اجمل اشعار السيد نوفل الصافي

[المهاجر الاشيب]

[FONT='Arial','sans-serif']


هاي ساحه ..
البيه زود اوحظ يگوم
الصوم لليگدر يصوم !!
فمن كان مريضاً أو على خدر
يرجع وره
معذره ..
(القيد للمسجون هيبه)
قاعه واحد ..
اولايه خرسه
السوالف بس همس
الحيطان ماضاگت شمس !!
الگاع تنتل !!
والهوه خربان.. بايت من أمس !!
قاعه رقم اثنين
اگبال قاعه رقم واحد
أشويه اكبر .. الفرق بس الممر
وانطفه بيها گمر !!
قاعه رقم أثلاثه ..
ليل أومگبره
مگبره يمهه المحاجر..
المحاجرمدري ليش ..
ذكرّتني ابرسم شاعر ..
الباب من بّره وجه چّنه حليب
او وجه الآخر..
نُص كلتــّه الذكريات ..
وبگشر رمّان مكتوب الفرج كلش قريب
آورَسِم للسيد المسيح ياكل براس الصليب !!
مگبره..
قاعه رقم اثلاثه .. ليل أو مگبره
والألم ع الباب لازم سيطره
اوتاجر صبر.. بس جوهره
عنده صبرعوزه زلم ..
اوعنده شعر يسحر مَرَه
الزلم ركضت ع الشعر !!
والمره ماچنها مره
ابكنتور صبره اموزرّه !! ؟؟؟؟؟
قاعه رقم اربعه خوف
ذاكه موقف كون الك عين وتشوف
تصرچ البيبان وتلدغك غفل !!
الباب يضحك ..
وشاط من غيظه القفل
والحلم ممنوع ..وانطـّو للجفن
نسخة أمر.. طبق الاصل !!
والعين تتشلبه عله الشباچ دَم ..
ترسم الحيطان .. دم
تصبغ البيبان .. دم
اوجدم سجّان اونحيب الباب ..
سكته .. كلها سكته ..
امنين ماتلتفت سكته !!
اتلمست روحي بَعدْ هي
أوهاجس ابروحي يصيح
( خل الرمح بچلاك واگف لمه اتطيح) ..
اوهيّ ساعه وهاي ساحه .. البيه زود ايگوم يلعب !!وهذا ملعب !! وسوط يلعب !! والكره الأرضيه تفتر.. مدري افتر.. مدري نفتر دون راس
الراس يمشي بلايه عين !!
العين تحلم بالجفن يحضنها يوم ..!!
اويوم ياكل يوم .. ياكل يـ ـ ـ ـ ـ ـ ــووووو م
ياكل هاجس اجناحه يحوم ..
يفتر القاعات وعيونه تطوف ابحلم يشتم عطر غيظ ايحنيّ بي باب الظفيره ..
ابحلم يشتم ناس غيظ ..
اتبات گمرة شوك بعيون المنافي !!
ماكو ناس السوط يلعب.. اتقدمت كلها وره !!
اتراجَعِت آنه الـ أَمَام !!
والقصيده الشهرزاد اتريد زاد الشهريار..
وشهريار يريد من عدْهه الكلام ..
اتلمست راسي عله اچتافي ينام .. (ياسلام ..ياحمام ..ودي السوگ الشيوخ أجمل سلام )
اوصوت حي اعله الصلاه بعده عدل..
صاح حيّ الشاهد الله ..واركعت بس للأله اوبَسْمَلِتْ ..أولاً: قل هو الالم واحد
وماأنا بطائع..
جنوبي ماتـْهزهز.. ماأطخن راس
اگص راسي بديه ولا أطخنـــّه
اثنين: أحب چف القصيده الشايله اشموع
واكره كل حرف شايلــّه وجهين
وعندي من الصبر دجله وفراتـين
وبعد خلـگين عندي اتـدوربالـدم
التوقيع:
شاعر من جنوب الناصريه ومايخاف
وبْصَمِتْ دون اعتراف!!
إيضاح مع عدم الاعتذار
اللّهم عاف ..
العثـــّه وصلت تاكل بروس الزلم!!
الحمد لله ماكلتني[/font]