( سيدت عمري الفاضله ) للشاعر احمد الذهبي

[بنت الجنوب]

سيدت عمري الفاظله


سيدت عمري الفاظله
هذه رساله عاجله
من عاشقا مضطهد
لا من كلب شاعر نزف شوك وحنين
ومن جفن سواه بحر دمع السنين
ومنتظر جيت سفينه
اي سفينه تكحل عيون الموانئ
ومن وطن مغتصب خالي من السياده
ومن طفل مايدري ليش يخلي راسه عله الوساده
ومن قضيه بلا ياحل
ومن عباره بلا معاني
ومن ضروفي القاسيه وقسوت زماني
ومن كلب دورني بيه وما لكاني
راح اوديلج رساله بلايا معنى
مثل ما ضيعنى كلشي بلايا معنى
حتى نعرف ليش من حبينا ضعنا
وراح اموت الخاطرج سبعين مره
وانتي صيحيلي تعال بصوت مره
شوفي كبل الصوت راح اوصل واجيلج
وحتى لوجمرة ندم بجفوفي اشيلج
يعني لو كلتيلي موت
الليله بس كليلي تاني
شرد اتاني
كافي مليت انتضر جلمة محنه
وخاف تطلع في وقت ميتات اذاني
وخاف ينطيني الصبر ورقة وفاتي
واني واني اثنينا ايشيعني اني
وحتى لو نفرض متت
وين الكه موت
تشيلني الخطوه على ادروبج وافوت
وحتى اسولفلج قصيده من الاماني
وحتى اكلج ميت اني
منو اجي غيري بغيابي داهمج واحتل مكاني؟
وحتى اكلج ميت اني
من صليب الشوك علكني مسيحي
وعينج بلحضتها ما عتقت لساني
من صغنه اثنينا احلى كلام
كلمات الهوى الحان واغاني
المستبده" الكاله "كاظم" عليج
من احترك كلبي وبرد كلبج نساني
وصوت شيرين من اسمعه ايمرني بيج
تنزل الدمعات تكتب كرح تاني
هذا اخر ما تبقى في الرساله
اذكريني لو سمعتي الحروف بصوت اصاله

للشاعر
احمد الذهبي

اختكم بنت الجنوب

[ميثاق الهلالي]

كنت قد سمعتها من أخي وصديقي المبدع الذهبي
مرارا

وها أنا الان اقراها هنا

شكرا بنت الجنوب

عللى النقل الجميل والأمانة الشعريه

التي نفتقدها كثيرا

تحياتي

ميثاق الهلالي

[انمار علي الدليمي]

شكرا اختي الغاليه ... بارك الله بيچ
شكرا على الاختيار الرائع ...والنقل المميز ..

تقبلي مروري..

[احمد الذهبي]

العزيزه الغاليه بنت الجنوب
شكرا لك وهذا اسعذني كثيرا
ولايسعني الا ان اتقدم لك باعذب واطيب الكلمات
*************************************
احمد الذهبي

[زياد البصراوي]

نقل مميز
لشاعر ميسان المتالق
الذهبي الرائع

شكرا اختي

[عاشق الاصدقاء]

شكرا لكِ ايها المبدعه المتالقه دوما
ربي ميحرمني منج
تقبل ردي ومروري
عاشق الاصدقاء

[خالد الفراتي]

رائعة احمد الذهبي..

هنا كيف لانصفق بكل شغف..

تسلم يامبدع ياذهبي..

[حيدر مدني]

رررررررررررررررررررررررررررررررررررررررررررررررررر رررررررررررائع ياابو علاوي الوردددددددددددددددددددددددددة على هاي المعلقة والى مزيد من الابداع ياذهب

[بَحْرُ الوُفاءّ]

بنت الجنوب
ذوق جميل بلاختيار والنقل
قصيدة في غاية الروعة
للشاعر المبدع احمد الذهبي

تحياتي