اسالك يا وطن/ مثنى النصراوي

[النصراوي]

جيت اسالك يا وطن ارجوك جاوبني
ليش انتة جرحك نزف كلة بسبب ناسك

وليش اللي ربوا ما بين هالنهرين
باعوك بيع الرخص شربوا نخب كاسك

عافوك للي اجوا من برة خط الحدود
طعنوك طعنة غدر جرحوك باحساسك

ذلوك يا موطني ولبسوك ثوب احزان
رفعو عليك الحظر بس علنو افلاسك

نفطك صفة مو الك والشعب جوعان
واطفالك اتشردوا محد اجة وباسك

غربت بيك الشمس واشطولة صار الليل
وانة ادري هاي الارض تتضوة باشماسك

ظلموك يا موطني وظلمو سبايا البيك
وصفيت مثل الكطع جفينة عباسك

بس انة عندي امل راجع ترد اردود
وتتعافى من علتك بس بطلة وسواسك

فدوات لاسمك انة من العين حد القاف
وهنيالة يا موطني المن تربتك باسك

ماريد املك قصر بارضك ولا املاك
محتاج منك هوة وليل اغفى بنعاسك

محتاج بيك اندفن وبحظنك انة ارتاح
محتاج حفرة كبر تحبسني بانفاسك
مثنى النصراوي

[مأسآةشاعر]

مشكوووور عيني النصراوي على هاي الكامات الروعه والله كريم أخي ان شاء الله تنزاح عن العراق واهله هاي الغمه

عيني النصراوي عندي ملاحظه صغيرة كان المفروض ان اتضيف اسم صاحب هاي القصيده ان كانت الك او الغيرك واذا تجهل اسم صاحب القصيده ماعليك الا ان تضيف كلمة {منقوووول} وهذي قوانين المنتدى ارجو ان تراجعها


وتحياتي الك ونتمنى منك المزيد


مأسآة شاعر

http://www.up07.com/up5/uploads/618aa9e3ed.gif (http://www.up07.com/up5)

[النصراوي]

السلام عليكم يا(ماساة شاعر) القصيدة من ملكيتي انة اللي كاتبها وهي ملك خاص وانة شاعر شعبي شاب انشاء الله تقرا الي اكثر وشكرا جزيلا

[رجل من الشرق]

الله عليك يالنصراوي

الله عليك وتسلم اديك على هالمشاعر الطيبة والله

ابدعت اخي

[iraqilion]

حبيبي الغالي
عاشت ايديك على الكلمات الروعة
واريد اسالك سوال
ليش ما نزلتهة بالمسابقة الوطنية اعتقد انتة الي تفوز اذا نزلتهة

طبعا ما اعرف شلون اعبر الك عن معنى الكلمات الروعة الي كاتبهة

وان شاء الله تبقى للابد كتاباتك روعة

تقبل ردي المتواضع

[ashoor]

اخي مثنى النصراوي هذه القصيده ليست لك وانما لشاعر كبير من شعرائنا وهو وليد سلامه مع بعض التعديلات من قبلك عليه مع خالص تمنياتي لك بالكتابه

[النصراوي]

شكرا جزيلا وارجو ان تقبلني صديق جديد يا(iraqilion)وشكرا اخوك مثنى النصراوي