بنت ديالى
09-19-2007, 01:45 PM
من كنت بصف السادس علمي طلبت مني مدرسة الادب ان اكتب عن مشاعري تجاه بلادي و انا في غربة منذ طفولتي
بصراحة نقشت كلما بقلبي تجاه العراق عل ورقة و المدرسة هواية انعجبت بل موضوع بصراحة و كالتلي اذا انت تكتبين كل هذا بلغة انت غريبة عليها لعد بلغتج الام شلون راح تكتبين؟؟؟؟؟؟؟
بصراحة سكتت لان اني بحياتي مجنت كاتبة اي شي من تعبيري باللغة العربية
و ذيج الليلة كتبت هذه السطور اتمنى تنال اعجابكم........
لو تدري يا وطن فركاك شكد صعبة جانت على قلبي الصغيرون
لو تدري شخصرتني هالغربة من السنين و فاضت العيون
لو تدري شكم لمة حبايب شاركتها دموعي و انا عل تليفون
لو تدري شكد افتقدتك و انتظرت اوصلك و خابت الضنون
حتى حنان امي ما عوض شوفتك يا اغلى شئ بالكون
لو تدري شكد ضل بخاطري من خلوني اهتف بغير اسمك و شيلوني علم غير رايتك
و روحي تصرخ يا عرااااااااااااااااااااااق.........
لو تدري طفولتي شلون ودعتني و شبيت بالغربة وحيدة بين ملايين الناس
كالوا هنا امان وسعادة
بس اني عرفت انه السعادة بس وجودي على ترابك و من اشم هواك
يا وطني يا امي و ابوية يا غالي يا لا غالي سواك
ثمن السعادة الي ادعوا الي بيها جانت دموعي الي تبلل الوسادة كل ليلة ظلمة
ثمن الامان دفعتها بوحدتي الي تحسرت بيها على كل اهلي و ناسي و الي صرت بيها غريبة حتى على لغتي الام
بس و حق الي وهبك النا كنت عايش بكياني من يوم الفارقتك و عمري 9 سنوات و انا ما اريد اهد باب الحدود
انت دعائي بصلاتي و اغنيتي بافراحي و امنيتي بحياتي
شوقك كبر وياية وصار بحر ينزف من عيوني وما يهدأ الا يوم اسجد على ترابك.....
عيشتك بقلي و كتبت عنك بغير لغة و حجيت عنك لهواي ناس كلهم فهموا محنتك و شاركوك احزانك
بس هاي اول مرة اكتبلك بلغتي الام يا اقدس وطن......
انا عطشانة الك من يوم الغربة الاسود
و ما يرويني غير عذب رافدينك
ربيت بارض يكولون عليها جنة بس ولا يوم ملت عيني لان مبيها ريحتك ولا خيراتها مباركة مثل خيراتك
مهما يطول الفراق و تتكالب الاحزان بس بعده الامل موجود يا موطني يا تاج راسي
راح ترجع ايام الخير و نرد الحيل و نعادي كلمن عاداك و نرجع لاحضانك
استودعك الله الذي لا تضيع عنده و ديعة يا اغلى ما ملكه احساسي
بامنية يوم اللقاء..........
بصراحة نقشت كلما بقلبي تجاه العراق عل ورقة و المدرسة هواية انعجبت بل موضوع بصراحة و كالتلي اذا انت تكتبين كل هذا بلغة انت غريبة عليها لعد بلغتج الام شلون راح تكتبين؟؟؟؟؟؟؟
بصراحة سكتت لان اني بحياتي مجنت كاتبة اي شي من تعبيري باللغة العربية
و ذيج الليلة كتبت هذه السطور اتمنى تنال اعجابكم........
لو تدري يا وطن فركاك شكد صعبة جانت على قلبي الصغيرون
لو تدري شخصرتني هالغربة من السنين و فاضت العيون
لو تدري شكم لمة حبايب شاركتها دموعي و انا عل تليفون
لو تدري شكد افتقدتك و انتظرت اوصلك و خابت الضنون
حتى حنان امي ما عوض شوفتك يا اغلى شئ بالكون
لو تدري شكد ضل بخاطري من خلوني اهتف بغير اسمك و شيلوني علم غير رايتك
و روحي تصرخ يا عرااااااااااااااااااااااق.........
لو تدري طفولتي شلون ودعتني و شبيت بالغربة وحيدة بين ملايين الناس
كالوا هنا امان وسعادة
بس اني عرفت انه السعادة بس وجودي على ترابك و من اشم هواك
يا وطني يا امي و ابوية يا غالي يا لا غالي سواك
ثمن السعادة الي ادعوا الي بيها جانت دموعي الي تبلل الوسادة كل ليلة ظلمة
ثمن الامان دفعتها بوحدتي الي تحسرت بيها على كل اهلي و ناسي و الي صرت بيها غريبة حتى على لغتي الام
بس و حق الي وهبك النا كنت عايش بكياني من يوم الفارقتك و عمري 9 سنوات و انا ما اريد اهد باب الحدود
انت دعائي بصلاتي و اغنيتي بافراحي و امنيتي بحياتي
شوقك كبر وياية وصار بحر ينزف من عيوني وما يهدأ الا يوم اسجد على ترابك.....
عيشتك بقلي و كتبت عنك بغير لغة و حجيت عنك لهواي ناس كلهم فهموا محنتك و شاركوك احزانك
بس هاي اول مرة اكتبلك بلغتي الام يا اقدس وطن......
انا عطشانة الك من يوم الغربة الاسود
و ما يرويني غير عذب رافدينك
ربيت بارض يكولون عليها جنة بس ولا يوم ملت عيني لان مبيها ريحتك ولا خيراتها مباركة مثل خيراتك
مهما يطول الفراق و تتكالب الاحزان بس بعده الامل موجود يا موطني يا تاج راسي
راح ترجع ايام الخير و نرد الحيل و نعادي كلمن عاداك و نرجع لاحضانك
استودعك الله الذي لا تضيع عنده و ديعة يا اغلى ما ملكه احساسي
بامنية يوم اللقاء..........