زفة عرس

[حيدر العبيدي]

رمضان كريم على كل العراقيين واهدي لهم هذه القصيده ارجو ان تنال اعجابكم.


(( الزفه))


موبدلة عرس خل يلبس العريس

لازم بالجفن لو عرس انلفه !!

خاطر مانتيهه ابساعة التشخيص

اذا مجرم تعنه وفجر الزفه

عدنه الموت وجبه وصار واقع حال

المنايه اعله الشباب ادور بلهفه

ومن كد الذبح والرعب والتفخيخ

ملك الموت خايف ينكطع جفه

جم ام بحزنهه انفجعت امن الموت

وبعده الموت بيهه ايريد يتشفه

جم دمعه انبجت جم راس خضر شيب

كل هذا الجره وللموت ماكفه

صلفه الموت عينه ومايغزر بيه

صلفه ومااوصف لوكلت صلفه

نسوان انسبت بس جلبن بثنين

بتراب العراق وشيلة العفه

مو سهله المصيبه وعدنه كلفه هواي

ولعيون العراق انكول مو كلفه

نشد عزم اليروح ومايهمنه الجاي

مابينه الجزع والكال ياوسفه

المكابر من زغر تطلبنه دين هواي

وياهه اشتركنه امن الجثث سلفه!!

مانهتم ابد نتلكه ملكه الموت

حبيب اتكول واكف منتظر ولفه

عشنه احرار احنه ونبقى دوم احرار

نموت بكاعك ومانحمل المنفه

جرحك ياوطن بس كلي يمته يطيب

ماآن الاوان وينكطع نزفه

يمته نعيش بيك ونحس احنه وياك

ويمته بحظن طيبك ياوطن ندفه

خل انموت احنه وانته حته اتعيش

يديوان العرب يالمابخل جفه

جم شاب اعله مودك ركض كض الموت

ونطاك العمر ويكول ماوفه

واذا ميتين احنه ورجع ليك الموت

تكوم اجسادنه وكبالك تجتفه

من كد مانحبك ياعراق الخير

كتبنه اسمك وشم كل واحد بجتفه

منقووووووووووووووووول

بقلـــــــــــــــــــــم الشاعر علي الملا الخزاعي

[The Night Prince]

الي الشرف ان اكون اول واحد يرد عليك و احييك على هاي القصيدة الراااااااائعة بروعة الكلمات و بروعة الوصف و بروعة كاتبها
عاشت ايدك و ننتظر المزيد من ابداعاتك
تحياتي

[محمد العراقــــــــــي]

الف شكرا اخونه اخونه الشاعر القصيده كلش حلوه ان شاء الله تكون في ميزان قصايدك الجميله وتمنى تكون شاعر معرف وتمثل شعبك الابي يارب........
تقبلوا مروري....محمد العراقي

[*الطائر الحر*عماد خليل]

اقف اجلالاً واكباراً على هاي الكلمات الرائعة
الي ما تنوصف
عاشت الانامل التي كتبت وسطرة وعاش العقل الذي فكر
بارك الله بك اخي العزيز ويستر عليك امين يا رب
تقبل مروري وردي المتواضع

[ابوعبدالقادر]

تسلم يا حيدر على هذه الكلمات الي تعجز الكلمات عن وصفها واتمنالك الموفقية

[انمار علي الدليمي]

كلمات رائعه وجميله ... عاشت ايدك اذا كانت القصيده من كلمات حضرتك ...
والنا الشرف ان تكون قصيدتك من القصائد المشاركه بالقصيده الوطنيه..
انمـــــــــــار

[بنت ديالى]

والله تعجز الكلمات عن الوصف
كلللللللللللللش حلوووووووو
تقبل مروري مع تمنياتي بالتوفيق

[حيدر العبيدي]

السلام عليكم اخوتي واخواتي الاعزاء
اشكركم على هذه المشاعر الجياشه واعاهدكم ان اكون عند حسن ضنكم مع حبي واعتزازي بكم
الشاعر الشعبي
حيدر العبيدي

[eye green]

وعليكم السلام
تسلم خيو عل القصيده الاكثر من رااااااااااااااااائعه
واتمنالك المزيد من التألق انشاء الله

[نور البدر]

الى الشاعر حيدر العبيدي مع التحية

كالو وصلنه الفرح والناس راحت ركض
بيهم تحفه وركض ماخذه طول بعر ض
بيهم وصل ماوصل ونكطع دك النبض
وأولهم أنا ركضت مديت أديه أرد أكض
لن بيدي لوحت مكتوبه بس للعرض


رديت بس الفشل للناس اوزع وفض
وينضح جبيني عرك بس ياعرك لو اخض
تطفح الغيره زبد ولساني يلمظ لمظ
وأرجف رجف محترك مدري شيكون اللفظ
مليت طك الصبر وحشه وظلام وحمظ ( الحمظ بنات صحراوي كثيف )
وأسمع سمع بالفرح وعيوني تربي ولحظ
مر وشتمر سجتي وظل حملي كلش بهض
بعيوني نام وعفه وبضلوعي دك ويرض
لاني أنثنيت وطحت لابيدي واعلن رفض
مرفوض كلمن فرض وبحجيه راد اتعض
وشما غبارك كثر ياوكتي ما ايست ونفظ غبارك نفض

تحياتي نور بدر

[حيدر العبيدي]

الى نور بدر مع التمني

لا نبقه نسمع كال وكلت وهذا شحجه وذاك شكال
شفتي انتي التحفه وركض تراه الجوي كلها اشكال
والما وصلني تره صار بيه اشـــــــــــــــــــــــــــكال
الوصلت ليه بعجل بس انتــــــــــي
مشكلتي جانت تره يانور بس انتي
تختلف عنج بشر ياحبيبه بس انتي
مجموع بيج الوفه والطبي منها اشـــــــــــــــــــــكال



العبيدي

[Al Jackal]

شكرااااااااااااااا جزيلالالالالالالالالالالالالالالالا

[حيدر العبيدي]

السيد رئيس المنتدى
قام احد الاشخاص بسرقة اسمي وكلمة المرور وقام بكتابة هذه الكلمات الرديئه يرجى العلم وحذفها وشكرا
الشاعر
حيدر العبيدي

[ساسوكي الصابئة]

شكر لك اخي الغالي على هذه الكلمات الجميلة والرائعة يعطيك العافية

[حيدر العبيدي]

شكرا الى الاخ نموري وانا ملتزم بتعليماتك واشكرك مره اخرى
حيدر العبيدي

[فراشة كركوك]

مشمووووووووووووووووور حيدر دائما مميز باشعارك وربي تسلم ايدك على هذا الشعر تقبل مروري عيني

[tammy1]

ياسلام ياسلام ... ما اعرف بشنو ارد عليك بس ربي يوفقك ويبارك بيك على الكلمات الاكثر من رائعة..
تقبل مني احلى تحية وسلام..

[زياد البصراوي]

الاخ حيدر العبيدي
القصيده التي نسبتها لنفسك هي للشاعر المعروف
علي الملا الخزاعـي وقد سمعتـها منه قبل شهريت تقريبآ
فارجو عدم نسبها لك
لان في ذلك خرقآ للامانة الادبيه
وسلب لحقوق الاخرين من الشعراء
والله لو تعرف الشاعر من يسرق من عنده بيت دارمي شنو يصير بيه كيف اذا كانت قصيده يا اخي
هذه حقوق واذا كانو المراقبين يغفلون عن هذا الشئ فألله فوگك اخي


انظر تاريخ المشاركة بهذه القصيدة
http://www.mrtiraq.com/forum/showthread.php?p=66310
08/09/2007, 10:04 PM

وانتظر تاريخ مشاركتك بالقصيده

وانظر مكانة الشاعر اذا كنت لا تعرفه

تحياتي

زياد البصراوي


تحياتي

[انمار علي الدليمي]

الاخ حيدر العبيدي ..
لا يوسعني الا ان اشكرك الشكر الجزيل لأنك ما التزمت بشروط المسابقه نهائيا ...
ولا صنت الامانه الادبيه للقصيده وكاتبها .. ونسبت قصيده النفسك وهي الغيرك ..

اكرر شكري للشاعر المتألق زياد البصراوي ..وارجو منه اي قصيده يشوفهه مسروقه ينبهني واكون ممنون من حضرته ومن الاعضاء الي ينبهوني على هذه المسأله ..
سيتم نقل القصيده الى منتدى الشعر الشعبي وكتابة اسم الشاعر علي الملا الخزاعي تحتها حفظا للامانــــــــه الادبيــــــــه..

انمــــــــــــار

[بنت ديالى الجريحه]

شكــــرا جــــزيلا الاخ حيدر

تقبل تحياتي ومروري

[الشاعر علي الملا الخزاعي]

رمضان كريم وكل عام وانته بالف خير

حبيبي

القصيده ملك للجمهور وملك للشاعر

فقصيدة الزفه

قد كتبتها قبل عام

وقراتها باكثر من لقاء

في قناة

المسار والعراقيه والعراقيه الرياضيه والفرات والانوار والسلام وووووووووووووووووووو

ومعروفه ومحفوظه لي

وعندما قام تنبيهك الشاعر الرائع البصراوي

قمت بالتعديل واضافة الاسم

حبيبي

هذا رقمي

07706244033

واي شي تحتاجه اني بخدمتك وثق بالله خايف عليك لان انته تتاذى ولو شتريد مني اني بخدمتك

وحته لوالقصيده عاجبتك اني خادمك ولكن خوفي عليك ياحبيبي

[الشاعر علي الملا الخزاعي]

الاخ حيدر العبيدي
القصيده التي نسبتها لنفسك هي للشاعر المعروف
علي الملا الخزاعـي وقد سمعتـها منه قبل شهريت تقريبآ
فارجو عدم نسبها لك
لان في ذلك خرقآ للامانة الادبيه
وسلب لحقوق الاخرين من الشعراء
والله لو تعرف الشاعر من يسرق من عنده بيت دارمي شنو يصير بيه كيف اذا كانت قصيده يا اخي
هذه حقوق واذا كانو المراقبين يغفلون عن هذا الشئ فألله فوگك اخي


انظر تاريخ المشاركة بهذه القصيدة
http://www.mrtiraq.com/forum/showthread.php?p=66310
08/09/2007, 10:04 PM

وانتظر تاريخ مشاركتك بالقصيده

وانظر مكانة الشاعر اذا كنت لا تعرفه

تحياتي

زياد البصراوي


تحياتي

والف الف شكر لنقلك الحقيقه ولكن احمل اخاك على سبعين محمل

مشكور يامبدع

[الشاعر علي الملا الخزاعي]

الاخ حيدر العبيدي ..
لا يوسعني الا ان اشكرك الشكر الجزيل لأنك ما التزمت بشروط المسابقه نهائيا ...
ولا صنت الامانه الادبيه للقصيده وكاتبها .. ونسبت قصيده النفسك وهي الغيرك ..

اكرر شكري للشاعر المتألق زياد البصراوي ..وارجو منه اي قصيده يشوفهه مسروقه ينبهني واكون ممنون من حضرته ومن الاعضاء الي ينبهوني على هذه المسأله ..
سيتم نقل القصيده الى منتدى الشعر الشعبي وكتابة اسم الشاعر علي الملا الخزاعي تحتها حفظا للامانــــــــه الادبيــــــــه..

انمــــــــــــار
يشرفني الانضمام بينكم فلخاطري عوف الزعل وحيدر حبيبنه واخونه وماكو داعي

وامسحه ابوجهي

ها اذا عندي خاطر

[انمار علي الدليمي]

يشرفني وجودك شاعرنا الورده وماكو زعل ان شاء الله ...
واذا تحب تشاركنا بمسابقة القصيده الوطنيه فأهلا وسهلا بيك بالجولات الجايه ..
لأن بصراحه قصيدتك تركت اثر كلش كبير في المنتدى ونالت اصوات كثيره لكن خرجت من المسابقه لأن مو حضرتك ناشرهه ..

يشرفنا ان تكون بيناتنا في منتديات موقع العراق ومنتدى الشعر الشعبي بالذات..

اخوك انمــــــــار