طالب المجنون..وامير المالكي..؟

[خالد الفراتي]

( طالب المجنون)

قصيدة تستحق الدراسة والاشادة بمقدرة شاعرها.. نرجو من الاخوة ان يتناولوا القصيدة من كل جوانبها
مع حبي للجميع
الى شخص مجنون أسمه طالب كان يبحث عن الوطن في أوقات عصيبة جدا
وبعض الناس العقلاء لايبحثون عن الوطن ولا يسألوا في أي مكان يعيش

جان صافن كلشي صافن .. والضجيج اينام سكته
ابنص تجاعيد الدرب
وجانه يوم اجدامه تركض .. شايل ابجفه حرب
نعم هسه انطلق صوت اول رصاصه
ومات هسه اول طفل لم عمره درهم
رايد ايحصل ملابس ... صاغ كل الدنيه قاصه
وناس تفتر خايفه اتدور مكان
هدت نار الحرب لاكن
بقه جف دخان يفتر ... فكس اعيون الأمان
وطلع طالب .. طلع من بين الخرايب
رايد ايحدد مصيره
طالب امخبل نعم بس كله غيره
طشر اهمومه اعله هاي الكاع نجمه
طالب امتيه شخص مانعرف اسمه
راح دور كل مدينه ابكل زقاق
كام يفتر يمسح اتراب الشوارع
رايد ايشوف العراق
كام يركض طالب ايصيح عراق ... عراق... عراق
وشافه طالب يفتر ايدور رغيف
ايريد لطفال المدينه ايريد خبزه
كعد ايتام المدينه اعله الخريطه
وهوه كاعد عالرصيف
وجته لحضه اشلون لحضه
انرسمت الدمعه على اعيونه تعب
دور اجيوبه العراق
فارغه اجيوب العراق
ومالكه اثار الشعب
- هايطالب وين راح ؟؟
- وكله يرسم.. يرسم التابوت الك خشبه جبيره
هيج ناســــك.. مايهمهم انته ميت انته عايش
على تابوتك تخط مات العراق
ونته عايش تبقه عايش
تجي ساعات انه شوفك .. كون يضحك
اوتجي ساعات انه شوفك
علك ملتف اعلى شباج الحسين
وكف طالـب .. على وجناته تحط دمعه يتيمه
راح يركض .. جانه شايل بـــــيــــده دجــــله
نفض اثياب الــــعـــراق
وغسل اجروحه القديمه
هاذه طالب ... مات طالب
مايحب كلشي اسمه عازه
وماتجرأ ينضر ابعين العراق .. حته بالتابوت غمض .. لأن حس يمشي العراق ويه الجنازه

الشاعر اميرالمالكي
ameeralmaliky@yahoo.com

[زياد البصراوي]

السلام عليكم
شكرا لك اخي ابو زهراء لاختيار هذه القصيدة التي وجدتها تحمل معنى الشعر الحقيقي وللاخ الشاعر كثير الاحترام على مشاركتهُ القيمة التي تستحق الوقفه والـتأمل .. فما لدي من كلام عن القصيدة كثير لانها احتوت في طياتها الكثير من الجوانب التي يجب ان تذكر وتُدرس بشكلٍ داخلي ...
فحوى القصيدة .. المعاناة والحرمان الذي يبينه لنا الشاعر على لسان حال غيره وموضوعية الحوار في داخل النص احتوت على مفاهيم حديثه بالنسبة للشعر الشعبي وكان الشاعر موفقاً وبعيد الافق احتوى المفردات والصورة والسباكة لينتج عن ذلك صورة نقية لا غبار عليها واضحة وصريحة تاركاً رسالة مباشرة تفي بالغرض تمام الايفاء .. وكذللك تناول الاجواء المنفردة واستخدام اداة الاشارة ليكمل الصورة للمتلقي ..
.
وجانه يوم اجدامه تركض .. شايل ابجفه حرب
نعم هسه انطلق صوت اول رصاصه
ومات هسه اول طفل لم عمره درهم
رايد ايحصل ملابس ... صاغ كل الدنيه قاصه
وناس تفتر خايفه اتدور مكان
.
.
كذلك حلق الشاعر لفضاء المتناقضات الجميل الذي زاد النص هيبةً و رصانة حيث قال :
طالب امخبل نعم بس كله غيره
طشر اهمومه اعله هاي الكاع نجمه
طالب امتيه شخص مانعرف اسمه
راح دور كل مدينه ابكل زقاق
كام يفتر يمسح اتراب الشوارع
.
.
واخذ الشاعر اسلوب المحاكاة التعبيري ليوضح اكثر لسان حال ( طالب ) الذي اخذ دور البطولة في مسرح القصيدة ..كذلك رؤية الشاعر العميقة في الانفراد للصورة الشعرية التي جعلت النـص يرتقي لاعلى نقاط الحرية في النطق والحديث فهنا وقف الشاعر وقفه طويلة جدا اختصرها بهذا البيت ..
.

تجي ساعات انه شوفك .. كون يضحك
اوتجي ساعات انه شوفك
علك ملتف اعلى شباج الحسين
.

اما الابعاد الصوررية للقصيدة بصورة عامة فكان الاختيار للصورة اختزال للكثير من الحديث وهذه ايضاً نقطة تحسب للشاعر اذ ان المتلقي استطاع ان يعي ما قصده الشاعر بمسافةً اقصر الى افق بعيد
.

هاذه طالب ... مات طالب
مايحب كلشي اسمه عازه
وماتجرأ ينضر ابعين العراق .. حته بالتابوت غمض .. لأن حس يمشي العراق ويه الجنازه

.
.هذا ما بجعبتي لهذه القصيدة التي اتمنى ان ارى لشاعرها مشاركات اخرى معنا
اخوكم زياد البصراوي

[عاشق الدمعه]

http://www.iraqup.com/2008-03-uploads/iraqup.com_20081109_CYw45-2Mok_745313833.gif (http://www.iraqup.com/)