فطور **حسوني ** علينا

[* مشتاقه يابغداد *]

فطوركم يمنا وعد منا
برعايه منتديات موقع العراق

http://www.arabsys.net/pic/arbwelocm/13.gif (http://www.arabsys.net/pic/index.php)


يتجدد اللقاء مع ضيف جديد

الضيف هو ضيف يمتلك شعبيه كبيره

ويمتلك اسلوب جميل بالرد

وله مواضيع مهمه وقيمه

ودائما يسعر الى رقي ونجاح المنتدى

ويسهر على نجاحه وتطويره

ضيفنا لهذا اليوم من حلقة فطوركم علينا


هو


** حسوني **


http://www.arabsys.net/pic/zkarf/108.gif (http://www.arabsys.net/pic/index.php)


اهلا وسهلا بيك حسوني الورد

ان شاء الله اتكون سعيد باللقاء ويانا ومتضوج منه ومن الاسئله

لان اعرف انت هسه صايم وتعبان ويمكن اتريد تشرب جكاره :s(25):


استريح استريح اخويه
يلا انبلش وياك بالاسئله

http://www.arabsys.net/pic/zkarf/162.gif (http://www.arabsys.net/pic/index.php)

بالبدايه احجيلي رمضان شلونه وياك
واول يوم مر رمضان شنو سويت يعني سويت فد طقص معين او شي مميز بهذا اليوم الاول المبارك من الشهر الكريم
لو كاعد بالبيت وساكت ومقابل النت :s(25):

شنو فطرت وشنو اتسحرت وشنو الاكله الكفضله الك بالسحور والفطور

احجيلي شنو اكثر شي مميز عندك برمضان

باركت لكل اقربائك واصدقائك برمضان لو نسيت البعض منهم

http://www.arabsys.net/pic/zkarf/162.gif (http://www.arabsys.net/pic/index.php)

جم ساعه تنام باليوم بهذا الشهر؟

وجم ساعه تكعد على النت؟

يلا خلصت اسئلتي توني كاعده وممرتبه اموري زين

يعني راعيتك اشويه :(20):

http://www.arabsys.net/pic/zkarf/162.gif (http://www.arabsys.net/pic/index.php)

[طفولة بريئة]

هلوو مشتاقه شلونك منوره
هلو حسوني اجه دورك ههههههه
كلت خلي اسأل اول وحده قبل لايفوت اليوم وماتكدر تجاوب تتعب
1_ اول سؤال هل انت تصلي وتصوم لو لا
2_ هل تسامح من يسيء اليك بشهر رمضان
3_هل انت من متابعين برامج رمضان التلفزيونيه
4_ماكلتك المفضله في رمضان
5_ هسه اذا كتلك اسويلك طبق حلويات شتختار
اسئلتي سهله مالت بنت حبابه صايمه :s(4):
رمضان كريم على الجميع
تحياتي
طفولة بريئة

[roza]

هلا والله بالضيف
هلا والله بمن جا
شلونك اخبارك ان شاء الله تمام
الله يساعدك لان مشتاقه اليوم حالفه تسال مليون سؤال من كثر مفرحانه بيك نست تسال اهم الاسئله
يلا هسه اني اسالك بس لتضوج اوكي
كل همنا رضاكم ياضيوفنا

* الاسم شنو اسمك حسوني
* العمر شكد عمرك بلا زحمه
* الهوايه شنو
* تاريخ ميلادك بالهجري اريده :h035:لان بالميلادي نعرفه
وتاريخك بالميلادي حتى لا تتعب وتكبه 18/6/1987
مو صح :s(25)::s(25):
* ترتيبك بالعائله اخر واحد لو الاول يعني بين اخوتك او اقصد اختك
*السكن البصره الفيحاء وين بالضبط :s(25):
وبس

على كد الاجابات الفطور راح يكون منوع اذا اتجاوب بكلمات قليله جوز صنف واحد من الاكل تشوف ويجوز حتى صنف ماكو بس تمر ههه

[حسوني]

مساء الخير على الجميع .. مساء الخير مشتاقة يا بغداد و رمضان كريم على الجميع و ربي يعيد هذا الشهر الفضيل على الجميع بالخير و الامان ..
اشكرج مشتاقة يا بغداد على الاستضافة ببرنامجكم الحلو .. و اشكرج جزيل الشكر على المقدمة الرائعة ..
و هذا الكلام كثير بحقي ..

بس اني ما ادخن هههه
نسولف على رمضان ..
طبعاً اول يوم برمضان اني صمت الخميس ، ما ادري ليش بس هم كالو الخميس انصوم صمت وياهم .. المهم
طبعا الخميس كان عندي امتحان لان اني دور ثاني ، كسولي يعني ، رحت الصبح امتحن .. طبعا اني نمت بالاربعة الفجر و كعدت بالستة ، المهم رحت دايخ للامتحان حتى ما ادري شنو المادة مال الامتحان :s(25):
المهم طبعا بالتسعة بده الامتحان .. اتوزعت الاسئلة .. بس هو اني لزمت الاسئلة منا و ما بطلت اكتب .. :s(24):
يمكن كانت دعوات الناس الي تحبني ويايه ..
طلعت من الامتحان بـ 11 و الحمد لله مجاوب .. رحت سويت براءة الذمة .. حتى من اجي وره اسبوع اخذ النتيجة كبل

بعدين
رجعت للبيت و كعدت على النت لان ممصدك خلصت امتحانات .. و طلعت العصر افرفر ويه اصدقائي .. و رجعت بالسبعة ويه اذان المغرب .. فطرت و نمت :s(25):


طبعاً .. فطرت تمن و دجاج .. شوربة .. كباب .. و لبن :(20): هاي الاشياء الي آكلها اني برمضان و الي احبها
و اتسحرت .. شوربة ، كباب بيت ( مو عبالكم مطعم ههههه) و لبن و زلاطة :s(5):


اكثر شي مميز برمضان .. اني احب الاجواء الرمضانية .. دائما اكو حركة بالبيت ماكو خمول ، التلفزيون مفتوح و بي مسلسلات حلوة .. و الاهل كاعدين .. واني كاعد على الحاسبة .. فترة العصر حلوة اروح بيها على شط العرب
اكعد ارتاح .. و اهم شي بالليل ماكو نوم :20:

طبعا البارحة من طلعت باركت لأصدقائي الي طلعت وياهم .. بس اكو قسم مشفتهم فغلست عليهم ;)


بالنسبة لساعات النوم .. اكثر شي اكون و اني صايم يعني بالنهار .. بالليل ما انام .. شنو اتخبلت هههه
تقريباً 7 ساعات نوم .. من الخمسة الفجر لل 12 او للوحدة الظهر ..


هاي يوميات حسوني لحد الان .. حسب اسئلة مشمش ..
تحياتي .. :a040:

[:::كيمر عرب:::]

مساء الخير حسوني ومساء الخير عليكم يابنات مشتاقه وروزه وطفوله شلونكم
هسه اليوم اج دور حسوني راح اساللك كم سؤال وننتظر مشاركتكت
وصدك اني مهنيتك البارحه لان مشفتك كل عام وانت بخير ورمضان كريم عليك حبي
وهسه نبدي بالاسئله

1. اسمك وهواياتك

2. شنو اكثر موقف صار بيك وفرحك برمضان الي الفات ؟؟

3.انت كبير اخوتك وكم اخ عندك ؟؟

4. انت ببغداد حاليا لو وين ؟؟ اذا مو ببغداد سبب سفرك شنو وشوكت ؟؟

5. اذا خيروك بامنيه تتمناها هسه شنو تتمنى ؟؟

6.اقرب انسان اللك منو ؟؟؟

7. منو من الاعضاء مميز عندك وتحب تحجي وياه ؟؟؟

8. شنو رايك بالاعضاء

مشتاقه يابغداد
بنت ديالى الجريحه
ابن الانبار الوفي
كوكو كارثه
فله
يوسف التكريتي
لؤلؤه بغداد

9. اتمنى ما اكون طولت عليك بالاسئله شنو فطورك اليوم وشسحرت ؟؟

وشكرا اللك اخ حسوني ودمت في تميز ورمضان كريم عليك مره ثانيه وكل عام وانت بالف خير

[حسوني]

هسه انشوف طفولة بريئة شنو تريد ههههه :D
طفوله يا هلا و مراحب بيج منورة خيتو .. مبروك عليج الشهر المبارك ..

طبعا همزين سألتي اول وحدة .. لان هسه دتبين عليه اثار الصيام :s(25):

1- اول سؤال هل انت تصلي وتصوم لو لا
اي طبعاً اصوم .. بس صلاتي نص ردن .. اصلي بس مرات اغلس :s(25):

2- هل تسامح من يسيء اليك بشهر رمضان
اي بالمناسبة ترى اني ما احجي وياج :s(25): يعني هو رمضان شهر الخير و الرحمة ..
اكو بنية بالمنتدى زعلانة مني .. دزيتلها اوف لاين على الايميل باركتلها برمضان .. و كتلها ماكو داعي للزعل .. بس ما ردت عليه .. بعدين اكتشفت انو هي مغيرة ايميلها :s(25): بس اني عند نفسي مسامحها عن كولشي .. و البقية عليها .. المهم صيامي ينقبل هسه :s(25):

3- هل انت من متابعين برامج رمضان التلفزيونيه
اني هسه ما اتابع مسلسلات .. اتابع بس البرامج .. انتظر امي و اختي على يا مسلسل يثبتون و تعجبهم .. اتابعها وياهم و اكوللهم يسولفولي شنو صار بيها من البداية :D

4- ماكلتك المفضله في رمضان
المي :s(25):
التمن و الدجاج .. و الموطا ههههه

5- هسه اذا كتلك اسويلك طبق حلويات شتختار
ما احب الحلويات .. يعني ما احب الزلابيا و البقلاوه .. احب النساتل .. اذا تريدين اتسوين براسي فضل :s(25): جيبيلي marse

شنو هاي طفوله الي اعرفها لو مو هي .. يابه اذا الصيام هيج يسوي بيج لعد ابقي طول العمر صايمة هههه شنو صايرة حبابة ههههه
و رمضان كريم على الجميع .. و بأنتظار المارس :s(25):

[دلع روحي]

الســــــــــــــــــلام عليكم


ياهـــــــــــلا يا جثيــــــــــــــر الهــــــــــــــلا بــــــــ حسوني

اكـــــــــــــتول انتم سويتوا اللقاء بس مكلتم شمسويله فطور:002:


1: انت هسة بدعوة للفطور منو تختار يكون وياك جالس بالفطور:icecream:
2: شعورك وانت طاب للامتحان من مسكت الورقة شفكرة اولا (اقصد بعيد عن لاجوبة الورقه)
هل تخلت اشخاص هل هناك من يحرص على انو تدرس وتفرحه هذا القصد
3:من تفتح اميلك منو تتمنى يكون موجود بالقائمة حتى تسولف وياه؟؟ وشنو السبب
4:أمنية يتمناها حسوني ؟؟
5: وردة وحده عندك المن تهديها؟؟
6:احلى صورة عندك بالحاسبة شنو هي؟؟:s(21):
7:لو نفرض بحوزتك خاتم المن تهديه(تختار عضوة,تختار شخصية عامة)
8:احلى عضو شفته لحد لان
9:احلى عضوة شفتها لحد لان برئيك(لتكول مشايف هــــــــــــا):frocket:


تحيـــــــــــــــــاتي الك ورده:Rose:

[حسوني]

هلا والله بالضيف

هلا والله بمن جا
شلونك اخبارك ان شاء الله تمام
الله يساعدك لان مشتاقه اليوم حالفه تسال مليون سؤال من كثر مفرحانه بيك نست تسال اهم الاسئله
يلا هسه اني اسالك بس لتضوج اوكي
كل همنا رضاكم ياضيوفنا




* الاسم شنو اسمك حسوني
* العمر شكد عمرك بلا زحمه
* الهوايه شنو
* تاريخ ميلادك بالهجري اريده :h035:لان بالميلادي نعرفه
وتاريخك بالميلادي حتى لا تتعب وتكبه 18/6/1987
مو صح :s(25)::s(25):
* ترتيبك بالعائله اخر واحد لو الاول يعني بين اخوتك او اقصد اختك
*السكن البصره الفيحاء وين بالضبط :s(25):
وبس




على كد الاجابات الفطور راح يكون منوع اذا اتجاوب بكلمات قليله جوز صنف واحد من الاكل تشوف ويجوز حتى صنف ماكو بس تمر ههه




مية هلا بروزا .. اهلا بيج .. اني اخباري عادية كالعادة انتي شلونج اخبارج شمسوية ممسوية على الافطار :s(5):
هي مشتاقة تأمر و تدلل .. الف هلا بيها و بالجميع ..
روزا اكو واحد يضوج من اخته شلون حجي هذا .. انتي بس ديربالج علينا بالاكلات الشهية و شوفيني شلون ابدع وياج هسه :s(25):

الاسم الحقيقي الموجود بشهادة الجنسية و بالهويه حسن علي محمد .. شلون اسم مو يخبل بلا ؟ الي يشوفه يقراه عبالك داخل بجامع :s(25):


العمر .. العلم عند الله روزا ههههه بس الي فات من عمري 20 سنة
الهوايه .. الاكل هههههههه ، و الله روز هوايه عندي هوايات .. بس اكثر شي يمكن قراءة الكتب و القصص و الروايات ..

بالهجري هههه شنو يابه ليش احنه بيا سنة هجرية هسه :s(25): و بالميلادي حافظته انتي ما شاء الله ، صلو على محمد :s(5):

ترتيبي هههه اني طول عمري مخربط شوكت اترتب ما ادري :s(25): بس اذا مصرّة اتعرفين الجواب فآني اخر العنقود
لان ما عندي اخوان .. هي اخت وحدة و اكبر مني و مسجلة بالمنتدى همينة و اسمها منال مشرفة قسم الديكور ههههه

روزا شنو ترى اني خوش ولد و ممسوي شي شنو اتريدين اتعلسيني :46: :s(25):
بس وليهمج .. اني البصرة/الجزائر / شارع 14 تموز / بالقرب من جامع العبايجي ..
يعني اخاف تجين للبصرة .. اخذي تكسي و كوليله عمو وديني يم جامع العبايجي .. و من تنزلين صيحي حسوني
و اتشوفيني كبالج واكف .. سبحان الله :s(25):


و مشكورة على الاستضافة و رمضان كريم عليج .. :Rose:

[حسوني]

مساء الخير حسوني ومساء الخير عليكم يابنات مشتاقه وروزه وطفوله شلونكم
هسه اليوم اج دور حسوني راح اساللك كم سؤال وننتظر مشاركتك
وصدك اني مهنيتك البارحه لان مشفتك كل عام وانت بخير ورمضان كريم عليك حبي
وهسه نبدي بالاسئله

مساء النور حبيبي كيمر عرب .. رمضان كريم عليك و على الجميع و ربي يعيده عليك بالخير و الامان
،، وصح اني صار فترة مشغول و حتى دردشة ما ادخل حتى اشوفك ..
بس ان شاء الله الايام الجاية اكدر افوت حتى لو 10 ساعات باليوم :p

1. اسمك وهواياتك
اسمي ذكرته .. و اذكره هسه .. حسن علي محمد حسين ههههه

2. شنو اكثر موقف صار بيك وفرحك برمضان الي الفات ؟؟
الي فات :s(1):و الله ما اتذكر .. بس اتذكر جنت بعدني جديد بالمنتدى يعني مصار شهرين من مسجل
و جان المنتدى القديم يخبل برمضان ..

3.انت كبير اخوتك وكم اخ عندك ؟؟
لا اني صغيرون اخوتي و عندي اخت وحدة و اكبر مني ..

4. انت ببغداد حاليا لو وين ؟؟ اذا مو ببغداد سبب سفرك شنو وشوكت ؟؟
اني حاليا بالبصرة .. و انولدت بالبصرة و عشت بيها .. يعني بصراوي للنخاع :p

5. اذا خيروك بامنيه تتمناها هسه شنو تتمنى ؟؟
اتمنى تتحسن اوضاع العراق حتى نكدر انسافر لبقية المحافظات و التقي بالاعضاء اصدقائي ..

6.اقرب انسان اللك منو ؟؟؟
امي ..

7. منو من الاعضاء مميز عندك وتحب تحجي وياه ؟؟؟
الله اكو هوايه اعضاء مميزين ..
و احب احجي ويه الكل ..

8. شنو رايك بالاعضاء

مشتاقه يابغداد
بنت ديالى الجريحه
ابن الانبار الوفي
كوكو كارثه
فله
يوسف التكريتي
لؤلؤه بغداد

ما شاء الله عليك كيمر .. الاعضاء الي اختاريتهم كلهم مميزين و يخبلون ..
الصراحة و بدون دبلوماسية .. الي ذكرت اسماءهم انت هنا كلهم احبهم و اقدرهم ..

9. اتمنى ما اكون طولت عليك بالاسئله شنو فطورك اليوم وشسحرت ؟؟
فطوري ثابت .. ستندر يعني هههه دجاج و تمن و شوربة و كباب و لبن ..
اتسحرت كباب و شوربة و زلاطة ..

وشكرا اللك اخ حسوني ودمت في تميز ورمضان كريم عليك مره ثانيه وكل عام وانت بالف خير
و انت بألف خير حبيبي كيمر و رمضان كريم عليك و مشكور على استضافتك الحلوة ..
بس هسه اني متت جوع و حتى ريحة اكل ماكو :s(15):
bye

[حسوني]

الســــــــــــــــــلام عليكم
و عليكم السلام و الرحمة .. مية هلا ..
ياهـــــــــــلا يا جثيــــــــــــــر الهــــــــــــــلا بــــــــ حسوني
هلا بيج دلوعة ..
اكـــــــــــــتول انتم سويتوا اللقاء بس مكلتم شمسويله فطور:002:
اي مو شلون يريدون يخلوني اعصب :frocket:

1: انت هسة بدعوة للفطور منو تختار يكون وياك جالس بالفطور:icecream:
اختار كل اصدقائي .. بالبصرة و بالمنتدى و يصير فطور جماعي

2: شعورك وانت طاب للامتحان من مسكت الورقة شفكرة اولا (اقصد بعيد عن لاجوبة الورقه)
هل تخلت اشخاص هل هناك من يحرص على انو تدرس وتفرحه هذا القصد
فكرت كلت اليوم لازم اجاوب .. قريت آيه الكرسي 3 مرات ..و بديت احل بس بعدين من خلصت جواب .. اتذكرت هوايه ناس كانت تدعيلي انجح ..
امي الغالية .. و دعوات الناس الي اتحبني و الي انتي منهم دلع ..

3:من تفتح اميلك منو تتمنى يكون موجود بالقائمة حتى تسولف وياه؟؟ وشنو السبب
اتمنى اشوفج انتي .. السبب لان صارلي 20 سنة وياج غير صديقتي هههه
4:أمنية يتمناها حسوني ؟؟
اتمنى تتحسن اوضاع العراق ..
5: وردة وحده عندك المن تهديها؟؟
اهديها لأمي لان دتعب بالشغل .. و هي صايمه و مريضة اسم الله عليكم بالقلب ..
6:احلى صورة عندك بالحاسبة شنو هي؟؟:s(21):
هههههه دلع .. قبل فترة فرمتت الحاسبة و مبقت عندي صور بيها ..
بس حاليا احلى صورة هي صورتي ههههه
7:لو نفرض بحوزتك خاتم المن تهديه(تختار عضوة,تختار شخصية عامة)
خاتم اهديه لأنسانة عزيزة على قلبي .. شخصية عامة لأختي ..

8:احلى عضو شفته لحد لان
الجمال جمال الروح ..
بس اذا مصرّة اتعرفين الجواب ..
مصطفى البغدادي وسيم كولش ..

9:احلى عضوة شفتها لحد لان برئيك(لتكول مشايف هــــــــــــا):frocket:
يابه انتي دلع روحي اتخبلين ..

تحيـــــــــــــــــاتي الك ورده:Rose:


شكرا على الاسئلة الحلوة عيوني ..

[احلى عراقية]

هلو حسوني
شلونك؟
رمضان كريم
اليوم جايبتلك اسئلة قليلة كولش
يلا نبدي:_

– اكثر شي تكرهة بالانسان ؟
– اكثر شي تحبة بالانسان ؟
– كم صديق لك بمعنى الصديق الذي يعرف كل اسرارك و ترتاح له ؟
– دفرة المن تدفر ؟
– بوسة المن تبوس ؟
– هل تُحب او هل تحبين ؟
– اكثر مقولة تحبهة ؟
– رقم حظك ؟
– اي يوم من ايام الاسبوع تفضل ؟
– لونك المفضل ؟
– برجك ؟
– هل تتمنى لو انك لم تخلق في العراق ... و في اي دولة تتمنلا انك لو خلقت ؟
– عندك موبايل لو لأ ؟ و خطك شنوة ( اسيا سيل – اثير – عراقنا – كورك – ثريا ) ؟
_منو تحب من الاعضاء؟

[حسوني]

هلو حسوني
شلونك؟
رمضان كريم
اليوم جايبتلك اسئلة قليلة كولش
يلا نبدي:_

اهلا احلى عراقية ، اني الحمد لله .. رمضان كريم على الجميع ..:Rose:

– اكثر شي تكرهة بالانسان ؟
الكذب و النفاق ..
– اكثر شي تحبة بالانسان ؟
الصدق و الوفاء ..
– كم صديق لك بمعنى الصديق الذي يعرف كل اسرارك و ترتاح له ؟
عندي 4 .. اثنين بالبصرة و اثنين بالنت ..

– دفرة المن تدفر ؟
للشيطان هههه
– بوسة المن تبوس ؟
امي .. :s(6):
– هل تُحب او هل تحبين ؟
تحبين شلون هههه .. لا ما احب و لا احبين هههه
– اكثر مقولة تحبهة ؟
اذا كان الكلام من فضة فالسكوت من ذهب ..
– رقم حظك ؟
ما ادري .. شويه ما اعتقد بهيج شغلات ..
– اي يوم من ايام الاسبوع تفضل ؟
الاحد ..
– لونك المفضل ؟
الازرق الفاتح .. لون السماء لحظة شروق الشمس ..
– برجك ؟
الجوزاء ..
– هل تتمنى لو انك لم تخلق في العراق ... و في اي دولة تتمنلا انك لو خلقت ؟
صراحة طبعاً .. اني احب العراق لانه وطني ..
بس كنت اتمنى اعيش بدولة اكثر حرية .. مثل فرنسا ..
– عندك موبايل لو لأ ؟ و خطك شنوة ( اسيا سيل – اثير – عراقنا – كورك – ثريا ) ؟
عندي موبايل .. و خطي اثير .. اكثر شي استخدمه ..
_منو تحب من الاعضاء؟
كل الاعضاء ..

شكرا احلى عراقية ..

[حســــن كــــرادة]

السلام عليكم منور حبي حسوني انشاء الله اكون خفيف بأسألتي ما اضوجك

اول سؤال اقربعضو الك منو واقرب عضوة الك منو


السؤال الثاني اي اغنية تحبهة وتموت عليهة


السؤال الثالث انتة هم عصبي


السؤال الرابع منو اول واحد تعايدة بالعيد


تقبل مروري واسألتي اخوك حسن كرادة

[حسوني]

السلام عليكم منور حبي حسوني انشاء الله اكون خفيف بأسألتي ما اضوجك
هلا بيك حبيبي حسن كرادة ، النور نورك حبي و كل عام و انت بخير ..

اول سؤال اقرب عضو الك منو واقرب عضوة الك منو
الكل قريبين ..

السؤال الثاني اي اغنية تحبهة وتموت عليهة
و الله ما اتذكر .. بس يمكن كاظم الساهر اكثر شي احب اغانيه ..

السؤال الثالث انتة هم عصبي
اي عصبي شويه ..

السؤال الرابع منو اول واحد تعايدة بالعيد
امي ..

تقبل مروري واسألتي اخوك حسن كرادة
يا هلا بيك حسن ..

[tammy1]

سلام حسوني...
رمضان كريم على الجميع..

1 أربعة عصافير على شجرة. جاء صياد و ضرب سهما فأصاب عصفورا .فكم عصفورا سيبقى على الشجرة؟

2 ارى كل شيء من دون عيون فمن أكون ؟

3 ما هو الشيء الذي يقرصك ولا تراه ؟

4 اسم نبي إذا غيرنا حرفا منه أصبح اسم دولة عربية ؟
http://y1y1.net/getimg.php?image=3188 (http://y1y1.net/getlink.php?id=3188)

[roza]

عدناااااااااااااااااا من جديد
اي حسوني مخليت اكله تخطر بالك مكلتها
بس لا جديات مكلت شتريد فطور
هم تمن بس التمن شلون احمر اخضر اصفر بس تريد تمن هاي هيه
والكباب مليون طريقه اله اي نوع
والشوربه هم مليون شوربه اكو
والله اللبن هوه واحد ماكو غير
حتى مشتاقه تطبخ ولو مضل وقت
**هسه سولفنا اول مره صمت رمضان شكد عمرك وشنو سويت كعدت بالمطبخ تعد الساعات لو شنو ؟
**الله يخليك منال ليش ماكو ليش متسال شنو ملتهيه تساعد الوالده الله يخليها
***موقف طريف جدا جدا جدا صار بحياتك وبرمضان بالذات شنو ؟
وبس بعد الفطور اكمل
باي هسه

[حسوني]

سلام حسوني...
رمضان كريم على الجميع..
سلامين .. رمضان كريم و كل عام و انتي بخير ..

1 أربعة عصافير على شجرة. جاء صياد و ضرب سهما فأصاب عصفورا .فكم عصفورا سيبقى على الشجرة؟
هو اذا يجي يضرب سهم يا عصفور زوج يبقى ههههه كلها درب الفلته هههه .. يعني ماكو احد يبقى ..

2 ارى كل شيء من دون عيون فمن أكون ؟
ما ادري هههه يعني مثلا القلب يشوف كولشي و يحس بكل شي بس معنده عيون ؟

3 ما هو الشيء الذي يقرصك ولا تراه ؟
الجوع .. آآآآخ بطني هههه

4 اسم نبي إذا غيرنا حرفا منه أصبح اسم دولة عربية ؟
النبي يونس علسه السلام .. يصير تونس ..

شنو هالاسئلة الحلوة هاي هههه .. شكرا عيني ..

[حسوني]

عدناااااااااااااااااا من جديد
مية هلا ..
اي حسوني مخليت اكله تخطر بالك مكلتها
ههههه اي لعد على شنو رمضان :(29):
بس لا جديات مكلت شتريد فطور
هم تمن بس التمن شلون احمر اخضر اصفر بس تريد تمن هاي هيه
اريد دولمة من ايدج روزا .. و وياها لبن .. بس الدولمة اريد بيها دهن هوايه .. و ما احبها حلوة مثل الدولمة البصراوية .. اريدها حامضة ..
و اللبن احبه مالح .. :s:
و التمن الاحمر ما احبه :p

والكباب مليون طريقه اله اي نوع
دقيقة خلي اسأل امي .. :s(25):
اهاااا روزا امي اتسلم عليج و تكول هاي مواصفاتها ..
بصل مفروم .. كرفس .. و بتيته مبروشه .. حبة طماطة .. بهارات كباب و شويه ملح و لحم و بعدين اتخلي عليه طحين و يصير عجينه و اخر شي ينقلي ..

والشوربه هم مليون شوربه اكو
الشوربة مال عدس .. يعني تسلق العدس و بعدين اتحمسه و اتخلي عليه كركم و نومي بصرة .. و بعدين شعرية شويه و مي .. و تستوي :s:

والله اللبن هوه واحد ماكو غير
اللبن اريده مالح .. بس امي اتسويه ما بي ملح هوايه لان ضغطها مرتفع ..
بس اني اللبن مالتي وحدي ..

حتى مشتاقه تطبخ ولو مضل وقت
لا عادي فطرت ههههه الف عافية الي و الكم همينة على كولتهم افطار شهي:(29):
**هسه سولفنا اول مره صمت رمضان شكد عمرك وشنو سويت كعدت بالمطبخ تعد الساعات لو شنو ؟
اول مرة صمت رمضان .. اتذكر قبل 3 سنوات صمته كله 30 يوم ..
بس بوقتها محسيت بعطش و لا جوع .. لان اول يوم جان برمضان جنت بالمدرسة و لعبنا طوبة الظهر .. رجعت للبيت اني و الميت سويه .. بس ما فطرت .. يمكن على الشي الي شفته بهذا اليوم بعد محسيت بطعم العطش رمضان كله هههه صارت عندي مناعة ..
رمضان الي بعد اول رمضان صمته .. ما كدرت اصومه .. ما ادري ليش
جنت اداوم اول سنة كلية و الكلية مالتنا بعيدة عن مركز البصرة .. يعني بالسيارة 45 دقيقة يلا نوصل .. و هناك تعب محاضرات و الجو حار .. يعني حاولت اصوم بس مكدرت ..
رمضان الفات صمته و هذا ان شاء الله اصومه ..

**الله يخليك منال ليش ماكو ليش متسال شنو ملتهيه تساعد الوالده الله يخليها
منال ههههه شنو تسأل ؟ خليها دايخه بالمنتديات .. لان هي مشرفة بهذا المنتدى و مشرفة عامة بغير منتدى و مشرفة على الاقسام العامة بغير منتدى ههههه :crazy2:
***موقف طريف جدا جدا جدا صار بحياتك وبرمضان بالذات شنو ؟
هههههه هاي من جنت صغير .. بس مو كلش صغير يعني قبل 5 سنوات يمكن .. جانو اهلي يصومون بالبيت بس اني ما اصوم .. جنت اشوف امي مشغولة و تعبانه من الشغل .. اروح اشتري النستلة الي هي اتحبها و اجي اقدملها هههه هاي مال خباثة .. خطية هيي تنسى انو هي صايمة و تاكل ههههه بعد ما اشوفها اكلت خلاص و كملت اذكرها .. اكوللها لعد انتي مو صايمه ههههه ؟؟ خطية تنقهر هههه من يجي ابويه تشكيلة اتكوله اليوم حسن هيج سوه بيه هههه هو يصير عصبي بس يكوللها عادي لان انتي متدرين من اكلتي ..
مرة جان هو كاعد جاي من الشغل تعبان .. استغليت الفرصة و رحت جبتله كلاص مي مجرّش ههههه كتله هذا مي متريد ؟ كلت اني اذا عبرت فبها .. ما عبرت فهي كتلة وحدة بالعمر ههههه اشو اخذه مني المي و شربه ههههه بعدين ذكرته كتله لعد انت شلون صايم هههههه خطية بعد ما حجه :s(25):
بس هسه لا كبرنا على هاي الشغلات ههههه

وبس بعد الفطور اكمل
باي هسه

اوكي روزا بأنتظاركم اني ..

[احلى عراقية]

– هل تُحب او هل تحبين ؟[/SIZE][/COLOR]
تحبين شلون هههه .. لا ما احب و لا احبين هههه

[SIZE="5"]ههههههههههههه
والله اسفة نسيت اعدله
يلا ميخالف وهاي همينا جم سؤال
هههههههههه مو اريد اصير مذيعة
تفضل

ماذا تتمنى ان تصبح مستقبلا ؟
– اكثر درس تحبة ؟
– اكثر درس تكرهة ؟
– هواياتك ؟
– لمن تطفة الكهرباء شلون تكضيه وقتك ؟
– اكثر كتاب قاريه و عاجبك ؟
– امثر قناة تلفزيونية تعجبك ؟ و اكثر موقع انترنت يعجبك ؟
- اكثر مكان تحب تروحلة ؟
– اكثر مغني و مغنية عرب تحب ؟
- اكثر مغني و مغنية اجانب تحب ؟
– اكثر ممثل و ممثلة تحبهم ؟
– اكثر اغنية تحبهة ( رومانسية و رداحية ) ؟
– منو اكثر شخص تتمنى تكون انت بمكانة ؟ و ليش ؟
- اكثر عضو و مشرف تحب ؟
– اكثر عضو و مشرف تكرهة ؟
– كم ساعة تنام باليوم ؟
- كلمة اخيرة ؟

[حسوني]

– هل تُحب او هل تحبين ؟
تحبين شلون هههه .. لا ما احب و لا احبين هههه

ههههههههههههه
والله اسفة نسيت اعدله
يلا ميخالف وهاي همينا جم سؤال
هههههههههه مو اريد اصير مذيعة
تفضل
اي لا عادي اتصير هاي الاخطاء هههه

ماذا تتمنى ان تصبح مستقبلا ؟
يعني اني هسه طالب هندسة .. من اكبر اتمنى اصير مهندس كبير ..

– اكثر درس تحبة ؟
الفيزياء و اللغة العربية سابقاً ..
حاليا احب المكانيك .. هو يشبه الفيزياء مال السادس الاعدادي .. يدرس القوة و تأثيرها على الاجسام
و قوانين نيوتن .. بس بشكل موسّع ..

– اكثر درس تكرهة ؟
الانكليزي ما ارتاحله سابقاً ..
هسه ما احب مقاومة المواد .. تدرس تأثير الاحمال الموضوعه على العوارض ( Beams )
و شنو الاجهادات الي تسببها بالعارضة ..

– هواياتك ؟
نكدر انكول قراءة القصص و الروايات ..

– لمن تطفة الكهرباء شلون تكضيه وقتك ؟
ليش تطفه هههه لعد المولدات المن مخليها ؟ 3 مولدات هههه يعني ما تطفه الكهرباء :s(22):
بس اذا صارت .. يعني هوايه اشياء عندي .. اكعد اقره رواية .. او اكتب خاطرة .. او ابدل و اطلع
يعني ما عندي وقت صفنات هههه

– اكثر كتاب قاريه و عاجبك ؟
رواية محمد الماغوط .. الحقيقة بعدني ممكملها للنهاية .. اسمها (الارجوحة) صدرت طبعتها الاولى سنة 1991 .. ان شاء الله بعد يومين انزلها بالمنتدى .. تحجي عن قصة حب بين شاب و بنت و مشكلات المجتمع الشرقي الي نعرفه ..

– اكثر قناة تلفزيونية تعجبك ؟ و اكثر موقع انترنت يعجبك ؟
اكثر قناة .. الجزيرة الرياضية .. mbc2 ... و اكثر موقع هو موقع العراق ..

- اكثر مكان تحب تروحلة ؟
اذا داخل البصرة فهو شط العرب .. و اذا خارج البصرة احب اروح للشمال .. و اذا خارج الوطن اروح لفرنسا ..

– اكثر مغني و مغنية عرب تحب ؟
مغني .. كاظم الساهر ، مغنية .. شيرين عبد الوهاب

- اكثر مغني و مغنية اجانب تحب ؟
مغني ديمس روسس قديم شويه بس اغانيه كلها هادئة و رومانسية ..و هو اسطورة ..
مغنية سيلين ديون ..

– اكثر ممثل و ممثلة تحبهم ؟
ممثل .. عادل امام ، ممثلة .. مي عز الدين ..

– اكثر اغنية تحبهة ( رومانسية و رداحية ) ؟
رومانسية .. احب اغنية مدرسة الحب ( كاظم الساهر ) .. بس مو اكثر اغنية لان ما عندي اكثر اغنية احبها ، بس هي من الاغاني الي دائما اسمعها .. مع انو اني اميل للموسيقى اكثر .. و احب اسمع موسيقى ياني ( yanni )
الردح ما احب اي اغنية ..

– منو اكثر شخص تتمنى تكون انت بمكانة ؟ و ليش ؟
الحقيقة ما ادري .. يعني هسه اني بالمكان المناسب ..
بس اوقات من اشوف انسان عزيز عليه متأذي .. اتمنى اكون بمكانه و اشيل عنه الاذى ..

- اكثر عضو و مشرف تحب ؟
احب الكل ..

– اكثر عضو و مشرف تكرهة ؟
ماكو كره .. احنه عائلة و اني احب الكل ..

– كم ساعة تنام باليوم ؟
ما عندي جدول محدد .. برمضان انام من 6 الى 7 ساعات ..

- كلمة اخيرة ؟
رمضان كريم على الجميع .. و شكرا على الاسئلة احلى عراقية ..

[:*:*FULA*:*:]

مساء الخير حسوني ورمضــــــــــــــــــان الخيــــــــــــر عليــــــــــــــك يارب

عندي الك كم سؤال ان شاء الله يصيرلك وقت تجاوبني

. ماذا يعني لك شهر رمضان؟


هل تذهب للمسجد لأداء صلاة التراويح ؟



. هل تتسحر سحورا ثقيلا أم خفيفا .. وما هو آخر شي تشربه أو تأكله قبل الإمساك؟


كم جزء من القرآن الكريم تقرأ يوميا في رمضان وهل تنوي ختم القرآن الكريم ؟


كيف تقضي وقتك بعد الإفطار ؟



. كم ساعة تنام في رمضان ؟



ما هي أكلتك المفضلة في رمضان؟



ما هي الحلويات المفضلة لديك في رمضان؟



ما هو أكثر شي يتعبك في رمضان؟


. هل تتغيب كثيراً الجامعه في رمضان؟؟


تحياتي الك

[أمير الدلع]

http://www4.0zz0.com/2007/09/12/16/56930585.gif

حسووني شلونك حبي ومشتاقين ممكن شكم سؤال بس بدوون ترك .:p
1. ماذا تعني لك : الحب في زمن القسوة؟
ماذا تعني لك هذه الكلمات ؟
1. ايام الطفولة
2. الشقاوة
3. القسوة
4. غدر الحبيب
2. اقووى موقف مر بحسوني وكان صعب عليه ؟
3. أختر منصب قيادي محلي وعالمي وماهي التغيرات التي ستجريها ؟؟
4.الحياة كما تعلم تئن بالاوجاع والمناظر المؤلمه ....متى يتألم حسووني ؟؟
5. حكمتك في الحياه وتؤمن بها كثيرا ؟
تحياتي الك ويارب ماكنت ثقلت باسئلتي ويارب التوفيق .

[roza]

عدناااااااااااااااااا من جديد
مية هلا ..
اي حسوني مخليت اكله تخطر بالك مكلتها
ههههه اي لعد على شنو رمضان :(29):
بس لا جديات مكلت شتريد فطور
هم تمن بس التمن شلون احمر اخضر اصفر بس تريد تمن هاي هيه
اريد دولمة من ايدج روزا .. و وياها لبن .. بس الدولمة اريد بيها دهن هوايه .. و ما احبها حلوة مثل الدولمة البصراوية .. اريدها حامضة ..
و اللبن احبه مالح .. :s:
و التمن الاحمر ما احبه :p

والكباب مليون طريقه اله اي نوع
دقيقة خلي اسأل امي .. :s(25):
اهاااا روزا امي اتسلم عليج و تكول هاي مواصفاتها ..
بصل مفروم .. كرفس .. و بتيته مبروشه .. حبة طماطة .. بهارات كباب و شويه ملح و لحم و بعدين اتخلي عليه طحين و يصير عجينه و اخر شي ينقلي ..

والشوربه هم مليون شوربه اكو
الشوربة مال عدس .. يعني تسلق العدس و بعدين اتحمسه و اتخلي عليه كركم و نومي بصرة .. و بعدين شعرية شويه و مي .. و تستوي :s:

والله اللبن هوه واحد ماكو غير
اللبن اريده مالح .. بس امي اتسويه ما بي ملح هوايه لان ضغطها مرتفع ..
بس اني اللبن مالتي وحدي ..

حتى مشتاقه تطبخ ولو مضل وقت
لا عادي فطرت ههههه الف عافية الي و الكم همينة على كولتهم افطار شهي:(29):
**هسه سولفنا اول مره صمت رمضان شكد عمرك وشنو سويت كعدت بالمطبخ تعد الساعات لو شنو ؟
اول مرة صمت رمضان .. اتذكر قبل 3 سنوات صمته كله 30 يوم ..
بس بوقتها محسيت بعطش و لا جوع .. لان اول يوم جان برمضان جنت بالمدرسة و لعبنا طوبة الظهر .. رجعت للبيت اني و الميت سويه .. بس ما فطرت .. يمكن على الشي الي شفته بهذا اليوم بعد محسيت بطعم العطش رمضان كله هههه صارت عندي مناعة ..
رمضان الي بعد اول رمضان صمته .. ما كدرت اصومه .. ما ادري ليش
جنت اداوم اول سنة كلية و الكلية مالتنا بعيدة عن مركز البصرة .. يعني بالسيارة 45 دقيقة يلا نوصل .. و هناك تعب محاضرات و الجو حار .. يعني حاولت اصوم بس مكدرت ..
رمضان الفات صمته و هذا ان شاء الله اصومه ..

**الله يخليك منال ليش ماكو ليش متسال شنو ملتهيه تساعد الوالده الله يخليها
منال ههههه شنو تسأل ؟ خليها دايخه بالمنتديات .. لان هي مشرفة بهذا المنتدى و مشرفة عامة بغير منتدى و مشرفة على الاقسام العامة بغير منتدى ههههه :crazy2:
***موقف طريف جدا جدا جدا صار بحياتك وبرمضان بالذات شنو ؟
هههههه هاي من جنت صغير .. بس مو كلش صغير يعني قبل 5 سنوات يمكن .. جانو اهلي يصومون بالبيت بس اني ما اصوم .. جنت اشوف امي مشغولة و تعبانه من الشغل .. اروح اشتري النستلة الي هي اتحبها و اجي اقدملها هههه هاي مال خباثة .. خطية هيي تنسى انو هي صايمة و تاكل ههههه بعد ما اشوفها اكلت خلاص و كملت اذكرها .. اكوللها لعد انتي مو صايمه ههههه ؟؟ خطية تنقهر هههه من يجي ابويه تشكيلة اتكوله اليوم حسن هيج سوه بيه هههه هو يصير عصبي بس يكوللها عادي لان انتي متدرين من اكلتي ..
مرة جان هو كاعد جاي من الشغل تعبان .. استغليت الفرصة و رحت جبتله كلاص مي مجرّش ههههه كتله هذا مي متريد ؟ كلت اني اذا عبرت فبها .. ما عبرت فهي كتلة وحدة بالعمر ههههه اشو اخذه مني المي و شربه ههههه بعدين ذكرته كتله لعد انت شلون صايم هههههه خطية بعد ما حجه :s(25):
بس هسه لا كبرنا على هاي الشغلات ههههه

وبس بعد الفطور اكمل
باي هسه

اوكي روزا بأنتظاركم اني ..


شكرا حسوني على الاجوبه وعلى الشرح الحلو لاكل وراح اطبخه بس بيتنا مو بالبرنامج ههههههههه
زين هسه خلص الفطور وفطرت ان شاء الله من نسوي لقاء مع منال نعزمك واسوي دولمه ههههههههههه
بس اذا مو طيبه متحجي وتكلها كلها وسلملي على امك والله يساعدها على مقالبك الطريفه جدا
وان شاء الله السنه اتصوم رمضان كله عبالي راح تكول عمري 5 سنوات من صمت اول مره

[حسوني]

مساء الخير حسوني ورمضــــــــــــــــــان الخيــــــــــــر عليــــــــــــــك يارب
مساء النور فلة الوردة .. رمضان كريم على الجميع و كل عام و انتي بخير ..

عندي الك كم سؤال ان شاء الله يصيرلك وقت تجاوبني
لا عادي عندي وقت .. بس يجوز هسه بعد ساعتين يفصل الخط و ميجي الا الصبح ..

. ماذا يعني لك شهر رمضان؟
شهر التقرب من الله سبحانه .. شهر التسامح .. الحقيقة بشهر رمضان احس بنفسي مرتاح نفسياً .. و مستقر .. اضافة الى انو برمضان ما احس بالفراغ ..

هل تذهب للمسجد لأداء صلاة التراويح ؟
ما اريد ادخل بتفاصيل .. لان راح اكلب طائفي هههههه بس ما اروح هههه

هل تتسحر سحورا ثقيلا أم خفيفا .. وما هو آخر شي تشربه أو تأكله قبل الإمساك؟
اي وسط اكلي .. يعني مو هوايه لدرجة انو اشبع .. و بنفس الوقت ما اكوم جوعان هههه فسريها انتي فله هههه
اخر شي اشرب مي .. و يجوز اشرب قوطية شاني .. طبعا هسه تسألون شنو هو الشاني .. الشاني مشروب الفواكه الطبيعية و هو مشروب غازي .. :s(22):

كم جزء من القرآن الكريم تقرأ يوميا في رمضان وهل تنوي ختم القرآن الكريم ؟
الحقيقة لحد الان مقريت حتى اختم .. يعني اقرأ ما تيسر من القرآن ..

كيف تقضي وقتك بعد الإفطار ؟
بعد الافطار .. اما اكعد على النت .. او اروح انام

. كم ساعة تنام في رمضان ؟
6 - 7 ساعات ..

ما هي أكلتك المفضلة في رمضان؟
تمن و دجاج .. و الدولمة بس محد يسويها الي :s(7):

ما هي الحلويات المفضلة لديك في رمضان؟
ما احب الحلويات ... احب النساتل و خصوصا الـ marse
و الباونتي همينة احبها ..

ما هو أكثر شي يتعبك في رمضان؟
لحد الان محسيت بتعب .. بس اكيد العطش في ساعات النهار الاخيرة ..

هل تتغيب كثيراً الجامعه في رمضان؟؟
لا ما اضحي بالجامعة .. يجوز ما اصوم اذا ما اكدر ..

تحياتي الك
مية هلا زونه ..

[حسوني]

http://www4.0zz0.com/2007/09/12/16/56930585.gif
و عليكم السلام و رحمة الله

حسووني شلونك حبي ومشتاقين ممكن شكم سؤال بس بدوون ترك .:p
تدلل حبي علاوي ..
1. ماذا تعني لك : الحب في زمن القسوة؟
و الله يا علاوي الحب يبقى موجود في كل الازمان و تحت كل الاوضاع ..
ماكو احد يكدر يفرض رقابة عليه ..
ماذا تعني لك هذه الكلمات ؟
1. ايام الطفولة
احلى شي بحياتي .. احلى ايام عشتها و شي خيالي كانت ..
2. الشقاوة
مرحلة ممريت بيها الحمد لله .. اني ولد ما افكر بهيج امور ..
3. القسوة
ما اكدر اكولك صفة محلوة .. لان مهما يكون الانسان يحتاج يقسو اوقات ..
حتى لو على نفسه ..
4. غدر الحبيب
ممجربة .. بس اذا صار بيوم ما اعتقد ياثر بيه لان اتعلمت بحياتي الطريق الي امشي بي اعرف شلون ارجع بي .. يعني اخلي خط رجعه ..
2. اقووى موقف مر بحسوني وكان صعب عليه ؟
موقف صار بيوم انتخابات الحكومة .. احنه بيتنا على الشارع العام .. بالشتا و الجو بارد دكو الباب علينا يكولون اكو مفخخة يم بيتنا ..
طلعنا بالليل ب 3 الفجر و كان منع تجول اني و امي و اختي و ظلينا للخمسة الفجر بالشارع .. بعدين اجت القوات البريطانية و حلو المشكلة و طلعت السيارة مو مفخة و الحمد لله .. بعدين رجعنا بسارة الشرطة للبيت الصبح ..
هذا اصعب موقف ..
3. أختر منصب قيادي محلي وعالمي وماهي التغيرات التي ستجريها ؟؟
ما اعتقد الي بالموقع احسن مني .. خبرتي بالحياة متواضعة علاوي
4.الحياة كما تعلم تئن بالاوجاع والمناظر المؤلمه ....متى يتألم حسووني ؟؟
الحقيقة علاوي الالم صار عادي بحياتنا .. حسوني مثل غيره .. اي منظر مؤلم يأثر بي ..

5. حكمتك في الحياه وتؤمن بها كثيرا ؟
اذا كان الكلام من فضة فالسكوت من ذهب ..

تحياتي الك ويارب ماكنت ثقلت باسئلتي ويارب التوفيق .
مشكور حبيبي على اسئلتك الحلوة علاوي ..

[حسوني]

شكرا حسوني على الاجوبه وعلى الشرح الحلو لاكل وراح اطبخه بس بيتنا مو بالبرنامج ههههههههه
زين هسه خلص الفطور وفطرت ان شاء الله من نسوي لقاء مع منال نعزمك واسوي دولمه ههههههههههه
بس اذا مو طيبه متحجي وتكلها كلها وسلملي على امك والله يساعدها على مقالبك الطريفه جدا
وان شاء الله السنه اتصوم رمضان كله عبالي راح تكول عمري 5 سنوات من صمت اول مره


العفو روزا .. و تدللين انتي بس سويلي دولمة و الله احبها :s(25):
اي مقالبي هيج .. روزا انتي مشايفة شي من مقالبي ههههه هاي زلاطة
حتى ابليس ميكدر عليه :(20): هههههه
اوكي يوصل سلامج .. بس بالنسبة للصيام حاولت بس ماكدرت .. لان اني كنت هوايه مدلل و اني صغير ههههه صيام شنو :s(25):

تحياتي ..