منتديات عراق السلام

اعلانات المنتدى

 

 

 

 

 

 

 

 

   
العودة   منتديات عراق السلام > المنتديات الادبية > منتدى الشعر الشعبي والابوذية والدارمي > الأبوذية

الإهداءات

إضافة رد
 
أدوات الموضوع انواع عرض الموضوع
قديم 05-12-2008, 07:32 PM رقم المشاركة : 1
حبيب رغد
عضو جديد

الصورة الرمزية حبيب رغد
 
تاريخ التسجيل : Jan 2008
رقم العضوية : 11182
المواضيع : 38
الردود : 43
مجموع المشاركات : 81
معدل تقييم المستوى : حبيب رغد is on a distinguished road

حبيب رغد غير متواجد حالياً

H025 ابوذيات حرايه


شجاك وياي باديهه من النص
كمت ما ميز العلوه من النص
جزء مفقود واصلني من النص
رساله اشلون تحسبهه عليه

ليش وياي باديهه من اخر
كمت الطش جزء انه من اخر
شجاك وياي رافعهه المناخر
تدنك حته انحلهه القضيه

الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمع طيب ونضيف
بكثر معنى الحـروف الابجديه


هجم حبك على سنيني غزلها
وروحي بمغزل الحسره غزلها
القصايد بس الك لايك غزلها
شكد افرح اذا تسأل عليه


احينلك فرص ان لم تحن لك
واحن عليك مثل لم تحن لك
اذا ماقاري صدك لامتحن لك
واجيب بكل درس امتحنه ميه


تظل نجمه ياضي العين بسماي
ويضل اسمك صديق العمر بسماي
ما يروي العطش بجفاك بس ماي
العطش ترويه من تسأل عليه


انا روحي رجيجة وحيل خضرة
لام شعر الذهب وعيون خضرة
بعت الها الكلب باعت لي خضرة
ريحان كرفس اربعة بمية


عليّ ثوب الونــــين اشكثـــر .. حالي
شباب وهل شبت مــــــــن دون .. حالي
انشدچ على احوالچ مثـل .. حالي
طايـح والهموم اتشيل بيــه


يكلبي شلون ألمك . .ولحماك
والخان بيك من دمك. . ولحماك
ومحد وكف وياك . .ولاحماك
وبغدرك مشو كلهم سوية


جميله وبالحسن الله وسمها
وحرز بالبيت صورتها وسمها
اسم كلمن يمر بيها واسمها
واسم روحي اذا شحت عليه



شعجب دفتر عشكنه ماتكلبه
وليش انت اليكلبك ماتكلبه
تره كلبي بغيابك مات كلبه
كلب كلبي توفه وعم عليه


ترد روحي اليه مرة شفتك
وابد لاتظن حلوة مرة شفتك
بحضن الغير ذايب مرة شفتك
عين بعين ماهميت بيه



اجيك بلهفة اتعنة وهملك
ولتضن يوم املنك وهملك
اذا ضنيت متأكـــد وهم لك
لان ميصح متوهم صافي نية



احبك واعتذر منك واناسف
جمالك بروحي مغربل واناسف
احط بروحي تي ان تي واناسف
وافجر نفسي اذا تزعل عليهلا تضن يوم انساك وتفكر بهاي

ساكن حبيب الروح بلبة حشاي


************************************


رايد احضنك حيل بثنين ايديه

فركتك يا محبوب عمت عليه


************************************

محله العمر يهواي لو خلص يمك

يمك واحس بشوك بكلبي اضمك


*************************************

رحمه على الجابوك ارحم بحالي

ارحم كلب ملهوف لرسمك يغالي

***************************************

تشهد عليه الناس ما يوم اخونك

وللموت اظل يهواي صدك اصونك

***********************************
هايل يا جماله شبيه من هول
ومن مطبخ اطبلك والا ... من هول
اجيتك ركض صار ﮔﺑالي ... منهول
وصفت بس الصراصر بين اديه !!

**********

دباوع وين صرنه ووين ﭽﻨﻪ
وﻋﺸﮕﻨﻪ الراح ساعه زمان ... ﭽﻨﻪتعتني الروح مرة ومرة تلها.
ليالي شكثر صعبة مرت الها.
همر قلبي وتاهت من رتلها.
تعال صير عبوة وطك عليه



حرت شكتب على البداع شطري
استحه من اشطوركم ماطال شطري
اعرفكم عليه اصل شطري
يعني احد افراد الناصريه


نحيل الجسم من بعدك تراني
واريدك دوم بعيونك تراني
افكر بيك كل ساعه تره اني
احبك حيل يل كلك اليه

تطش روحي ابدرب اضلم ولمهة
ونة الحاير بالامي والمهة
ابوهة كل ذنب مالة ولا امهة
الذنب ذنبي هويت ابلا وعية


الكلب عاف البشر كلها والك راد
مشى وسافر تذكركم والك راد
عرب ما طيبوا علتي ولاكراد
دواي انت يهل مبعد علية

يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد اليه


زبد يا ملمس الوجنه ... من الحر
اخاف تموع من تمشي ... من الحر
ابنادم صورك ربك .... من الحر
وانه الدافع ثمن هاي البليه



وكع كلبي بغرامك ماتشيلة
ترى كلبي تعذب ماتشيلة
اخابر وانت تسمع ماتشيلة
وينك ياحلو بس رد علية


احلى من البدر يا اسمر وصفناك
ولكل مريض انته الدوه وصفناك
يا حافظ الله يسترنه وصفناك
كلي اشتعل من تصفن عليه

ما أدري شكضه من الليل وشتم
ومن خدك أحوش الورد وشتم
وأعذرك حيل سبني بزعل وشتم
تره شما تشتم ثواب لوالدية

الدمع مرات مو بس حزن..يعني
ثكيل وبس عليك الجدم..يعني
على احوالة سألته وكال..يعني
ومعنى اليعني مالك غرض بية

مريض وصعدت امراضي على شفاي
وطب لندن فلا يكـدر على شفاي
حبيبي من تحط شفتك على شفاي
اطيب ومايضل كل مرض بية



نص احترك من هجرك ونص طاف
وغرك نصي ابحر حبك ونص طاف
يريت المدرسة ترجع ونصطف
وابدلك بالعلم واخذ تحية


دمع عيني المناشف منشفتهه
غميت وطحت كلي من شفتهه
اخذت العام بوسه من شفتهه
لحد هاي السنه مغمه عليه




يحن كلبي على حبك من احبك
واخذ زهوة شبابي مني حبك
انشدك ياهو الاكثر مني حبك
حته بهالسهوله تخون بيه

اريد الدنيا تصفى وياي بس يوم
واشوفك ياكحيل العين بس يوم
تنوح امي عليه وصحت بس يوم
الذنب ذنب الحبيب قاسي عليه



نصحته ولا نفـــع وياه نصحاي
سكاره احنه بهــواه مابعد نصحاي
جفاني وصرت نصي ميت نص حاي
نحيـــل ولا اثــــر نكاد بيه


وحك ارموشك الحلوه...وعينك
انا بالشده واكفلك...وعينك
لون بيدي لنصبنك...وعينك
ملك تحكم على كل البريه




عجيبة تريد تنساني وانة اسلاك
اظنك لاگي من غيري ونس لك
أريد اعرف شنو اصلك ونسلك
وشنو انتة يبو اطباع الردية



يامن بالكلب والروح حليت
اجرعت مر الصبر وهواي حليت
الك جم مشكله ياحلو حليت
وهواك المشكله الصعبت عليه

أريد ارجع على العشرى و انخاك
لان دم الوصل واحد و انا اخاك
ادري الوكت هد حيلك ونخاك
لاكن تدري وكتي شسوه بيه


اجيلك عمـر يسـمر ماتجيلي
وثياب الحزن ضاكت ماتجيلي
كضت كل الرفاكه ومات جيلي
وبقيت انت وتشح وصلك عليه...




عليك المات والحي سائل انه
صلب لاكن لربعي سائل انه
وكفت اباب بيتك سائل انه
وذا ماتجي هم اسئل عليهيوادم اريد اشتم من هواهم
ولو عال ليحبهم من هواهم
جرح دللي كلة من هواهم
اريد اشفي الجرح غصبن علية


احلف مابجي على فركاك ولانوح يظل كَلبي أمحبتك دوم ينشد
يحبك بس عليك أهواي ينشد
عرفنة العظم من ينكسر ينشد
وأنة كَلبي أنكسر شي شدةألية



وبعد ماردت بسمك ولانوح
يوسف ماتعب مثلي ولانوح
ولايعقوب مر مثلي باذية




عشرتي وياك عمه وﻠﮕﺖ ... ﭽﻨﻪ
مطاﮔﮓ والخمط بالمزهريه

عمري المضه والجاي فدوة لعيونك

خوفي يا نور العين لا يغيرونك




صوبه
اريد اقصد درب ولفي وصوبه
واريد ارمي بسهم قلبه واصوبه
الشتا جاني بلا جوله وصوبه
اكعد للصبح افرك بديه


سومر
شربت من التتن دنهل وسومر
وقلبي من القهر زنجر وسومر
احبك من عهد بابل وسومر
وحتى حمورابي انكسر قلبه عليه


احبك والحكم شاهد وحبك هجمه مرتده
برازيلي وهجم عالكول ياهو اليكدر يصده
جمالك عذب المخلوق صفين
ومن هجرك دموع العين صفين
علينه من تمر أنصير صفين
صف ينحني وصف ياخذلك تحيه


تعتني الروح مرة او مره تلهه
لياي هواي صعبة مرت الهه
همر روحي او تاهت من رتلهه
تعال انگلب عبوة او طگ علية

وياك احسمت حربي وانتهت لي

ولك ما تيه لجلك وان تهت لي

اطلعت بوخة يخايب وانت هتلي

وحسافة الدنيا ذبتك عليه
سابيني بجمـــاله اوطول شعره
انا اموت من اسمع ابيات شعره
انا بيني وبين المـــوت شعره
حبيبي اشوكت تلــــــحك عليه

بعدني ألف وسفه الوقت عنك بعدني
أموت و أرتجي وصـــــــلك بعدني
و تراني عالعهد باقـــــي بعدني
تراك أنت النظـــــر والحيل بيه
سفن حبك بشواطي الروح شرعن
و سهم حبك نبت بحشاي شرعا
اريد مذهب يحلل البوس شرعا
و اذا ماكو ارد للجاهليه

اجيت امشي بتوالي اليل واسعة
على ام الشعرالطويل وعيون وسعة
ياحافر قبر لهواي بالله عليك وسعة
اريد اني وحبيبي نندفن بي سوية

يا ناس باعو لعلتي وورمهة
جبير وما اضن يهدأ ورمهة
احبهة من جانت تمشي ورمهة
وهي تحبني من جانوا يلومون بية
وحك هاي السمه كلهه ولفلاك
أضل لاخر سنه بعمري ولفلاك
وصول عليك من تزعل ولفلاك
وضمك حيل لا اخر نفس بيه0

اهم بحالتي نوبه وحالاك
واكول شحزمك ضدي وحالاك
هوانه الجمل اطباعك وحالاك
نسيت وكمت تتمرد عليه0

هويتك من صغر سني ولا امل
مثل قيس وهوه ليلى ولامل
اضل امشي بدرب حبك ولامل
احبك ياعراق ومو بديه0

عليمن يلرضاكم مرضنه
مشيتو والليالي مرضنه
ويزاد البلا ياكم مرضنه
عسل اكل احسه اسموم حيه0
يا صاحب هاك اخذ مكتوب وصله
وأريد أعرف عمامه منين وأصله
كَلبي عليك صار 12 وصله
كل وصله تصيح جيبوه اليه



شهر سيفه الهجر ضدي وسله
نساني وراح وي غيري وسله
عنب ما حصلت منه وسله
طلع ذيب وأكتلني اربات اديه


تبنا من العشكَ وأردودعدنه
وحسبنه إسنين مره وتاه عدنه
هوايه بالسلف حلوات عدنه
لون روحك صدكَ خضره وطريه



حبك من شفاف الكَلب عتباي
ولا نوبه اذكرتنه وأصلت عتباي
أعتب ما نفع وياك عتباي
على ياهي أعلت واكَطعت بيه


كثير الهم على كَلبي تراكم
وكصيتو وياي يا أحبابي تراكم
تود العين كل لحظه تراكم
ولو بالطيف مرتكم عليه
حبيبي اليوم ما بين ومايه
وبهجرة نشف دم الكلب ومايه
جبتله نانسي واصاله ومايه
طلع يدور هيفا وهبي عليه
وحق رموشك الحلوه وعينك
انا البالشده اوكفلك واعينك
لو بيدي انصبنك واعينك
ملك تحكم على كل البريه.

بسماره ذوب كليبي واسرني
ولامره ضحك ليه وسرني
بصلافة عين شاورني وسرني
وكلي انسه العشق بالحب اذيه

نظل للدوم ليه انت وانا لك
يسويهه البخت ليه وانالك
واكل للراد يبعدنه انا لك
وارده منين مادزوا عليه.

ابد مايوم غايب حاضر اني
ولا اصيرلك ماضي حاضراني
تناديني واكلك حاضر اني
ويظل حبك فرض واجب عليه.

اذوبن شمعه وانتظرك تمر مر
وكلبي من كثر هجرك تمرمر
اسالك ياحلو هم ضايك تمر مر
واني البرحي حنظل صار اليه.

لان انت حبيبي والهوا لك
اصير الماي لاجلك والهوا لك
وادوس عله المخاطر والهاولك
واصير شموع لعيونك ضويه.

جمع ربك غزاله والنمر بيك
ادور الشهد وينه والمر البيك
تكلي مر عليه وين امر بيك
امر عليك وانت هنا بيه
سهم نابت بلب حشاي ماضي
وعلى كتلي بهواه المحب ماضي
عشرتي وياك صارت فعل ماضي
وصفت لليوم حاضر بالاذية

***** *****

يامن حسن الخلق ملبسة ورداه
سهم لحظك صوب الدلال ورداه
اتمنى اوصل الخدك واشم ورداه
حتى اطيب وماتظل كل علة بية

***** *****

ارد افهم قصوري وياك شجره
ودفنتك بالكلب سباح شجره
غشيم انه وعفت طيري فوك شجره
بغابه وتاهت الشجره عليه

***** *****

سألت عالطير انت لو شجرتك؟
سلالة وفه وناصح من شجرتك
مدحتك يم هلي وناسي وشجرتك (شكرتك)
لون ترسل رساله ترد عليه

تمر وعلي ساترهه بختهه
حچت ونار البگلبي بختهه
بخت من كال بدلهه بختهه
شلون الذهب والفضة سوية

***** *****

بجت روحي بتوالي الليل ونعت
وتذكرت الزمان الفات ونعت
جنت مهيوب هسة اندفع ونعت
تمنيت الموت ولايصير الصار بية

***** *****

بسك يقلبي وجوز منهم
حبيت بوفه والعيب منهم
غيظ شكد احملت ومنهم
تظل انت الاصل وهم الوطية

***** *****

وحك القاب والقوسين ودنه
الغيرك مايلف ويدور ودنه
اكربلك ردت بخطاي ودنه
لاجن تبتعد عني بردية


hf,`dhj pvhdi


من مواضيع حبيب رغد في المنتدى

رد مع اقتباس
قديم 05-12-2008, 09:41 PM رقم المشاركة : 2
زهرة البراري
عضو رائع

الصورة الرمزية زهرة البراري
 
تاريخ التسجيل : Sep 2007
رقم العضوية : 1537
الإقامة : العراق
الهواية :
الجنس : Female
المواضيع : 164
الردود : 2169
مجموع المشاركات : 2,333
معدل تقييم المستوى : زهرة البراري is on a distinguished road

زهرة البراري غير متواجد حالياً

افتراضي



حبيب رغد


تسلم على هذا الابداع الجميل

وسلم قلمك الرائع

تقبل تقديري واحترامي

ودمت بود

من مواضيع زهرة البراري في المنتدى

رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


ابوذيات حرايه

الأبوذية



الساعة الآن 01:20 AM.

دردشة عراقنا دردشة عراقية