ضيف مشاركتك يلا مو تتأخر (( دارمي ))

[نور البدر]

فتاة جميله لازمه ديج واكفه تتنتظر واحد يمر
حت يذبحلهه الديج
فمر عليه شايب كالته عمو فدوه ألك أذبحلي هذا الديج
فالشايب ماصدك خبر ذبح الديج من علباته
فكلته البنية الحلوه
وطبعاً هاي مو أني ههههههههههه
يدج وتحرم بيه عمرك خساره
حسبالي تذبح نوك عندك جساره

فالشايب انتفض وكال أله
أذبح زلم ماخاف وأجسر أمرار
لجن شدهني الشوك وعيونج أكبار
هذا البيت مجهول لا أعرف صاحبه
تحياتي ألكم
أختكم نور بدر :s(4)::s(4)::s(4)::s(4):

[هنو]

حلوووو
عاشت ايدج حبيبتي

تقبلي الرد والمرور

هند

[عدنان الراوي]

حلو كلش هذا الدارمي
مشكوره اخت نور بدر
تقبلي مروري
هذا دارمي اهداء مني الج

تدري شكثر يفلان اني احبك ....من كثر ما اشتاك مرات اسبك

سبني شكثر متريد وحرك الدلال .... تدري يالمحبوب حبك ما ينطال

هذي من تاليفي

[سفير$$ الحب]

تحياتي الج نور وابيات جميله ,,,,وهاذي الابيات للشاعر من اهالي واسط مرتضى القصاب,,,,,,,,,

**********************************************

موحكا حرم ديج ماكص وريده,,,,,,,,,,

داخ بجمال العين ونشلت ايده,,,,,,,,,,

[نور البدر]

السلام عليكم
سفير الساحر وهنو الحلوه الحبابة
والراوي اللطيف
تحياتي ألكم ومنورين هلا والله كل اهلا
وأهديكم هذا البيت من الأبوذية

يشاخص بالغرام وصعب لوحاك
ويخيط يطرز الاهات لوحاك
غريج انه وصفيت بعوز لوحاك
واتاني امواجك تشمرك عليه

:004::004::004:

[مأسآةشاعر]

ههههههه والله قصة حلوه ولو قصيرة زين اشو انتي الي خجلانه لويش آني عبالي هاي البنت انتي


تحياتي الِك نور

مأسآة شاعر

http://www.m5zn.com/uploads/483a8e66c3.jpg (http://www.m5zn.com)

[*الطائر الحر*عماد خليل]

دارميات جميلة
حياج الله اخني العزيزة
تقبلي مروري

[عاشق الاصدقاء]

حلوووووووووووووووووو
عاشت ايدج عيوني
مع تحياتي
عاشق الاصدقاء

[عمر أبو فله]

اختي نور فعلا قصه جميله وابيات حلوه ...ولاتلومون الشايب...

لمن ذبح الديچ ذب فوگه حسره....موبس العيون كبار فوگاهه شگره


تقبلي مروري وهذا البيت المتواضع ان شاء الله يعجبكم

اخوكم ابو فلــه

[نور البدر]

مشكورين أخوتي على هذا المرور الرائع
الموضوع منور بيكم بكلماتكم الرائعة
مأسأة الخجل طبع عند البنية مو
تحياتي ألك ماساة
بس سؤال ليش أختاريت هالاسم مجرد سؤال ؟

:icon_sunny::icon_sunny::icon_sunny:

[سيف النقيب]

الدارمي الذي شاركت بيه مسروق من موقع العراق للشاعر ابو اماني كريم الحجامي وكان اصل الدارمي
تدري شكثر يفلان وشكد احبك من كثر ما اشتاك مرات اسبك
وهاذا دارمي اني اشارك بيه ولاول مره بهذا الموقع
احنه الكرم والجود واهل البطوله ويبقه العراقي بزود يمشي عله طوله

[سيف النقيب]

سنه ويه شيعه اخوان صفينه الكلوب ليش الحزن بغداد ليش اسود الثوب

[سيف النقيب]

بغداد بشري بخير همج نزيحه***********وكل شامت انخليه نذر وذبيحه

[نور البدر]

سيف النقيب
تحية ألك مشكور على المرور والكلمات الرائعة
وأقول
سنه ويه شيعة أخوان صح أنت كلته
بس عل الورق مكتوب وأنته الذكرته

تعرف حزن بغداد يل تسأل عليه
أرض السواد عراق وطبعت بيه

تحياتي ألك وكلا الهلا