منتديات عراق السلام

اعلانات المنتدى

 

 

 

 

 

 

 

 

   
العودة   منتديات عراق السلام > المنتديات الادبية > منتدى الشعر الشعبي والابوذية والدارمي

الإهداءات

إضافة رد
 
أدوات الموضوع انواع عرض الموضوع
قديم 02-28-2010, 02:25 AM رقم المشاركة : 1
ساهر الماني
شاعر
 
تاريخ التسجيل : Mar 2009
رقم العضوية : 28113
المواضيع : 18
الردود : 58
مجموع المشاركات : 76
معدل تقييم المستوى : ساهر الماني is on a distinguished road
إرسال رسالة عبر مراسل Yahoo إلى ساهر الماني

ساهر الماني غير متواجد حالياً

Icon15 أمسية رائعة اقيمت في منتدى غني محسن وبحظور الشاعر(لطيف العامري) واخرون (ساهر الماني)




السلام عليكم ورحمة الله وبركاتة
كما وعدتكم محبي الشعر الشعبي العراقي شعراء ومتذوقين ان انقل لكم كل ماهو جديد ورائع
واليوم انقل لكم الامسية الكاملة في منتدى الشاعر الغائب الحاظر
(غني محسن) الواقع في منطقة الكرادة الداخل وعلى قاعة الدروبي فمن هناك مباشرة كما هي حيث كنت عريفا لهذه الامسية في يوم الجمعة المصادف
27_2_2010
أخوتي الحظور اساتذتي الشعراء
السلام عليكم ورحمة الله وبركاتة
اهلا بكم بأمسية جديدة من اماسيكم اماسي الشاعر المرحوم (غني محسن)
ورحبوا معي أجمل ترحيب بالشاعر الكبير والشفاف الرائع القادم من مدينة الشعر الناصرية (لطيف العامري) والشاعر (عباس الغالبي) والشاعر الضيف من محافظة بغداد (حيدر الربيعي) وحل ضيوفا علينا شعراء من محافظات اخرى فأهلا بالشاعرين (احمد المرشدي و علاء البيضاني) من محافظة كربلاء ةاهلا بقدوم الشاعرين (سيف الحلفي و علي ناظم ) من البصرة الفيحاء
وبعد الترحيب بهذه النخبة الرائعة مباشرة الى .....



بارق اكعد وكتب الدستور بيدك
الكتبوا الدستور امس خجلو ناسك
راسه ضمه البرلمان بيوم ثارت
وانت من ثارت عليك انطيت راسك


للشاعر الحاج حامد الشمري


اخوتي الحظور اليوم ذكرى استشهاد الشاعر الشفاف (بارق العاشقي)
فأرجوا منكم قرائة سورة الفاتحة وقوفا على روح المرحوم



وبعد القرائة
معنا ايضا اليوم الاعلامي البرامج من على قناة بلادي الاستاذ الرائع


(حسام البهادلي) والذي سوف يحاور الشاعر
(لطيف العامري)



حيث بدء المقدم بحواره الرائع والسلس وقال ....
اني لم اعرف الخوف والتردد في حياتي ولكني عرفته اليوم لاني سوف التقي بشاعر جاء من مدينة تتنفس الشعر وحاملا على كتفه شي من قصب اهوارها والتي رفض مائها ان يجف جاء حاملا عراقا يعج بالاهات والجراح فمرة اخرى اهلا وسهلا بالشاعر الكبير (لطيف العامري)



حيث بدئت المحاورة ومن حسام البهادلي

ان من الصعب علية البداية وخاصة اذا كان شاعرا من اهالي الناصرية لما يحمله من مزايا حيث يكون صيادا ماهرا ويملك الذكاء


استاذ لطيف هناك من يحاول محاولات دنيئة على الشعر الشعبي حيث يقولون ان الشعر الشعبي هو طاء على المشهد الثقافي في العراق
حيث ان الدكتور (اثير محمد شهاب ) في كل حلقة من حلقات برنامجه يتهجم على الشعر الشعبي
ويقول الشعر الشعبي طاء على المشهد الثقافي في العراق
فماذا يقول لطيف العامري؟



في البدء السلام عليكم
انا اتشرف ان اكون بينكم وتحت خيمة منتداكم منتدى (غني محسن) وشكرا لك لهذا التقديم الجميل
ارجوا ان لا اكون مخيفا او الناصرية كذلك حتى نكون بأمان


اما بالنسبة الى الشعر الشعبي فأن الدكتور اثير محمد شهاب او غيره وحتى النظام السابق قد حاربوا وتهجموا على الشعر الشعبي حيث كان النظام السابق يجند ويحتكر الشعر الشعبي لصالحهه وفي سنة 1988 منع الشعر الشعبي حفاظا على اللغة الام
والان كما ترى عزيزي فقد ذهبوا وظل الشعر الشعبي رصينا في مكانه
حيث قال العامري ان في كل لغات العالم وحتى في اللغات القديمة توجد لغة شعبية
والشاعر الحقيقي بحد ذاته صاحب رسالة اي يكون خطرا نعم الشاعر خطر
اما اذا كانت رسالة المدح لقوم ما او شخص ما فهذا هو الطارء على الشعر الشعبي



وبعد التوضيح الجميل من الشاعر لطيف العامري وجه المقدم حسام البهادلي سؤال



هل كنت خطرا على الحكومة يوم من الايام؟

اجاب العامري انا شاعر مشاكس في القصيدة وللنظام السابق!
وللطرفة
في النظام البائد اعضاء الحزب البعث العربي الاشتراكي شدوا امتعتهم ليذهبوا الى الحج وكان المسؤل على القافلة عضو فرع حيث كتبت على هذا الموضوع في وقتها وقلت
يبو سفيان دك طبلة الجوبية
السنة الحجاج من خيرة البعثية
والى اخر القصيدة
حيث قال المقدم اذا الدكتور الذي يتهجم على الشعر كيف ترد علية؟


العمري سوف ارد عليه بطريقتي
يبدي دخان الحزن يصعد بروحي
الحد سماواتي البللهه الدمع
وينحني وينزل قصيدة
والمطر من ينزل ايبللهه كله
مايميزبين سكف المغتني وسكف الفقير
المطر مثل القصيدة من تطك غيومهه
وتلمض حقيقة
البرق بيه يطيح لعنة اعله الوجوه
وكل وجه هو بريقه
الوجه صافي يشع ضوة
والوجه زنجر اظلم يظل
يحلم يصير الضوة مرة صديقة



والى نهاية القصيدة الرائعة وكانت القصيدة على جروح الحظور لتشفيها من الم من يريد الأطائحة بالشعر الشعبي
وبعدها بدء العامري بقصائد رائعة وجميلة



وهذه مقطع من احد القصائد
والتقينا مرورة الكهوة وي شفة كاولي
وهزة الفنجان مو هزة جتف
وافتركنا واحنا لازم نفترك
انه فنجان بكهوتة
وانت شفتينك زرك
انه اهتز هزة الفنجان حد اخر كرم
وانت تهتز للخشب كل مايطك
والتقينا وافتركنا والفرق بيناتنا
بين الجذب ويه الصدك


وبتصفيق حار من الحظور الكبير
وشكر من المقدم حيث قال ان هذه الصور هي من رحم خيال الشاعر وانا جدا مستمتع بهذه الصور الرائعة
ولكن يقال ان هذه الصور الشعرية للشعراء هي تداعيات فماذا تقول انت



فاجاب لطيف العامري انا لا اتفق مع هذه المفردات لا لون لا طعم لا رائحة
هناك من يجبر نفسة على كتابة القصيدة فلم يخرج بشي هادف
الرؤيوية والبنويوية والحداثوية والانبثاقية لا تاخذ منها شي سوى الحرفين الاخيرين
ويعتمدون عليها وبدون جدوى
الشعر وببساطة هو مايوجد في داخل الانسان من ألم السنين المتراكم فلا تعرف اين تجد القصيدة في داخلك وحينها انت تتحول الى مترجم ليترجم هذا التراكم الى كتابة وهو الشعر


وعن كاظم الركابي يقول ان القصيدة مولود طبيعي
وبطلب من المقدم لسماع قصيدة من العامري....


لا تكلي اشككت تدري انت شنهي؟
سنين ساكن هيمة ادور خيوط ليلو
وخيط خيط انه نسجتك ياقميص منين تنقد؟
من قوبل صدري رصاص الفاو ما شكت قميصي
من تنقد من دبر ظهري للكارون اثر لسه عليه
بيوم جانت عبرة الكارون موكلش رخيصة
وياترافة وجهك ويامستحاي
انت من اتسولف تنكط عسل
وانه من انكث هدومي يطيحن بحظنك رصاص
انه ربتني السواتر
وموعجيبة تشوف هسه المثلي كافر
انه ماعرف القصر من التمام
جنت كاعد عالحدود وحتى مالحكت انام
وهسة اجيت جيتك مكمل دراسة
مخاص انواع الحروب
الشيب يوجع
والتجاعيد العله خدودي الجميلة تصير لعنة
وذولة احنة
انت تتباهه بشبابك وانه اتباهه بحروبي
لا تباهلني بشبابك
انه لو ماشيبت فوك الحدود ماصرت انت شباب!!
انه اطلبك دين حتى النده الفوك شفايفك مديون اليه
وعلي لو مانشفن شفافي على حدود السواتر
جا خذوهه شفافك (؟) سبية
وعلي لوما اني جا ماهو انت
ولا كدرت اتباهل الشيب بشبابك
انه اذوبن بيك اتيه بيك شعبد
انت جنة ونهر خمرة اليجري بين شفاف صدرك
مااغدرك ماصبغ شعري واكلك اني شاب
اني جيتك بسمة من اخر مسامات العذاب
انه ذاك الفارش جفوفه شبج والدنيا ريح
يدور اليلو بترايل التراب
اني ذاك الضاعن سنينه سؤال بلا جواب!!!



وبتصفيق حار من الجمهور الذي كان في كل شطرا من القصيدة يهتف (اعد)






اعتليت المنصة لأقدم بها شاعر شاب مبدع وبومضة من الكبير (لطيف العامري)



شباج عين الطفل
مو مثل باب السجن
مايحبس الدمعة



لأقدم بها الشاعر الرائع (عمار ثامر الجبوري)


حيث بدء الجبوري بي بيت من الابوذية مجارة الى زميلة


المرحوم (بارق العاشقي)



الك تك دارك اكلت دار أميتك
وجبتلك باب تقفل دارميتك
جزائي اتكول عني دارميتك
نذل بذات خائن ماوفه وياي
لا دكه المن صار لا داري للماي



وبقصيدة رائعة
لا تحط يمي عذر ماله وجود
جيب موقف من تريد اتعذرك
انت تذكرني سؤالك مستحيل
غير عزرائيل اشوفة من أذكرك!
جنت اعرفك وانطر الجيتك صحيح
هسة تيهتك بعد ماانطرك
سيفك معلك تكلي ابشر يطيح
معلك براسي وتريد اني ابشرك




والى نهاية القصيدة الجميلة يترك عمار المنصة
لأقدم شاعر اخر ب....



جنت اونس الناس بحجاياتنا
وجنت اراويهم شكل كعداتنا
حتى كل اثنين من يزاعلون
تصير مرهم للزعل جلماتنا



من الكبير الشفاف (صاحب الضويري) الى الشاعر

(سيف الحلفي) من البصرة



فبدء الحلفي بقصيدة وجدانية رائعة


احن واشتاكلك رغم المرارة البيك
مثل شوك الزغار النص شهر رمضان
وماصبلك دمع نشفت لهاة العين
بجيت الدم عليك ويبس الشريان
احن وشتاكلك حنية السياب
الجيكور القديمة ومنزل الاقنان
ومن اشتم صورتك بنفاسي يطلع شيب
لذالك من ادخن ابيض الدخان




والى نهاية القصيدة الرائعة للمبدع سيف الحلفي ويترك المنصة بتصفيق وترحيب حار
وامس يعكوب حالي مكابل البير
وهدمت البير من كثر النواحة
ونمت فوك الجمر وتكلي مرتاح
وعلي من انعل ابوهه الهيجي راحة



من ذاكرة الشاعر الدكتور المرحوم(عدنان الركابي)
الى القادم من كربلاء الشاعر (احمد المرشدي)
ليقرء الى حبيبنا العراق




اهتف اهتف كول راح ابني العراق
يلة ميخالف اخذلك بينه داس
احنة متعلمين ماننطر ننام
البيت كله انباك ظلت عل اساس
محالل وموهوب سالم يله فوت
مانشوفك كلنه مر بينه النعاس
حتى جوه الكاع عدنه شما تريد
هنا ذهب وهنا نفط وهنانه ماس
اخذ اليكفيك واطلع واستراح
لا تظل يمي وراك هواي ناس!!




ومن المرشدي وقصيدته الرائعة الى من هدم العراق ليدخل بعد انتهائه وعلى انغام العود الشجية الفنان (براوي) وبأغنية رائعة للعراق
وبعد الاغنية عودة الى المقدم حسام البهادلي لمحاورة

الشاعر الرائع
(لطيف العامري)


حيث وجه المقدم الى الشاعر
استاذ لطيف ماذا ترى بهؤلاء الشعراء الشباب؟
حيث قال العامري ان هؤلاء الشباب مختلفين الابداع ورائعين في نفس الوقت
حيث يكتبون واقع مايدور بهم من مواقف فتجد قصيدتهم حقيقية
وسؤال ثاني ماذا تقول الى الشعراء الناصرية الذي يخافون تسميتهم بشاعر الابوذية او شاعر الدارمي؟ بل يريدون احتكار القصيدة
ان الناصرية هي اول من نقل الشعر الشعبي من المقاهي او المجالس الى المنصة
واول مهرجان قطري اقيم في الناصرية عام 1969 هذا من جانب
ومن جانب اخر هي مدينة الشعراء وانجبت اسماء كبيرة



مثل
كاظم الركابي
شاكر الخباز
فائق عبد سعدون
زامل سعيد الفتاح
كامل سواري


فلا تختص الناصرية بالابوذية او الدارمي او اي لون انما هي تختص بالشعر الشعبي العام
فقد تعتبره غرور وانما العكس نحن نشكي مرض مدينتنا مدينة الناصرية نعم فهي مريضة بالشعر الشعبي
وبعدها قال المقدم نعم فان الناصرية اختزال للشعر الشعبي





ونسمع الان ماوراء ابن الناصرية.....



من الازل يمتد الظلام
وكان وجهك شمسا تدنو من القلب
ويهبط الظباب ..... وتعجبت وصافحتني
وجفك بجفي برد نصين مشطورة الشمس
واحنة كل واحد وظله والمسافة
ابين ظل جفك وجفي
ابين ضحكة باجر ودمعة امس
شتضكل بروحي انحنيلك مو مذلة
العثك طبعة يماشي سعفات الكلب
وشيثكل البرحي اعلة جتفة
يدنك يشيل الرطب لا ينحمس
القصيدة التنجرح تنزف عتاب
اتشكك هدوم الخجل تصعد ثريا
ومن تشوفك تخجل وتنزل همس




الى نهاية القصيدة الرائعة والجميلة من الطيف لطيف العامري



حيث استمتع المقدم الحظور بهذه المفردات الرائعة


ومن سؤال من المقدم حسام


رئي لطيف العامري بالتلاعب اي الانعكاسية بالشعر الشعبي؟


انا لا اميل او ضد هذه التسميات كما اسلفت اما التلاعب فقد يهلك اللغة ويضيع من جمالية جوهر الموضوع وهذا رئي الخاص
وبعدها وجه سؤال اخر لماذا تفتقر قصائدك الى الفرح؟



فأجابة الشاعر بكلمة (اين هذا الفرح؟)
وبقصيدة....



اني ابو ذر الغفاري كلي سلب
وانه اكفلك عد امير المؤمنين
الجوع مايعرف الشك من اليقين
الجوع كافر
وانه اريد اذبح الجوع
ولو ذبحني الكافر اسمه شهيد
جا شريد؟ لوشهيد لو مسلبجي خطير
حل وسط ماكو ابلدنا
الكل تصيح في سبيل الله موتو
واني وحدي الارد اعيش
في سبيل الله خلوني اعيش
الله رب العايشين
الله لو رب موتة جا صارت قيامة!!!





من نهاية القصيدة عودة الى الشعراء الرائعين




حسرة وبالكلب كل يوم تتكسر
الدمع رايدلة حيل واني مااكدر
كون من ابجي اذب دمعة اعلة طولي كدار
مو دمعة مزن بالريح تتبخر



من ذاكرة الشاعر المرحوم(غني محسن) الى الشاعر المبدع (ادهم عادل)






وبطلب من الجمهور

الدمعة رب الكل فقير
واليموت بلاي بيت
مايشرفة اتشيعة جفوف الامير
ابد ماسمي امام الماينام اعلة الرصيف
ابد ماسمي اله المايشيع بيده جثمان الشهيد
العمامة المسه تبريد المكاتب والمضلل هاي من ملة يزيد

والى هذه الطرح الحقيقي للرائع ادهم

واعتليت المنصة انا لأعود بالحظور بشاعر اخر


وقدمتة بومضة تقول


يارب الورد كل وردة كون تعيش
يارب الورد وفق الفراشة
يارب العرش مابينه حيل انموت
يارب الورد موت الرشاشة

من المبدع علاء ال ياسين الى القادم من كربلاء علاء البيضاني




ياحنينة وين تنور الحطب
والخبز ساجد فوك طينة
وين جدرج ماحوة لحمة حرام
وعلى زغرة شبع ايتام المدينة
ياحزينة الفك حزن عاشور حزنة
وظل حزنة ولمن جاع الموت وكلة ابوهه
وماشبع وكلته ابنه

والى نهاية القصيدة بحق اروع ماخلق الله على الارض (الام)


ومن على اوتار العود الرائعة يدخل مرة اخرى الفنان (براوي بأغنية رائعة للام)


وبعدها لابد ان تكون لنال عودة مع المقدم حسام البهادلي والشاعر الرائع لطيف العامري


وبغربة يل مالك حبيبة
الناس ماتعني وطن

من معاناة الشاعر علي ال جعفر هذه عودة جديده للطيف


وقد شكر المقدم حسام جزيل الشكر لهذه الكوكبة من الشعراء الشباب لما يكتبون من ابداع انتم فعلا مبدعون


حيث بدء حوار البهادلي من جديد حيث يقول

(برناتشو) يقول الشاعر المبدع هو الذي يعطي للقصيدة اكثر ماياخذ منها
فماذا يقول العامري؟


فأجابة الشاعر لطيف
مالذي تريد ان تحصل علية من الشعر؟

فهناك حالة استثنائية هو من يخصخص نفسة الى جهة معينة ما وكما اسلفت سابقا المداحون مقابل المال

وسؤال ثاني من البهادلي

اليوم الجبل العراقي كاظم اسماعيل الكاطع مريض فلماذا لم تعينه الدولة او الحكومة؟ بينما تجد جبران خليل جبران يوجد له تمثال في وسط الولايات المتحدة الامريكية

وكان جواب اللطيف رائع كما كنت اتوقع

على الحكومة العراقية ان تعالج الكاطع كأانسان عراقي وليس كشاعر
كاظم الكاطع اولا انسان عرقي قبل ان يكون شاعر
والمفروض لا نجعل من الشعر استجداء المسؤلين او الحكومة فالشعر اكبر من ان يكون وسيلة لطلب الحاجة!!

واضاف لطيف (خل نحط ايدنه عالجرح) اليوم موسم اي فترة انتخابات فتجد بعض الشعراء من يتنقلون بين مقرات الاحزاب لكسب المال وبدون ذكر الاسماء


البهادلي انا اجد في قصائدك الانسان؟

العامري الانسان قيمة عليا فلا بد الحديث علية وخاصة في المجتمع العراقي

وبعدها فتح المقدم النافذة للحظور لمحاورة او توجيه اي سؤال للطيف العامري

ومن بين الحظور وجه الشاعر سعد الفتلاوي للعامري سؤال

اين لطيف العامري من الاعلام ولما هو مغيب تماما؟

فاجابه العامري

الاعلام في النظام البائد كان لابد ان تمدح النظام والقيادة
والاعلام الحالي تعبوي اي يفرض قبل القاء شروط للقراءة وهذا لا يتوافق مع لطيف العامري
بسب قصيدتي الصريحة ولساني الحر


وسؤال ثاني من الحظور ايضا الاخ جعفر البهادلي

ماهي القصيدة الافرب الى الشاعر لطيف العامري

فاجابة الشاعر





قصيدة الاحفاد


مد الشوف
صحراء الحزن بيّه وعلى المامش
وصفگة جنح بوم شثگل طاريّه الحزن بيه .. وعلى المامش
ويمر العمر سچه بجدم تنداس
باليمنه حرامي تفوت .. واليسره تمر حراس
وتخضّر صبر گاعي على المامش
ويمر بيّه المكابر
واذلن خوف..
ويمر بيك المكابر
وتحسبني بشر عايش
وتحط على كدي طيوفك مرايات
بيها تشوف .... صورة وجهك الباهت
وأحطك صوت ضحكة (( عاهرة ))بليلة سمر
تكبر بلون الليل
ومن يطر فجر.. تزغر على الهامش
وتظل عايش عرس دنياك
ضحكتهه عله كد الزفه وبدخلة عروس تذوب
واظل عايش
وأنه روحــــــــــي مدينة حزن كلها گبور
وانه وياك .. كل واحد بظنه يدور
حد ظنك......... الماي الشلته زود
وگمت عالگاع بيه تجور
وحد ظني نهر يضحك على الناعور
بسك لا تظل تدور
وبسك لا تحط ظنك كبر ظني
وبس مني..
يشايلني صنم من تمر تسجدلي إذا تحتاج
ومن تجوع تاكلني..!!
دبطل صوتك المبحوح
مسدوله الستاره اوحدك تغني
كبل بعيوني احسك لو حچيت وياي
هسه بطر لمن تعاتبني
ألم دخانك من آخر عطش بالروح
واترجاك غيمة ماي تمطرني
لجن ماصح......
يهل لميت عمري العشرتك حصوه
ولكيتك طين
وي الحصو ماتجدح ......
ولـــــــــــــــــو
مو طبع چفي يكبح وي الماي ..
بس سراب وبالعطش كبحّ
ولــــــــــــــــو.. للمثلك چفوف الكباحه ألوح
كثرت السچچ خايف عليك أتيه
كد ماتسرح وتمرح
أخاف اتيـــــــــــــــــــــــه ؟؟؟؟
لا.... تايه وعنوانك نساك وغلفاك الليل
ولم حيله الصبح سچين
حز روس البلابل ما بعد تصدح
ولــــــــــو ..
حچي الصدك مريود للمثلك.. دكافي أتزل
وكافي تريد كلها تذل..






ووجه الفتلاوي ايضا من بين الحظور سؤال


والتقينا مرورة الكهوة وي شفة كاولي

م المقصود بهذا البيت؟

لإاجابه العامري ان الغجر لا يستخدمون الكهوة وم الصعب ان تمر على شفة الغجر
وتوجد اسرار قي داخلي لهذا البيت او الشطر


وبعد انتهاء الاسئلة كانوا الحظور متشوقين لسماع قصيدة صهيل الريح



للعائلة التي سكنت المغيسل القديم في مدينة الناصرية



صهيل الريح ...
شگگ كل اذن طرشه...
عواصف والمطر مجنون
وأحنه سگوفنه وردات ...
من يثگل عليهه النده
تگوم تخر ...
صهيل الريح دوية صافرة انذار
باول هدوة الغبشه
الزواجل عالمناير غافيه وتفر
صهيل الريح
ماقصر أجه ابراهيم باسماعيل
ماجرت مجرتنه مسير وغلبته بكبشه
وگفنه بلاكبش ننحر.....
صهيل الريح
وعيوني مغاره..وخدي صخرة موت
وشفافي زرگ ..
مبحوح بيهه الصوت ....
وظنوني قلم يسجد لچلمة موت
يكتب عالستايرموت.....
يكتب عالمناير موت....
يكتب وين مايلگه ورق بالدنيه
يحيا الموت ...
يحيا الموت ...






الى نهاية القصيدة الجميلة والحزينة في نفس الوقت


ولابد ان يعود المقدم الرائع حسام لي لأقدم مبدع اخر


ومن اول مارحت هديت المتون
وظلم وني اذا سميته مفضوح
اذا يم وني شفت الفاكدة وليد
تشوف ام الولد ماتعرف اتنوح

من ذاكرة الرائع رائد ابو فتيان الى الشاعر الشفاف يوسف الدراجي

وبتحية من يوسف رائعة حيث اعتلى المنصة

ويقدم اجمل تحية

الحظور الجميل
الترافة عليكم وحنية الاله وشفافيته

مشطتني الريح غفلة وبيه باكت طعم صوتك
من زمان بيوم شفتكوعزف بيه السيسبان
وللعشك سواني ريل
وبالكهف نايم شعورك

ومن فلسفة يوسف الدراجي الذي اذهلت الجمهور


وجفوف الموت تاخذ بس اليونسون
ماتاخذ غثيث مجتفة شبيهه
ظلم بيه قضية الموت للزينين
يعزرائل عيدنة النظر بيهه

من ابداع الشاعر الكبير حامد الشمري

الى الشاعر من مدينة الشعر عباس الغالبي


حيث قرء الى وزارة الاعلام الحسيني وبطلة ب الحوراء
عليها السلام

جلبت بالله ومشت روس ال هاشم
اتحملت ذلة ومشت ذيج الشتايم
وانتي زينب الي لو حجت مالات ربه
اطيح كل يج العمايم
وبس مسريج خاطهم شاهد عيان
وي فشلة عاصفة يسموهه كود
وموش كود وهو تشيع
القرائين المشت وي اليهود

ومن الانهاية للقصيدة الزينبية الرائعة

للغالبي


وبعده قرء قصيدة وجدانية رائعة ايضا ليترك المنصة بتصفيق حار من الجمهور


وها نحن نصل الى نهاية الشعراء والمنصة وانا اعتذر من الشعراء الذي لم يحالفهم الحظ بالقراءة وذالك لكثرة الشعراء حيث وصل عدد الشعراء الحظور الى اكثر من 18 شاعر ولكن الاماسي القادمة قريبة ومنتدى غن محسن قائم الى الانهاية انشاء الله

وبعدها قدمت مسك الختام


يحبك كلش بيه وكلشي احب بيك
ماكدر اعوفك مو بدية
تعده الريح حبنه وطب للجساد
واحس ظلت خلية تحب خلية

من ذاكرة الشاعر البصري نائل مظفر الى مسك الختام والشاعر

حيدر الربيعي




حيث قال لي الشرف ان اقرء امام الكبير لطيف العامري

حيث قرء مرثية الى الشاعر المرحوم(غني محسن)

شكتبلك شعر وبيش ابديك
غني يرادلك ستين شاعر
غني بنص الكبر اشعارك تعيش
وتصيح الله من تقره المكابر
وغني رب الفقر ربيت الجهال
غني رب العوز وتوزع نذر
غني بعدك الشعر ظل يتيم
غني معناهه انت ربيت الشعر

وبنهاية القصيدة الرائعة

يطرب الحظور بأبوذية رائعة

سر الجن فضحني شو فته الجن
وشجاني بسر جمالك شوفته الجن
فتى كلبي بغرامك شوفته الجن
وفتى الجن وعقل ماخلة بيه



وعودة الى الرائع لطيف العامري والمقدم الشفاف حسام البهادلي


حيث كانت كلمة النهاية للشاعر الرائع الذي نور سماء بغداد بحظورة الشاعر لطيف العامري هي كلمة الشكر والامتنان على القائمين بهذا المنتدى وشكر خاص للمشرف العام للمنتدى الحاج حامد الشمري ولهذا الترحيب الرائع من اهالي بغداد الكرام




حيث قال حسام
المبدع لطيف العامري انا لم احس بالوقت الذي مر والوقت كان ساعتين او ثلاث ساعات كان سريعا وروعة الحظور الذي زاد الامسية رونقا وجمالا وابداعا
وبالحرف الواحد انا اشكر الشاعر الحاج حامد الشمري لدعم هذه الابداعات من الشباب والذي عرفني عل الحظور الرائع وعلى الاستاذ الكبير
الرائع لطيف العامري

ولكن سوف اختم بأبوذية وهي من كتاباتي اي من كتابات المقدم حسام البهادلي


لطيف شبيك وي غيري وكح لاي
سؤال مدوخ ظنوني وكح لاي
هم شفتو بشر اشكر وكح لاي
شمس وبليل مامرت علية



اما انا ساهر الماني

فاقدم جزيل الشكر والامتنان وانحني اما الجبل الكبير الرائع لطيف العامري الذي كان لطيف بكل شي بقصائده باسلوبة وبمفرداته الرائعة قد تخونني الكلمات بحق هذا الانسان الرائع النادر نعم ان لطيف العامري شاعر من نوع خاص ومن كوكب فريد من نوعة وشكرا الى كل من حظر الى هذا المنتدى وهو مندتاكم منتدى غني محسن



احبتي الكرام ارجوا ان وفقت بنقل هذه الامسية الشعرية واللقاء او الحوار للشاعر الكبير لطيف العامري

نعم هذا واجبي ممتن لما اقدمه ولو شي صغير الى خدمة الثقافة العراقية عامة والشعر الشعبي خاصة


ذهب الحظور الكبير وهو مستمتع بباقة رائعة وغزيرة من صور وخيال واحساس شعراء مبدعين وادعوكم اخوتي الى ان تاتوا الى هذا المنتدى منتدى الغائب الحاظر

(غني محسن)
في كل يوم جمعة الساعة 3الثالثة

في منطقة الكرادة داخل وعلى قاعة الدروبي

واتمنى ان وفقت بنقل هذه الامسية

او المهرجان الصغير

ولكم

محبتي



وعسى ان ينال التقريرالكامل للامسية اعجابكم



لكم محبتي القلبية

اخوكم
ساهر الماني



Hlsdm vhzum hrdlj td lkj]n ykd lpsk ,fp/,v hgahuv(g'dt hguhlvd) ,hov,k (shiv hglhkd)


من مواضيع ساهر الماني في المنتدى







التوقيع - ساهر الماني

من كثر البجي بالدمع خضر شيب
لا تمسح دموعي تشيب جفيتك!

رد مع اقتباس
قديم 02-28-2010, 02:43 AM رقم المشاركة : 2
المهندس محمد الكريطي
شاعر

الصورة الرمزية المهندس محمد الكريطي
 
تاريخ التسجيل : Jan 2009
رقم العضوية : 27150
الإقامة : ؟؟
الهواية : !!
الجنس : Male
المواضيع : 112
الردود : 8798
مجموع المشاركات : 8,910
معدل تقييم المستوى : المهندس محمد الكريطي is on a distinguished road

المهندس محمد الكريطي غير متواجد حالياً

افتراضي

ساهر دعني اثبت هذا التقرير الجميل واعود حتى اقراه في وقت لاحق
تحياتي لك صديقي وشكرا لتعاونك معي على تقييد هذا التقرير هنا في منتديات عراق السلام
تحياتي لك عزيزي...ولاتنساني في كل اسبوع عزيزي
محبتي لك

من مواضيع المهندس محمد الكريطي في المنتدى







التوقيع - المهندس محمد الكريطي

الحب.. هــــــــــو
ان ادلك عضلات القلب بذكرى فراقكِ !
رد مع اقتباس
قديم 02-28-2010, 03:11 AM رقم المشاركة : 3
بَحْرُ الوُفاءّ
ادمنت بـالحزن حباً

الصورة الرمزية بَحْرُ الوُفاءّ
 
تاريخ التسجيل : Feb 2008
رقم العضوية : 12615
الإقامة : أعَيِشَ حًيِثُ لَأأكوُنً...!
الهواية : قراءة الشعر
الجنس : أنثى
المواضيع : 863
الردود : 14895
مجموع المشاركات : 15,758
معدل تقييم المستوى : بَحْرُ الوُفاءّ will become famous soon enough

بَحْرُ الوُفاءّ غير متواجد حالياً

من صاحب الاغنيه الاول:  - السبب:
: 1 ( ...)
افتراضي

بدوري ان اصفق لك ولكل شاعر
حضر هذي الامسية الرائعة
التي تحمل الاحساس الصادق
والابداع والتألق دام الله نبض اقلامكم
ومشكور ع جهودك المبذولة
تقرير رائع ..
تقبل مروري البسيط
تحياتي لك

من مواضيع بَحْرُ الوُفاءّ في المنتدى







التوقيع - بَحْرُ الوُفاءّ



تعبت متاني خير القدر ماية
جروح الناس قلة وانة ماية
بحر من الوفة ومخبوط ماية
طيب ووزعيتة الكم هدية
شكراً لمن كتبها ....
رد مع اقتباس
قديم 02-28-2010, 08:15 AM رقم المشاركة : 4
هواجس
عضو جديد

الصورة الرمزية هواجس
 
تاريخ التسجيل : Jun 2008
رقم العضوية : 19728
المواضيع : 9
الردود : 66
مجموع المشاركات : 75
معدل تقييم المستوى : هواجس is on a distinguished road

هواجس غير متواجد حالياً

افتراضي

تسلم يا راقي على هذه الجهود

من مواضيع هواجس في المنتدى







التوقيع - هواجس

رد مع اقتباس
قديم 02-28-2010, 08:59 AM رقم المشاركة : 5
علي السامي
عضو بدا يشتغل

الصورة الرمزية علي السامي
 
تاريخ التسجيل : Feb 2009
رقم العضوية : 27417
المواضيع : 107
الردود : 127
مجموع المشاركات : 234
معدل تقييم المستوى : علي السامي is on a distinguished road

علي السامي غير متواجد حالياً

افتراضي

الاخ المثابر ساهر الماني بارك الله الجهود واحييك على هذا الابداع
ولكن قبل هذه الامسية هناك امسية في الاسبوع الذي سبقه كانت رائعة لم تذكرها في تقريرك
وكنت قد حضرت بها مع أبن الديوانية اخي واستاذي الشاعر الانسان ضرغام العراقي
وكانت مميزة ايظاً بشهادة الجميع وكانت القراءات اكثر من رائعة
تمنياتي بالموفقية للجميع
تحيتي
اخوك
علي السامي

من مواضيع علي السامي في المنتدى







التوقيع - علي السامي

رد مع اقتباس
قديم 02-28-2010, 02:36 PM رقم المشاركة : 6
وسام الفراتي
شاعر

الصورة الرمزية وسام الفراتي
 
تاريخ التسجيل : Jan 2010
رقم العضوية : 35413
المواضيع : 29
الردود : 635
مجموع المشاركات : 664
معدل تقييم المستوى : وسام الفراتي is on a distinguished road

وسام الفراتي غير متواجد حالياً

افتراضي

الله ياساهر
كانت امسيه جميله
وزاد جمال الامسيه عريف الحفل الرائع
هو انت
شكرا لمجهودك الرائع اخ ساهر
كنت وماتزال مبدع
حبي لك مع التقدير

من مواضيع وسام الفراتي في المنتدى

رد مع اقتباس
قديم 02-28-2010, 05:56 PM رقم المشاركة : 7
سعودالخفاجي
شاعر

الصورة الرمزية سعودالخفاجي
 
تاريخ التسجيل : Jul 2008
رقم العضوية : 20947
المواضيع : 315
الردود : 9227
مجموع المشاركات : 9,542
معدل تقييم المستوى : سعودالخفاجي will become famous soon enough

سعودالخفاجي غير متواجد حالياً

التميز بالشعر الشعبي:  - السبب:
: 1 ( ...)
افتراضي

احسنت اخي الرائع ساهر
جهود جباره وايثار جميل
الى مزيد من الجمال والتقدم

من مواضيع سعودالخفاجي في المنتدى







التوقيع - سعودالخفاجي

رد مع اقتباس
قديم 02-28-2010, 06:37 PM رقم المشاركة : 8
ياسر التميمي
شاعر

الصورة الرمزية ياسر التميمي
 
تاريخ التسجيل : Feb 2010
رقم العضوية : 35808
الإقامة : بغداد
الهواية :
الجنس : ذكر
المواضيع : 33
الردود : 326
مجموع المشاركات : 359
معدل تقييم المستوى : ياسر التميمي is on a distinguished road

ياسر التميمي غير متواجد حالياً

افتراضي

لا اعرف ماذا اقول بعد
هذه الجهود التي بذلتها
في الأمسية وجهود كتابة
الموضوع فلك من قلمي
وقفة اجلال واحترام لشخصك
الرائع ولجهودك الجبارة ...

من مواضيع ياسر التميمي في المنتدى

رد مع اقتباس
قديم 03-01-2010, 12:40 AM رقم المشاركة : 9
احمد المسعودي
 
تاريخ التسجيل : Nov 2007
رقم العضوية : 7174
الإقامة : اعلام
الهواية :
الجنس : Male
المواضيع : 1
الردود : 6
مجموع المشاركات : 7
معدل تقييم المستوى : احمد المسعودي is on a distinguished road

احمد المسعودي غير متواجد حالياً

افتراضي

امسية رائعه جداً
ولم يحالفني الحظ في الحضور
ولكن استمتعت بها من خلالك يا ساهر الابداع
شكراً لك ولجميع المبدعين في منتدى غني محسن
وفي مقدمتهم المبدع والرائع الحاج حامد الشمري
تحياتي لك
احمد

من مواضيع احمد المسعودي في المنتدى

رد مع اقتباس
قديم 03-02-2010, 12:58 PM رقم المشاركة : 10
عبدالله الرفاعي
شاعر

الصورة الرمزية عبدالله الرفاعي
 
تاريخ التسجيل : Sep 2008
رقم العضوية : 23986
الإقامة : عمان _ الاردن
الهواية : الكتابة للوطن
الجنس : Male
المواضيع : 16
الردود : 660
مجموع المشاركات : 676
معدل تقييم المستوى : عبدالله الرفاعي is on a distinguished road
إرسال رسالة عبر مراسل Yahoo إلى عبدالله الرفاعي

عبدالله الرفاعي غير متواجد حالياً

افتراضي

جعلتني استمتع بحظور هذه الامسية الرائعة من خلال هذه الصفحة
جهودك رائعة اخي ساهر
دمت متألق

من مواضيع عبدالله الرفاعي في المنتدى







التوقيع - عبدالله الرفاعي




نزلت اعله القفص ما حسبت غدّار
رمشينك طعم واعترف صادنّي

عبدالله الرفاعي

ABDALLAHALREFAI@YAHO O.COM
رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


أمسية رائعة اقيمت في منتدى غني محسن وبحظور الشاعر(لطيف العامري) واخرون (ساهر الماني)

منتدى الشعر الشعبي والابوذية والدارمي



الساعة الآن 06:54 AM.

دردشة عراقنا دردشة عراقية