زهيري هديه للعزاز وكلكم عزاز انشاءلله

[سفير$$ الحب]

ماعاد ينفع بعد والعمر خلص يدر

وهم كلبي صاير شته كلساع غيمه يدر

ياحيف لمن طحت وجه الاوده يدر


مكسور جنح ورجل مابيه امشي لطر

وبكلبي صاحب ترك رمح الخيانه لطر

لناي ماضل بعد يامن تضنه لطر


لنانه صرت الحزن ونعزف بيه لحن

وسهام ربعي عدل بجتافي كلهن لحن

ماشفت واحد ذكر لاكلبه حاسب لحن


نكروني وانه الجنت سلم صعدهم قمم

ومن طكني حيل الدهر صاحو عليه قمم

بركان حقد وكره حاطوني داير قمم


والهل سبب ياخلك ماريد منهم وصل

لني اعرفتهم تره كلهم عكارب وصل

مابيهم الغيرته شايله عند وصل


للاه يبقى المحد جي بالخلك بانهم

من طين اسود نزف رب العبد بانهم

در انه متغيرت طين وعشت بينهم

وبطين لا والحسن هيهات تكلب يدر

[مأسآةشاعر]

لنانه صرت الحزن ونعزف بيه لحن

وسهام ربعي عدل بجتافي كلهن لحن

ماشفت واحد ذكر لاكلبه حاسب لحن

زنجيل روعه خصوصا هالابيات منه

شعلتني سفوري

تحياتي الحارة ياعمار

مأسآة شاعر

http://www.m5zn.com/uploads/483a8e66c3.jpg (http://www.m5zn.com)

[كرومي]

عاشت ايدك على هاذا الكلام الجميل تحياتي الك كرومي

[سفير$$ الحب]

مآسآة ما عاش الي يشعلك حبي اطفيك بجمل الكلمات وتامرني بس شسوي كلبي ملجوم اويلي تحياتي حبيب قلبي الغالي

[سفير$$ الحب]

كرومي وربي منور الموضوع بطلتك البهيه وتحياتي الك وشكرآ على مرورك الطيب

[*الطائر الحر*عماد خليل]

الله الله
حياك الله وبياك اخي العزيز سفير الحب
زهيري جميل جداً
شكراً لك حبيبي الغالي
تقبل مروري وتقديري

[سفير$$ الحب]

حبيب قلبي الطائر الحر منور الموضوع مرورك الطيب وتحياتي الك

[عاشق الاصدقاء]

الله الله عاشت ايدك والله كلمات روووووووعه
تسلملي
تحياتي
عاشق الاصدقاء

[نور البدر]

للأه يبقى المجد جي بالخلك بانهم
من طين أسود نزف رب العبد بانهم
در أنه متغيرت طين وعشت بانهم
وبطين لاوالحسن هيهات تكلب يدر

الله الله ياسفير مو أكلك أنت أساحر
أروع مابه هذه الكلمات
تقبل مروري وأنشاء الله المزيد

[سفير$$ الحب]

عاشق الغالي زدت الموضوع جماليه مرورك وتحياتي

[سفير$$ الحب]

نور هلا والله مرورج غالي ونتي اغله اكيد شكرآ على كلماتج الشفافه