يتغرب بيه ماي يصير احلى من العراق لمة اهلنا وعاداتنا وتقاليدنا احنا العراقيين وخيرنا ونعمنا .
اما بالنسبة للبلد الي اني متغربة بي فهي عمان طبع هنا بعمان يحتفلون بقدوم شهر رمضان بتعليك النشرات والفوانيس بالشوارع والبيوت(الشقق)والمحلات يعني طابع حلو مفتقديه احنا العراقيين صارلنا سنين اكيد بسبب الاوضاع والظروف الصعبة الي عشناها بالعراق واهم شي طبعا الكهرباء الي صارلنا مااعرف كم سنة محرومين بي
لكن رغم هذا كله مااعرف ليش حسيت اجواء بغداد احلى برمضان يمكن هو الحنين للعراق هو الي خاللني احس هيجي احساس ومن حسنات هذا البلد لجو الطيب الي الله انعم عليه بهيجي نعمة لكن شتاهم جاف وطويل يعني(مزعج) اما سيئات هذا البلد اهلهم باردين وكسولين ماعدهم مثل شيمنا ونخوتناوووووووووووو الخ.

[tweety]

السلام عليكم اخوان رجعت راح اسولفكم عن ليبيا بينما يصير الفطور ,,طبعا هي البلد اللي اني عايشة بيها و بالضبط في منطقة بنغازي و هي تكون شرق طرابلس و المسافة بين بنغازي و طرابلس نفس المسافة بين بغداد و الاردن و هي تطل على البحر الابيض المتوسط و بيها ميناء واسع لدرجة انو اكو كم سفينة حربية عراقية شفتها بعيني موجودة هنا بس ما اعرف شتسوي ,, المهم طبعا الطابع الغالب هنا على بنيان هاي المدينة هو البناء الايطالي لسبب احتلالهم من قبل ايطاليا لفتره من الزمن لدرجة انو حتى كلامهم يستعلمون الكثير من المفردات الايطالية مثلما احنه نستعمل الكلمات الانكليزية , عدد نسماتهم قليل جدا و اغلبهم ترجع اصولهم الى الاغريق او الاتراك و السبب ايضا الاحتلال يعني نسبة الليبيين الاصليين قليلة جداااااااااااا ,, اسلوب معيشتهم بسيط جدا و الشي الحلو انو الحياة البسيطة هي مصدر السعادة بالنسبة الهم و لكنه يمثل تعب بالنسبة النه بس بنفس الوقت الافكار البسيطة القانعتهم خالتهم لحد الان يحترمونه و مايعاملونه مثل معامله السوريين و الاردنيين يعني صحيح معاملات الاقامة شوية اتطول و هاي بكل مكان و صحيح اني اريد اطلع منا بس بنفس الوقت الحمدالله انو ما شفت هنا مثلما شفت بسوريا شديصير و مثلما سمعت بالاردن شصار ,, طبعا هنا كل مناسبة يسوولها هليله و احتفال و انو بس يريدولهم فد سبب يحتفلون بيه و يجتمعون ,, طبعا رمضان هنا يستقبلوا بتجهيز البيت من جده و جديد و خصوصا المبطخ ,, طبعا برمضان ينكلب الليل صبح يعني مثلا الدوام الصبحي يدفعوه ساعة و الدوام العصري يسووه بعد الفطور (بعد صلاة التراويح) يعني اني مثلا لما جنت ادرس اروح للجامعة بالتسعة بالليل اطلع بالثنعش نبدي عاد نفتر بالسوگ لانو الدنيا كلها تفتر اما ليله العيد ماكو احد ينام ,, هاي وصلتلكم ليوم العيد يله اروح اخذ صور لبعض المناطق و اوريلكمياها ,, باي

[احلى عراقية]

السلام عليكم
البلد اللي اني عايشة بيه هو خوش بلد وناسه طيبين
ونظيف وحلو
بس اسخف شي بالله انه نكعد نروح للمدرسة من الساعة 6 الصبح
يعني اتخيلوا شنو احنا دجاج والله ما ادري
بعدين عدهم هذا الطابور(الاصطفاف) الشنيع والسخيف يوميا طبعا
ونكعد نسوي تمارين رياضية من الصبح شنو اطفال احنا هم ما ادري
بعدين نغني النشيد مالتهم اويلي والله محد يغني بيهم بعدين تجي المدرسة وتصيح علينا لان منغني
وما احجيلكم شكد الدنيا حر والله موت جهنم مو هيج
بعدين نرجع للصف ونكعد نغني ونطبل
ورا شوية تجي المديرة وترزلنا (ما ادري ليش)
ههههه
صارلي ساعة احجي عالمدرسة لان والله متعقدة من عدها اكرههههههههههههههههههههههههههههها
المهم
والبلد حلو بيه مولات ما مولات نروحلها (والله ضجنا من عدها)
وهمينا الهنود اويلي من الهنود
مسويلي عقدة نفسية
هيجي اعدادهم بالملايين
وين متروحين لازم تلكيلج شي هندي كريه
وهمينا بعد شنو......
ما ادري عود اجي مرة ثانية واكمل معاناتي
يلا
الى اللقاء
تحياتي

[tweety]

عزيزتي احلى عراقية نورتي بمشاركتج ورده بس ياريت تكولين البلد و ياريت تحجيلنه عن معالمه و عن ناسه لانو هو هذا الهدف من الموضوع انو نتعلم اكثر و نجمع معلومات عن كل بلد ,, بس لا تطلعين بالهند بما انو جبيتي طاري الهنود ههههههههههههههههه ,, نورتي الموضوع حبي

[* مشتاقه يابغداد *]

هلوو تويتي شلوونج منووره عيوني

اكلج باختصار سوالف الغربه والبلد الي اني بي الي هي مصر \ الاسكندريه

طبها اني ممرتاحه بي ابد والحمد لله

نفسيا وجسديا اني ممرتاحه

ولا دااكدر ااقلم روجي بالجو مالهم

بس هم عامتا ناس طيبين خدومين يحبون العراقين

ويتنولنه الخير

بس عدهم فد شغله جدا اتضوجني هي يسألوني انتي من اي مله او طائفه

وهذا شي يعصبني كلش لان احنا ماعدنه اي فرق لا بالدين ولا بالمله

والله كريم
وان شاء الله اخلص من مصر وارجع لروحي ويحاتي وقلبي بغداد الغاليه

اروحلج فدوه بغداد

تحياتي وتقديري

[tweety]

هلو مشتاقة انشاءالله يجي اليوم و نرجع كلنه لبلدنه , حبيبتي نورتي الموضوع و اتمنى تحجيلنه بعد اشياء و خفايا عن مصر لانو مصر اعتقد بيها هواية قصص و بيها معالم اذا تكدرين تاخذيلها صور و تضيفيها و تسولفيلنه عنها مثلا اكيد زرتي الاهرامات فياريت تحجيلنه هل تستحق كل هاي الهوسه الخابصين بيها الدنيا ؟ رايحة لشارع محمد علي؟ اذا عندج صور واقعية غير مرتشه انت ماخذتها ضيفيها .. انت بالقاهرة لو بالاسكندرية؟ سولفيلنه , و اذا ع المعاناة كلنه دنعاني بس ياريت ينغلس لانو ملينه و خلصت گلوبنه كلما نجي نحجي نبجي خلي ننسه شوية و نسولف على مواضيع عامة عن ذاك البلد .. تحياتي

[بنت ديالى]

السلام عليكم
تسلمين خيتو تويتي عل موضوع
اني هم اريد احجيلكم عل بلد الي اني بي تركيا و بالتحديد مدينة قيصري
هم عموما ناس طيبين و يحبونا لان عددنا قليل و اقل من الايرانيين و ما مسببيلهم متاعب هههههههه (هم هيجي يكولون)
برمضان هم ناس تعزم ناس وتصير لمات حلوة بس مو مثل لماتنا بالعراق(اويلي عل عراق :( ))
و الناس تروح للتراويح بعد الفطور و ابو الطبل يجي بالسحور يدك الباب
و احلى شي من نلعب محيبس و يا جماعتنا هنا طبعا يخربون من الضحك و الحجي يلف و يدور و هم يجي عل عراق يعني مهما يكون العراق عايش بكياننا
يعني عموما الوضع حلو بس مهما تكون الغربة متنراد يعني اني لو جنة تصير هم ماريدها
بس اكو شي واحد العراقيين هنا ميعانون من الي يعانون منها العراقيين بالدول العربية لان هنا يحبون العراقيين و ميخبثون عليهم

و ذكرتني احلى عراقية بل مدرسة هههههه
اني هم جنت اروح ساعة بل ستة و جنت انام بل سيارة مال خط ههههههه اكمل نص الحلم مالتي هههههه
و لما اوكف بل اصطفاف و يعيط المعاون علينة يلا اصحى و هذا النشيد مالتهم غير عذاب و بلاوي
شلون ما اسويها صوتي بعده ناصي ههههههه و اول درس هم جنت اقضيه نوم لان جانوا يخلون الرسم و الموسيقى اول درس يمكن يدرون بينا ننام هههههههه
عل عموم خلصت صف السادس كلة نوم بس هسة مرتاحة الحمد لله ماكو ملابس مدرسة اجبارية و رباط اخنك بي نفسي و قميق ادكم بي للاخير (بس مشتاقة )
واخيرا تخرجت وهسة بل كلية و بعد ست سنوان اصير طبيبة مغتربة هههههههههه

انشاء الله يوم لم الشمل و تحقيق الامان يا رب

تحياتي للكل

[tweety]

انشاءالله تتحقق امنياتج يابنت ديالى و نورتينه بمرورج ,, تركيا بلد كلش حلوة و اني شخصيا اتمنه ازورها لانو اعرف بيها اماكن سياحية ماتتفوت و ياريت تزودينه بالصور اذا عندج و اذا تكدرين تحياتي

[بنت ديالى]

تتدللين حبيبتي انشاء الله الصور عن قرب بين ايديج
و اذا تردين تجين لتركيا ترة مينراد شي
الجية كلش سهلة اسويلج دعوة و تنورينا
اذا مفكرة بالجية صدك بس رسالة خاصة او ايميل منج يكفي
تحياتي

[دمعه فرح]

:aهلو شلونكم ايها المغتربين انى مغتربه بمصر ولله الحمد والله هيه مصر حلوه وبيها هواىوسائل ترفيه ورحنا للاهرامات الى خابصينه بيها لاكولكم ولا تكولولى صحراءو تراب والله ولاعجبتنى بس الاهرامات يله تارخيهم وخابصينه ورمضان عدهم عدهم حلو بس اكيد مو مثل العراق ماعدهم واحد يصيح سحوررر ولا عدهم ماجينه ياماجينه بي وعدهم سالفه جديده عليها الفوانيص واحد يهدى للاخ والله صديقتى(( مصريه :af8:)) هدتنى هيه واحد بس مادرى شسوى بي هههههههههه كلتلها شكرا منسيت بعد شسولفلكم والله ناسها طيبن وحبابين بس شنو يم الفلوس وهوب بعد لاعرفك ولاتعرفنى تطى فلوس يصير خوش وياك يعنى ماديين بشكل مو تبيعى:p وشنو طبعا ميفهمون حجينه تعال احجى مثل الكدعان:s(1): انى شسوى لازم احجى مثلهم ومنااااكااحجى عراقى ههههههههههه :s(1): ومن اذكر شى هم اجى اكوله الكم خوش موضوع وعاشت ايد الى سواه وتقبلو مرورى:s:

[mrjaon]

شلونكم بنت ديالى ...
هاي اول مرة اكلمك بيها بس ياريت ماتخجليني بيها ممكن لو لا ...
رايد طلب صغير منج هو دعوة لتركيا اريد ادور على عمل هناك بلكت الكة عمل في مكتب انترنيت وارتاح شوية ولو اعلم انة العراقي ميرتاح بس في بلدة بس ميخالف لمن تفظ هاي السوالف كلها ...
واذا تحبين تساعديني اكون ممنون بنت ديالى وهذا اميلي لوس سمحتي يعني ....
mrjaon@gmail.com

[tweety]

عزيزتي بنت ديالى اشكرك على هذا العرض الجميل و الدال على طيبه نفسج و كرم اخلاقج و امنياتي الج بالموفقية و النجاح الدائم يارب

[tweety]

دمعة الم عزيزتي عاشوا احباب قلبج يارب و مرورج ع العين و فوك الراس و ننتظر بعد سوالف عن بلد الكدعان
نورتي