انتم من يضع العنوان

[حيدر العبيدي]

كما قد وعدناكم كل ما هوه جديد اضعه بين يديكم ارجو ان ينال اعجابكم .
وسوف اضع كل جديد بين يديكم ............................
تحياتي وحبي واعتزازي
الشاعر الشعبي الشاب
حيدر العبيدي

يالتسال علي واكلي انته امنين
بيدي انه هويتي اقراهه هايه

انه اول بشر خط العدل دستور
انه العلمت كل الناس الاقرايه

انه العندي حضاره اتنعش معصوم
وتجيني الناس كلهه اليوم مشايه

انه الشرف اصلي وضل الي عنوان
وللحك اصيرا اني اله امرايه

انه ابن النخل العالي ضل الراس
ولخواني صرت بالشده تجايه

وعلي اليوم صاروا هم عدوان
وحجيهم بالكلب نبتوا سلايه

انه اشرف اصل للغيره اضل والزود
وانه افتخر اعراقي وراسي مرفوع

انه الخلصت عمري جن صايم برمضان
وافطر عالحزن والالم وادموع

انه اعراقي وشمس واضوي اني للكون
وياهو اليكرب الي بناري ايموع

انه اعراقي وجبل ثابت وماطاح
ولظن الجبل فد يوم مدفوع

انه اعراقي ورويت الكاع من دمي
وعلي اني ليش الفرح ممنوع

انه الجنت عايش عمري كله افراح
هسه بكل فرع تلكالي ملايه

انه الفصلت حزني علي صاراهدوم
وبجيت ادموع عيني وخلص مايه

انه ابن المضيف وابقى صدر ديوان
واطيهه حكهه من احجي الاحجايه

انه الما طيح ابد بي علي الكرار
ولان عباس بيده شايل الرايه

[عاشق الاصدقاء]

هالله هالله شنو هاي الكلمات والله كلمات عز عاشت ايدك حبي
مع تمنياتي لك بالموفقيه
اخوك
عاشق الاصدقاء

[ابوعبدالقادر]

يالتسال علي واكلي انته امنين
بيدي انه هويتي اقراهه هايه

انه اول بشر خط العدل دستور
انه العلمت كل الناس الاقرايه....تسلم على هذه الكلمات

[حيدر العبيدي]

ردللشاعر الشعبي حيدر العبيدي
مشط امك لكيتة ابساحة التحرير
من كثرة مشطة اتكسر اسنونا
مشط امك خشب مو على الموديل
لان امك اصيلة ربتك شاعر
شفت امك على التنور تخبز
وتوزع خبزة ؟؟؟؟؟؟ لبو امعمر انطت خبزة
امك كريمة والكرم منها ماتاكل خبزة
لجار وابن العم
اخوك الشاعر
ابو غزوان(الحويجة)

[حيدر العبيدي]

الى الاخ نوري
اشكركم لتعاونكم معنا ولكن هذه الكتابه لم تحذف ارجو حذفها مع الحب والتقدير
الشاعر الشعبي
حيدر العبيدي